Errusiak erasoekin jarraitzen duela salatu du Zelenskik
Volodimir Zelenski Ukrainako presidenteak 59 bonbardaketa errusiar berriren eta bost eraso operazioren berri eman ditu lehen orduan. Vladimir Putin Errusiako presidenteak Pazkoa dela eta su-eten "humanitario" labur bat iragarri arren gertatu dira erasoak.
"Mugaren norabide ezberdinetan, dagoeneko 59 bonbardaketa eta bost eraso izan dira (...). Alde guztietan, gure gerlariek erantzun egiten dute, borroka egoera zehatzaren arabera", azaldu du agintariak X sare sozialean. Egoeraren azken txostena jaso ondoren egin ditu adierazpenak Zelenski. "Ukrainak simetrikoki jokatzen jarraituko du", gaineratu du.
Erasoak Starobilsk, Donetsk, Pokrovske, Novopavlivske eta Zaporiyian gertatu dira.
"Oro har, Pazko goizetik, esan dezakegu Errusiako Armada su-etena dagoenaren itxura sortzen saiatzen ari dela, nahiz eta zonalde batzuetan aurrera egiteko eta Ukrainan bajak eragiteko saiakerak egiten jarraitzen duen", gaineratu du. Errusiari "su-etenaren baldintzak erabat betetzeko" ere eskatu dio.
Argitaratutako mezuan, Zelenskik berretsi du Ukrainak su etena 30 egunez ezartzeko eta zabaltzeko proposamena.
Errusiak Ukrainari aurpegiratu dio menia urratu izana
Errusiako Defentsa Ministerioak, bestalde, Ukrainari leporatu dio Donetsk eskualdeko bere lurrei eraso egin izana, 30 orduko su-etena urratuz.
Telegram bidez zabaldu duen oharrean, ziurtatu du 48 drone jaurti dituela gauean Kievek, eta horietako batek Krimea zuela jomugan.
Moskuk okupatutako hirien aurkako eraso saiakerak errusiar indarrek uxatu dituztela ere azaldu dute oharrean.
Ukrainak Errusiari erantzun, eta erasoak faltsutu izana egotzi dio
Ukrainako Desinformazioaren kontrako Borroka Zentroak ukatu egin du Errusiak esandakoa, eta ziurtatu du Moskuk erasoak faltsutu dituela.
"Errusiarrak erasoak asmatzen ari dira, Ukrainari menia urratu izana leporatzeko", esan dute Facebook bidez.
Zure interesekoa izan daiteke
Bertan behera geratu da Flotillako euskal aktibistei Loiun egin nahi zioten ongietorria, bi kide erietxean baitaude
Flotillaren ontzietan bidaiatu duten sei euskal herritarrak gaur ziren Euskal Herrira iristekoak. Horietako bi, ordea, Turkian daude ospitaleratuta, atxiloaldian jasandako indarkeriak eragindako lesioengatik, eta ez dira itzuli.
Azken 24 orduetan 31 ontzik Ormuz zeharkatu dutela adierazi du Iranek, Guardia Iraultzailearen "koordinazioarekin"
Ameriketako Estatu Batuek ziurtatu dute 94 ontzi birbideratu dituztela Irango portuetara ezarritako blokeoa betetzeko.
Dagoeneko deportatuta dauden Flotillako aktibistek haien kontrako indarkeria areagotu egin dela salatu dute
Gazara bidean zihoazela Israelek nazioarteko uretan atxilotu dituen 430 ekintzailetatik gehienak (guztiak atzerritarrak, Israelgo emakume bat izan ezik) Ramongo aireportutik atera dira, Israelgo hegoaldeko muturrean, Turkiak jarritako hiru hegazkinetan. Ekintzaileek Israelek haien kontra erabilitako indarkeria maila salatu dute.
Suak erabat suntsitu du Japoniako Reikado tenplu budista historikoa
Kukai monje budistari eskainitako tenplua 806. urtean eraiki zen Misen mendian, Miyajima uhartean, eta ordutik piztuta egon da bertan "betiereko sugarra" deitua, 1.200 urtez etengabe piztuta egon den sugar sakratua. Su horrekin piztu zen Hiroshimako Bakearen Parkeko sugarra 1964an, munduko bonba nuklear guztiak desagertu arte piztuta egongo dena. Ez da inor zauritu, baina ondare-galera ordezkaezina da.
AEBren eta Kubaren arteko tentsioa areagotu egin da Raul Castroren auzipetzearekin: Washingtonek hegazkin-ontzi bat jarri du Karibean
Auzipetzearekin batera esku-hartze militar baten mamua berpiztu da uhartean; izan ere, Nicolas Maduro ere auzipetu egin zuten Venezuelako operazio militarra abiatu aurretik.
Israelek Flotillako ekintzaile solidarioak umiliatu egin ditu
Itamar Ben Gvir Israelgo Segurtasun Nazionaleko ministro ultraeskuindarrak argitaratutako bideo batek protesten erauntsia eragin du, ministroak atxilotuei emandako tratua dela eta.
AEBk Raul Castro Kubako presidente ohia inputatu du, 1996an bi hegazkin eraisteagatik
Duela berrogei urte, Kubako ehiza-hegazkinek Floridako itsasartean Anaia erbesteratuen Erreskaterako erakundeko bi hegazkin txiki eraitsi zituzten, eta lau pilotu hil ziren.
Hilabeteak beharko dira ebolaren azken agerraldiaren aurkako txertoa lortzeko, baina arrisku globala "txikia" da, MOEren arabera
Hala ere, nazio eta eskualde mailan birusa zabaltzeko arriskua altua dela azpimarratu du Munduko Osasun Erakundeak.
Txinak aldarrikatu du Errusiarekiko harremanak "inoizko mailarik altuenean" daudela
Xi Jinping Txinako presidenteak ohore guztiekin hartu du Vladimir Putin Errusiako presidentea. Donald Trumpek Txinara egindako bisitaren ostean, bi potentziek harremanak estutu dituzte eta hogei bat akordio eta memorandun sinatu dituzte. Horrez gain, “oihanaren legea” berriz nagusitzeko arriskuaz ohartarazi dute
Trumpen gerra botereak mugatzeko eta Irandik tropak erretiratzeko ebazpen bat onartu du AEBko Senatuak
Zazpi saiakeraren ostean, AEBko Senatuak ebazpena onartu du: lau errepublikanok lerroak hautsi eta botoa aldatu dute, eta hiruk bozkatzeari uko egin diote. Hala ere, eta Ordezkarien Ganberako bozketan aurrera egingo balu ere, Trumpek betoa jartzea aurreikusten da.