Kardinalak bilduta daude konklabearen data erabakitzeko eta hurrengo aita santuaren hautaketa bideratzeko
Gaur, astelehena, bilera izan dute berriro kardinalek, eta itxura guztien arabera, gaurkoan, konklabearen data erabakiko dute. Kapera Sistinoan batuko dira kardinal guztiak, eta data zehazteaz aparte, asmo dute akordioak ehuntzea, hurrengo aita santuaren izena aukeratzeko bidean. Kongregazio orokorra 09:00etan bildu da, eta behar izanez gero, bigarren batzar bat dago antolatuta 17:00etatik arurera.
Bederatzi eguneko dolua bukatuta, konklabea maiatzaren 5etik aurrera —eta maiatzaren 10a baino lehen— egin beharko dute, gehienez 20 eguneko epea baitute horretarako aita santua hiltzen denetik.
Esan bezala, Erroman batzen diren kardinalek erabakiko dute data (bi ez dira gaurko batzarrean egongo, osasun arazoak tarteko).
Konklabea
Behin hileta-errituak amaituta, konklabea prestatzen hasiko dira. Horretarako, 80 urtez azpiko kardinal guztiak Kapera Sistinoan giltzaperatuko dira, hurrengo aita santua aukeratzeko.
Ez dago jakiterik zenbat iraungo duen konklabeak, kardinalek akordioa lortzeko behar duten denboraren araberakoa izango baita berorren iraupena. Fumata edo ke zuriak iragarriko du aita santua aukeratu egin dutela.
Guztira, 135 kardinal ziren batzekoak, baina bi ez dira bertan izango, osasun arazoengatik. (Frantzisko aita santuaren ondorengoa aukeratzeko konklabearen gakoak).
71 herrialdetako kardinalak daude hautagaien artean, eta orain arte ez dute elkar ezagutzeko denborarik izan. Horregatik, norbere iritziak elkarri emateko eta balizko hautagaiak identifikatzeko egunak izango dira datozenak.
Kapera Sistinoan sartuko diren 133 hautagaietatik 108 (% 80) Frantziskok berak aukeratu zituen, baina horrek ez du esan nahi guztiak bere "molde berekoak" direnik. Besteak beste, Mongoliatik, Irandik eta Papua Ginea Berriatik iritsitako kardinalak daude, eta ideologia aldetik elkarrengandik oso urruti daude batzuk eta besteak.
Angelo Becciuren gaineko "zurrunbiloak" ekarriko die lehen buruhaustea, Frantziskok aita santu izateko pribilegioa kendu baitzion finantza munduko eskandalu batean nahastuta zegoelako —zigortu ere egin dute—. Hain zuzen ere, hautagaien artean jarraitzeko aukera eman nahi dioten ala ez erabakiko dute gainerako kardinalek.
Kapera Sistinoa, itxita
Vatikanoko Kapera Sistinoa zarratuta egongo da, konklabearen prestaketa lanak direla eta. "Adi. Bisitariek ez dute apirilaren 28tik aurrera Kapera Sistinora sartzeko aukerarik izango, konklabea dela eta", dio sarean zabaldu duten ohar batek.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.