Indarrean da Errusiak alde bakarrez Ukrainan ezarritako hiru eguneko su-etena
Asteazken honetako gauerditik indarrean da Vladimir Putin Errusiako presidenteak alde bakarrez Ukrainan ezarritako 72 orduko su-etena (maiatzaren 10era arte). Armada Gorriak Alemania nazia mendean hartu eta Bigarren Mundu Gerra amaitu zela 80 urte bete dira gaur, eta urteurrena ospatzeko ekitaldiak direla eta deitu du menia buruzagi errusiarrak. "Bai, Errusiaren ekimena, Putinen ekimena, indarrean da", esan du goizean Dmitri Peskov Kremlinen eledunak
Aipatutako urteurrena dela eta, gaur-biharretan mundu osoko 30 bat mandatari dira joatekoak Moskuko Plaza Gorrian egingo diren ekitaldietara. Segurtasuna bermatzeko hartu zuen Putinek erasoak hiru egunez eteteko erabakia. Atzo Venezuelako eta Kubako presidenteekin bildu ostean, gaur Txinako agintariekin du hitzordua, eta bihar, berriz, Brasilgo eta Eslovakiako ordezkariak hartuko ditu.
Joan den astean iragarri zuen su-etena Putinek, eta berria zabaldu orduko, Volodimir Zelenski Ukrainako presidenteak garbi utzi zuen ez zuela ontzat ematen eta Moskun izango diren mandatarien segurtasuna ezin duela bermatu.
Pazko ortodoxoaren harira iragarritako 30 orduko su-etenean gertatu bezala, Errusiak argudiatu zuen "arrazoi humanitarioengatik" hartu duela oraingoan ere erabakia, eta Kiev gauza bera egitera deitu zuen.
Erasoak, droneekin
Agertoki horretan, atzo Errusia hegoaldeko Domodedovoko nazioarteko aireportua itxi egin zuten, Ukrainako Armadak droneekin egindako erasoen ondorioz, Rosaviatsia agentziak zabaldutako informazioaren arabera.
Era berean, sare sozialetan zabaldutako mezu batean, Seguiei Sobianin Moskuko alkateak jakinarazi du Errusiako soldaduek gutxienez lau drone atzeman eta suntsitu dituztela azken orduotan hiriburuaren inguruan.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.