Frantziak, Erresuma Batuak, Alemaniak eta Poloniak zigorrak jarriko dizkiote Putini, su-etena deitzen ez badu
Frantziako, Erresuma Batuko, Alemaniako eta Poloniako buruzagiek topaketa egin dute larunbat honetan Kieven, eta orain arte Etxe Zuriak gidatu duen gerrari amaiera emateko ahaleginari hauspoa ematea erabaki dute. Helburu horrekin, Vladimir Putin Errusiako presidenteari mehatxu egin diote astelehenean bertan su-etena deitzen ez badu, zigor gogorrak jarriko dizkiotela iragarriz.
"Astelehenetik aurrera, gutxienez 30 eguneko su-eten oso eta baldintzarik gabekoa hasi behar dela adostu dugu. Elkarrekin eskatu diogu Errusiari", jakinarazi du Volodimir Zelenski Ukrainako presidenteak, aipatu estatuburu eta gobernuburuak ondoan zituela emandako prentsaurrekoan.
"AEBren babesa dugu", gaineratu du Zelenskik, eta Moskuk hilabeteko su-eten honi uko egiten badio Europako buruzagi horiek Errusiako energia eta banku sektoreei zigor gehiago ezarriko dizkietela azaldu du.
Su-etena aldarrikatzeko, Ukrainak bere bazkideen aldetik armarik ez jasotzeko eskatzen du Errusiak, baina Keir Starmer Erresuma Batuko lehen ministroak argi esan du baldintza hori ez dela beteko.
Estatu Batuetako egiaztapena
Emmanuel Macron Frantziako presidenteak azaldu duenez, Errusiak su-etena onartzen badu, AEBk egiaztatuko du betetzen dela. Moskuk akordioa hautsiz gero, Macronek aurreratu du "zigor masiboak" onartuko dituztela Errusiaren aurka, Europak eta AEBk elkarrekin koordinatuta.
Frantziako presidenteak gaineratu du hilabeteko su-etena onartzeak aukera emango lukeela beste gai garrantzitsu batzuei buruz "berehala" negoziatzen hasteko, hala nola gatazka armatua amaitu ondoren Ukrainak bazkideengandik jaso behar dituen segurtasun bermeen inguruan.
Bileraren ostean eta prentsaurrekoa ematera irten aurretik, Kievera joan diren Europako liderrek (Zelenski barne) telefonoz hitz egin dute Donald Trump AEBko presidentearekin, Macronek eta Starmerrek sare sozialetan baieztatu dutenez.
AEBk Europako buruzagien adierazpenen aurrean publikoki egindako lehen erreakzioan, Keith Kellogg jeneral erretiratuak Kieveko Atzerri ministro Andre Sibigaren mezu bat partekatu du X sarean, Kieveko bileraren ondorioak laburbilduz, eta berretsi du hilabeteko hasierako su-eten bat funtsezkoa dela gerra amaitzeko bidean aurrera egiteko.
Errusiak dio "zigorrekin beldurtu nahi izatea denbora galtzea" dela
Dmitri Peskov Kremlineko bozeramaileak berehala erantzun dio europarren mehatxuari. "Zigorretara ohitu gara jada. Iragarri bezain pronto prestatzen gara ondorioak minimizatzeko. Ikasi dugu. Beraz, zigorrekin beldurtu nahi izatea denbora galtzea da", esan du Peskovek Errusiako telebista publikoan.
Halaber, Putinen bozeramaileak berretsi du Errusiak ez duela onartuko Kievek, Washingtonek eta europarrek eskatu dioten hilabeteko su-etena aldarrikatzea, Ukrainak Mendebaldeko aliatuen armak jasotzeari uzten ez badio.
Zure interesekoa izan daiteke
Xi Jinpingek "bazkide eta ez aurkari" izatea eskatu dio AEBri eta Trumpek "etorkizun zoragarria" iragarri du
Bi agintarien arteko bilera elkarren laudorioekin eta elkar ulertzeko mezuekin hasi da. Horrela, bi potentzia handien arteko tentsio komertzial eta geopolitikoek behera egitea espero dute.
Gutxienez 100 pertsona hil dira Afrika Erdiko Errepublikako urre-meategi bateko lur-jausian
Luizia maiatzaren 6an gertatu zen. Hasiera batean, agintariek 11 hildako baieztatu zituzten, baina hainbat egunez biktimak bilatu eta zaurituak artatu ondoren, kopuruak nabarmen egin du gora.
1.700 pertsona konfinatu dituzte gurutzaontzi batean, Bordelen, gastroenteritis agerraldi baten ondorioz
Gastroenteritisak bidaiari baten heriotza eta sintomak dituzten hamarnaka kasu agertzea eragin du. Osasun-agintariak probak egiten ari dira kutsatzearen jatorria zehazteko; elikagai-intoxikazioa izan daitekeela uste da. Hortaz, Ambition gurutzaontziak bidaia jarraituko du, eta, dena ondo bidean, datorren astelehenean iritsiko da Getxora.
Trump Pekinera iritsi da bi eguneko goi-bilerarako, eta Xi Jinpingekin bilduko da
Txinako 20:00ak (Euskal Herriko 14:00ak) pasatxo zirenean, 'Air Force One' hegazkinak lur hartu du. Bertan zihoazen Donald Trump AEBko presidentea, Marco Rubio Estatu idazkaria, Pete Hehseth Defentsa idazkaria eta AEBko multinazional handien ia hogei enpresa-buru.
Trumpek Venezuela AEBko banderaz margotuta ageri den mapa bat argitaratu du, 51. estatu gisa irudikatzeko
Nicolas Maduro Venezuelako presidentea kargugabetu eta urtarrilaren 3an atxilotu zutenetik, Trumpek hainbat aldiz iradoki du herrialdea AEBko estatu izan dadin nahi duela.
Europar Batasunak, Ormuz babesteko, Itsaso Gorriko misioa eta Libanon beste bat zabaltzea planteatu du
Europar Batasunak Kanpo Politikarako duen goi-ordezkari Kaja Kallasen ustez, bi misio horiekin, alde batetik, itsasarteko garraioa babestuko litzateke, eta, bestetik, Libanoko Armada indartu.
Txina eta Estatu Batuen arteko lehia komertzialaren gakoak: muga-zergak, lur arraroak eta epaitegien ebazpenak
Horiek izango dira Donald Trump AEBko presidenteak, Xi Jinping presidenteak gonbidatuta, Txinara maiatzaren 13tik 15era egingo duen bisitaren gai nagusiak.
Alderdi Laboristako 70 diputatuk baino gehiagok Starmerren dimisioa eskatu dute, baina, oraingoz, lehen ministroak eutsi egiten dio karguari
Erresuma Batuko udal hauteskundeetan emaitza txarrak lortu ondoren, lehen ministro laboristaren aurkako presioa areagotzen ari da. Hala ere, entzungor egin die dimisio eskariei, herrialdean "kaosa" areagotu egingo litzatekeela argudiatuta.
Hainbat familiak TikTok salatu dute Frantzian, gazteei buruko arazoak eta pentsamendu suizidak eragiten dizkielakoan
Salaketan, beren buruaz beste egin zuten bost neskaren familien kasua jasotzen da, bai eta anorexia, depresioa eta joera suizidak dituzten hamar neska eta mutil baten kasuak ere. Sare sozialak ahultasun abusua egin zuela salatzen dute, adingabeak zaurgarri direlako eta sare sozialak ahultasun hori ustiatu egiten duelako.
Trump Txinara joango da maiatzaren 13tik 15era, Xi Jinpingek gonbidatuta
Bidaia, Iranen aurkako erasoagatik atzeratua, Hego Korean hasiko da. Bertan, bi aldeek merkataritzari buruzko elkarrizketak izango dituzte.