Iranek Israelen erasoari erantzun dio dozenaka misil jaurtita, eta horietako batzuk Tel Aviven erori dira
Israelek Iranen aurka egindako bonbardaketek 70 pertsona inguru hil eta 300 baino gehiago zauritu dituzte. Iranen kontraerasoak gutxienez 22 pertsona zauritu ditu, horietako bi egoera kritikoan. Iranek 200 misil inguru jaurti ditu Israelen aurka.
Iranen kontraerasoa. Irudia: Agentziak
Israelgo komunikabideek baieztatu dutenez, gutxienez zazpi misil erori dira Tel Aviven, Iranek Israelen aurka abiatutako kontraerasoan.
Iranen kontraerasoak gutxienez 22 pertsona zauritu ditu, horietako bi egoera kritikoan. Zaurituak Tel Aviveko Sheba eta Beilinson ospitaleetan artatzen ari dira, suhiltzaileak kalteak izan dituen eraikin batean harrapatuta geratu diren pertsonak erreskatatzeko lanean ari diren bitartean. Iranek 200 misil inguru jaurti ditu Israelen aurka.
Bestalde, Israelek baieztatu du Iranek misilak jaurti dituela, Armada sionistak Irango hainbat punturen aurka bonbardaketak egin ostean, azpiegitura kritikoak eta instalazio nuklearrak barne.
Iranen kontraerasoaren aurrean "babeslekuetan" egoteko gomendatu die Israelgo agintari militarrek herritarrei. Effie Defrin Armadako bozeramailearen prentsaurrekoa eten egin dute alarma hotsek, Tel Aviven.
Jerusalemen, non biztanleei bunker eta babeslekuetan babestea ere eskatu zaien, misilak entzun dira.
Irango Indar Armatuek "erregimen sionista zitala zoritxarrean hondoratuko" dutela ziurtatu du Ali Jamenei Irango buruzagi gorenak. 85 urteko erlijiosoak esan du "erregimen sionistak" ezin izango duela "krimena gainditu", eta nazioari ziurtatu dio "ahaleginak" egingo dituztela "zentzu horretan".
Hitzaldia ematen zen bitartean, aireko defentsak Israelen beste eraso bat eragozten ari ziren hiriburuko hainbat tokitan. Irango Indar Armatuek jakinarazi dutenez, hainbat drone bota dituzte hiriaren erdigunean.
Masud Pezeshkian Irango presidenteak ere Israeli "erantzun indartsua" emango diotela agindu du telebistan emandako hitzaldi batean, eta "Iranek etsaia bere eraso zentzugabeaz damutzea" eragingo duela erantsi du.
Israelen erasoek 70 pertsona inguru hil eta 300 baino gehiago zauritu dituzte, Fars agentziak emandako datuen arabera.
Israelek bonbardatu dituen helburuen artean uranioa aberasteko instalazio nagusia dago, Natanz, kalteak jasan dituena, estatu persiarreko agintarien arabera. Halaber, uranioa aberasteko bigarren zentro garrantzitsuenari, Fordori, eraso diote israeldarrrek, hiriburutik 100 kilometro hegoaldera, eta, azkenik, Isfahango instalazio nuklearrari, Teheranetik 350 kilometro hego-ekialdera.
Aldi berean, Israelgo indarrek etxebizitza ugariri eraso diete Teheranen.
Irango Indar Armatuek bi ehiza-hegazkin israeldar bota eta pilotu bat atxilotu dute, bertako komunikabideek jakitera eman dutenez. IRIB Estatuko telebistak hegazkinak eraitsi eta pilotu bat harrapatu duela iragarri du, eta Tasnim agentziak, Guardia Iraultzailearekin lotura duenak, informazio hori berretsi du. Hala ere, persiar estatuko agintariek ez dute baieztatu.
Putinek Israelen erasoa gaitzetsi du
Vladimir Putin Errusiako presidenteak gaitzetsi egin du Israelek Iranen aurka egindako erasoa, Masud Pezeshkian Irango buruzagiarekin telefonoz izandako elkarrizketa batean, Kremlinak jakinarazi duenez.
Gainera, Benjamin Netanyahu Israelgo lehen ministroarekin izandako beste solasaldi batean, Irango programari buruzko arazo guztiak modu baketsuan konpontzearen alde agertu da, eta tentsioak gora egitea saihesteko bitartekari lanak egiteko prest azaldu da.
Zure interesekoa izan daiteke
Egiptok badu bere museo ‘faraonikoa’
Hainbat urtez atzeratu ostean, eta 20 urteko lanen ondoren, gaur zabaldu ditu ateak Egiptoko ikono kultural berriak. Mila milioi dolarreko kostua izan du, eta gainkostu eta arazo politikoak tarteko, asko atzeratu da. Azken egunotan ahoz aho dabilen Pariseko Louvre museoaren bikoitza da tamainaz, 500.000 metro kuadro ditu. Bertan aurkitu daitezkeen altxorren artean, Tutankamon faraoiaren bilduma handi bat dago. Honako museoa zibilizazio bakar bati eskainitako munduko arkeologia-konplexurik handiena da.
Ukrainak kontraerasoa egin du Pokrovsken, eta tropen inguraketari buruzko informazioa gezurtatu du
Hainbat helikopterotan sartu dira errusiarrek harrapatutzat eman dituzten Pokrovskeko guneetan.
550.000 siriar itzuli dira Turkiatik beren herrialdera, Al-Assad erori zenetik
"2024ko abenduaren 8az geroztik, 550.000 siriar bueltatu dira, beren borondatez, segurtasun osoz eta ohorea galdu gabe", argitaratu du Yerlikaya ministroak X. sare sozialean.
Hildakoen kopuruak gora egiten jarraitzen du Gazako Zerrendan, su-etena gorabehera
Israelgo armadaren erasoek bost gazatar hil eta bederatzi zauritu dituzte, ostegunetik. Bien bitartean, Palestinaren gorpuen identifikazioa blokeatzen jarraitzen du Israelek, bake akordioan hitzartutakoan betetzea eragotziz.
Bi pertsona gehiago sartu dituzte behin-behinean kartzelan, Louvreko lapurretarekin lotura dutelakoan
Parisko Fiskaltzak ohar baten bidez adierazi duenez, "ikerketa ez da oraindik amaitu", eta atxilotutako bi lagun horiek badaezpadako kartzelaldian daude.
Fronte Polisarioak errefusatu egin du NBEren ebazpena, eta "autodeterminazio eskubidea" aldarrikatu du baldintza "negoziaezin" gisa
Mendebaldeko Sahararen nazio askapenerako mugimenduak salatu duenez, "Marokoren okupazioa legitimatu egiten du" autonomia proposamenak.
Mohamed VI .ak dio Marokok "kapitulu berri bat" ireki duela Mendebaldeko Sahararako bere planak NBEren babesa jaso ondoren
Marokoko erregeak Tindufen errefuxiatuta dauden sahararrei dei egin die "aukera historiko hau" aprobetxa dezaten "familiekin biltzeko", eta Aljeriako presidenteari "elkarrizketa zintzoa eta anaiartekoa" egiteko eskatu dio.
Saharar autonomiarako Marokoren plana hartu du oinarri Segurtasun Kontseiluak, eta beste urtebetez luzatu du bere misioa
Marokoren plana "irtenbide justu eta iraunkor bakarra" dela uste du AEBko proposamenak, eta aurrera atera da, Aljeria, Txina eta Errusiaren abstentzioarekin.
Munduko kaleak izaki beldurgarrienez bete dira
Gaur gauean, iluntasunak hartuko ditu munduko kaleak. Dagoeneko izaki beldurgarriak dabiltza han eta hemen, itzal eta argi artean. Gurean, Gau Beltza; munduan, Halloween. Urriaren 31n, milaka lagun mozorrotuta aterako dira kalera, beldurraren eta dibertimenduaren artean dantza egitera. Uztaren amaieraren ospakizuna urruti dago askorentzat, baina gauak berak emango du uzta emankorra gaurkoan: irria, oihuak eta misterio apur bat.
'Melissa' urakanak 50 hildako baino gehiago utzi ditu jada Karibeko hainbat herrialdetan
Erreskate taldeek lanean jarraitzen dute zikloiak gehien kaltetutako eremuetan, hala nola Haitin, Panaman, Dominikar Errepublikan eta Kuban. Lehorretik iristea bereziki zaila izaten ari da gehien kaltetutako landa eta kostalde eremuetan.