Israelgo Armadak 100 pertsona baino gehiago hil ditu Gazan azken erasoetan
Egunak joan, egunak etorri, Israelek Gazan erasoak egiten jarraitzen du. Ostiral goizaldetik, 100 pertsona baino gehiago hil eta 200 zauritu ditu Israelgo Armadak Gazako Zerrendan.
"Gure erreskate taldeek 100 hilotz baino gehiago berreskuratu dituzte (Israelek) gaur erasotutako etxebizitzetatik", Babes Zibileko ordezkari baten hitzetan, eta hildakoak gehiago izan daitezkeela ohartarazi du.
Israelgo Armadak dozenaka etxebizitza bonbardatu ditu Gaza iparraldean ostegunetik ostiralerako gauean, Jabaliako errefuxiatuen kanpalekua eta Beit Lahia, besteak beste, tokiko iturrien arabera.
Atzo, osteguna, Khan Yunisen dagoen Gazako Ospitale Europarra, minbiziadun pazienteak artatzeko prestatuta zegoen bakarra, zerbitzuz kanpo gelditu zen.
Benjamin Netanyahu Israelgo lehen ministroak aste honetan bertan esan du Armadak "bere indar guztiekin" egingo dituela erasoak datozen egunetan Gazan, operazio militarra "burutzeko" eta Hamas "suntsitzeko".
Testuinguru horretan, su-etena lortzeko eta gatazkari konponbidea ematen saiatzeko ahaleginak "oztopatzea" egotzi dio Hamasek Netanyahuri.
Israelek martxoaren 18an alde bakarrez su-etena hautsi zuenetik, ezin dute laguntza humanitarioa banatu Gazako Zerrendan.
Trumpek amaitu du Ekialde Hurbilera egin duen lau eguneko bidaia
Donald Trump AEBko presidenteak ostiral honetan amaitu du Ekialde Hurbilean barrena egin duen lau eguneko bidaia ofiziala. Saudi Arabiaz gainera, Qatar eta Arabiar Emirerri Batuak bisitatu ditu. Gehienbat negozioak egiteko baliatu du egonaldia.
Hegazkinean etxerako bidaia hasi aurretik kazetarien galderei erantzunez esan duenez, Gazan "gauza txar asko" gertatzen ari dira. Gazako gerrari lotuta, datorren hilabetean "gauza onak" gertatuko direla aurreratu du. "Jende asko gosez hiltzen ari da Gazan", eta "palestinarrei lagundu beharko diegu", gaineratu du. Bi aldeei begiratu behar zaiela esan ondoren, "lan ona" egingo dutela iragarri du.
Zure interesekoa izan daiteke
Ebola kontrolik gabe zabaltzen ari da Kongoko Errepublika Demokratikoan eta 1.850 hildako eragin ditu jada
Inoiz izandako agerraldirik larrienak 4.053 kasu baieztatu ditu dagoeneko, eta MOEk "premiazko" erantzuna eskatu du.
Abelardo de la Espriellak Kolonbiako Presidentetza hartu du
Eskuin muturreko presidente berriak Cali aukeratu du inbestidurarako, Bogota hautatu beharrean, eta talde armatu ilegalekin elkarrizketari amaiera ematea eta legez kanpoko laboreak fumigatuko dituela iragarri du.
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.