Israelgo Defentsa ministroak, Greta Thunbergi: "Buelta eman ezazue, ez zarete-eta Gazara iritsiko"
Israel Katz Israelgo Defentsa ministroak ohartarazpena egin die igande honetan Greta Thunberg ekintzaile suediarrari eta Gazara bidean doan Askatasunaren Ontzidiko Madleen ontzian doazen gainerako tripulatzaileei: "Madleen ontzia Gazara irits ez dadin, beharrezko neurri guztiak har ditzatela agindu diet Israelgo Defentsa Indarrei. Argi eta garbi esaten diet Greta antisemitari eta bere lagunei: Buelta eman ezazue, ez zarete-eta Gazara iritsiko".
"Israelgo Estatuak ez dio inori Gazako itsas blokeoa urratzen utziko. Blokeoaren helburu nagusia Hamasi armak heltzea eragoztea da, bahituak dituen eta gerrako krimenak egiten dituen erakunde terrorista hiltzailea delako", gaineratu du Defentsa ministroak.
Askatasunaren Ontzidia ordezkatzen duen itsasontziak 12 ekintzaile daramatza, Thunberg tartean, eta gaur iritsi da Egiptoko kostaldera. Ohar baten bidez jakinarazi duenez, Gazako Zerrendara laguntza humanitarioa darama: haurtxoentzako formula-esnea, irina, arroza, pixoihalak, emakumeentzako osasun-produktuak, urari gatza kentzeko kitak, produktu medikoak, makuluak eta haurrentzako protesiak, besteak beste.
Ontziak bandera britainiarra du, eta igandean jarri zen Gazara bidean, Siziliatik abiatuta.
Greta Thunberg aktibista klimatikoa, Liam Cunningham aktorea eta Rima Hassan eurodiputatu frankopalestinarra doaz ontzi horretan, eta hauek dira beste bidaiariak: Yasemin Acar, Baptiste Andre, Thiago Avila, Omar Faiad, Pascal Maurieras, Yanis Mhamdi, Suayb Ordu, Sergio Toribio, Marco Van Rennes eta Reva Viard.
"Israelek eraso egiten badigu, beste gerra krimen bat izango da"
Yasemin Acar giza eskubideen aldeko aktibista alemaniarrak ondorengoa esan du Israelgo Armadaren balizko eraso baten aurrean: "Israelek eraso egiten badigu, beste gerra krimen bat izango da. Ez ginatekeen misio honetan abiatuko Gazara iritsiko garela uste izan ez bagenu".
Maiatzaren 2an, Conscience ontziak (Palauko banderapean nabigatzen duen Askatasunaren Ontzidiko ontzia hori ere) dronez egindako bi eraso jasan zituen Maltatik 14 miliara zegoenean. Elkartasun taldeak Israeli egotzi zion erasoa, baina hark ez zuen ofizialki bere gain hartu.
Rima Hassan eurodiputatuak, bere aldetik, Askatasunaren Ontzidiarentzat igarobide segurua bermatzeko eskatu die munduko gobernuei. Halaber, Europako 200 legegilek baino gehiagok Israelentzat gutun ireki bat sinatu dutela adierazi du, euren ontzia Gazara iristea ahalbidetzeko eskatuz eta "karga humanitarioa berehala sartzea errazteko" galdeginez.
"24 ordu baino gutxiago geratzen zaizkigu Israelgo agintariek legez kanpo atxilotu baino lehen"
Laster atxilotuko dituztela iragarri du Hassanek. "24 ordu baino gutxiago geratzen zaizkigu Israelgo agintariek legez kanpo atxilotu gaitzaten", adierazi du X sare sozialean argitaratutako bideo batean.
"Komunikatzerik ez dugunean, zuekin kontatzen dut ibilbide honetan zehar guretzat hain baliotsua izan den mobilizazioarekin jarraitzeko", gaineratu du.
Israelgo Armadak interbentzio operazioa hasten duenean zer gertatuko den ere iragarri du: "Tripulatzaileen gauza pertsonal guztiak konfiskatuko dituzte, eta itsasontzia, Gazako Zerrendaren iparraldean dagoen Israelgo Axdod porturaino eskoltatuta eramango dute" (6-7 orduko bidaia). "Eskuburdinak jarri eta zaintzapean jarriko gaituzte, eta litekeena da Axdoden galdeketa bat egitea gure jatorrizko herrialdeetara kanporatu aurretik", amaitu du.
Flotillako beste kide batek, Sergio Toribio aktibista espainiarrak, beste bideo bat argitaratu du aurrera jarraitzen dutela iragarriz: "Ez zaigu axola Israelek Armada guztia bidaltzea". Bideo hau Telegram bidez zuzenean emititu duen unean, Egipton 16:26 zirenean (14:26 GMT), esan du Gazatik 150 itsas miliara zeudela, 277,8 kilometrora, eta nazioarteko uretan jarraitzen zutela, "nazioarteko legea betez".
Askatasunaren Ontzidia (Freedom Flotilla Coalition, FFC) 2010ean sortu zen. Indarkeriarik erabiltzen ez duen palestinarren aldeko nazioarteko mugimendua da, dimentsio humanitarioa du, eta Israelek Gaza blokeatzearen aurka modu aktiboan borrokatzen ari da. Koalizioa osatzen duten erakundeen artean, besteak beste, hauek daude: Ship to Gaza (Suedia eta Norvegia), Canadian Boat to Gaza (Kanada), Rumbo a Gaza (Espainia), IHH (Turkia) eta US Boat to Gaza (Estatu Batuak).
Zure interesekoa izan daiteke
Trumpek adierazi du bat datorrela Xi Jinpingekin Irango gerrari amaiera emateko eta Ormuz berriz irekitzeko beharrarekin
Txinako hiriburuan egin den topaketa Irango krisian eta horrek merkataritza globalean dituen ondorioetan oinarritu da, Ormuzeko itsasarteari arreta berezia eskainiz.
Munduko Futbol Txapelketan bero izugarria izan daitekeela ohartarazi du ikerketa batek, eta egutegia berriz planteatzeko eskatu diote FIFAri
2026ko Munduko Futbol Txapelketako partiden laurdenean bero izugarria egin behar du, eta arriskutsua izan daiteke. Estatu Batuek, Mexikok eta Kanadak antolatuko duten txapelketan jokalari eta zaleek izango dituzten arriskuez ohartarazi du ikerketa zientifiko batek.
Xik Trumpi ohartarazi dio Taiwanekiko harremanak "txarto kudeatzea" bi herrialdeen arteko gatazka ekar dezakeela
AEBko eta Txinako presidenteek eta bi herrialdeetako ordezkariek bilera egin dute gaur goizean, sintonia onean. Horren emaitza da Trumpek egin duen iragarpena: hilabete batzuen buruan beste bilera bat egingo dute, Washingtonen.
Gutxienez 100 pertsona hil dira Afrika Erdiko Errepublikako urre-meategi bateko lur-jausian
Luizia maiatzaren 6an gertatu zen. Hasiera batean, agintariek 11 hildako baieztatu zituzten, baina hainbat egunez biktimak bilatu eta zaurituak artatu ondoren, kopuruak nabarmen egin du gora.
1.700 pertsona konfinatu dituzte gurutzaontzi batean, Bordelen, gastroenteritis agerraldi baten ondorioz
Gastroenteritisak bidaiari baten heriotza eta sintomak dituzten hamarnaka kasu agertzea eragin du. Osasun-agintariak probak egiten ari dira kutsatzearen jatorria zehazteko; elikagai-intoxikazioa izan daitekeela uste da. Hortaz, Ambition gurutzaontziak bidaia jarraituko du, eta, dena ondo bidean, datorren astelehenean iritsiko da Getxora.
Trump Pekinera iritsi da: Bi egun emango ditu han eta Xi Jinpingekin bilduko da
Txinako 20:00ak (Euskal Herriko 14:00ak) pasatxo zirenean, Air Force One hegazkinak lur hartu du. Bertan zihoazen Donald Trump AEBko presidentea, Marco Rubio Estatu idazkaria, Pete Hehseth Defentsa idazkaria eta AEBko multinazional handietako ia hogei enpresaburu.
Trumpek Venezuela AEBko banderaz margotuta ageri den mapa bat argitaratu du, 51. estatu gisa irudikatzeko
Nicolas Maduro Venezuelako presidentea kargugabetu eta urtarrilaren 3an atxilotu zutenetik, Trumpek hainbat aldiz iradoki du herrialdea AEBko estatu izan dadin nahi duela.
Europar Batasunak, Ormuz babesteko, Itsaso Gorriko misioa eta Libanon beste bat zabaltzea planteatu du
Europar Batasunak Kanpo Politikarako duen goi-ordezkari Kaja Kallasen ustez, bi misio horiekin, alde batetik, itsasarteko garraioa babestuko litzateke, eta, bestetik, Libanoko Armada indartu.
Txina eta Estatu Batuen arteko lehia komertzialaren gakoak: muga-zergak, lur arraroak eta epaitegien ebazpenak
Horiek izango dira Donald Trump AEBko presidenteak, Xi Jinping presidenteak gonbidatuta, Txinara maiatzaren 13tik 15era egingo duen bisitaren gai nagusiak.
Alderdi Laboristako 70 diputatuk baino gehiagok Starmerren dimisioa eskatu dute, baina, oraingoz, lehen ministroak eutsi egiten dio karguari
Erresuma Batuko udal hauteskundeetan emaitza txarrak lortu ondoren, lehen ministro laboristaren aurkako presioa areagotzen ari da. Hala ere, entzungor egin die dimisio eskariei, herrialdean "kaosa" areagotu egingo litzatekeela argudiatuta.