Iranek gutxienez hiru pertsona hil eta 80 zauritu ditu Israelen aurka egindako kontraerasoan
Iranek gutxienez hiru pertsona hil eta 80 zauritu ditu Israelen aurka 100 bat misil jaurtita egin duen kontraerasoan. Ordu batzuk lehenago, Israelgo Armadak bonbardatu egin du herrialde persiarra, eta 78 pertsona hil eta 320 zauritu ditu.
Biktimen gehiengo zabala Tel Aviveko 32 solairuko eraikin batean zenbatu dituzte, eta Ramat Gan hirian, Ynet Israelgo albiste agentziak MDA anbulantzia zerbitzu nazionaleko iturriak aipatuta zabaldu duenez.
Irango Goardia Iraultzaileak baieztatu egin du operazioa abiatu duela Israelen bonbardaketari erantzuteko.
Israelek zentro nuklearren eta buruzagi militarren aurka jo du. Horren aurrean, Iranek kontraerasoa abiatu du, eta Israelgo Armadak berehala agindu die herritarrei leku seguruetan gordetzeko, eta alarma sirenak etengabeak izan dira herrialde osoan zehar, drone irandarrak atzeman dituztelako.
Israelgo Armadak 78 pertsona hil eta 320 zauritu ditu Irango azpiegitura garrantzitsuen eta lantegi nuklearren aurka egindako erasoetan.
AEBrekin negoziatzeak "ez du zentzurik"
Testuinguru horretan, Iranek esan du AEBrekin negoziazio nuklearrak abiatzeak ez duela zentzurik.
"Beste aldearen (AEB) jokabidearen eraginez, elkarrizketak ez du zentzurik", adierazi du Ismail Baghaei Irango Atzerri Ministerioaren bozeramaileak.
"Ezin duzu esan negoziatzen duzula eta, aldi berean, lana banatu, erregimen sionistak Irani eraso egiten utziz", azpimarratu du diplomazialariak.
Iranek eta AEBk bost zeharkako negoziazio egin dituzte apirilaren 12tik, Omanek bultzatuta, Washingtonek geldiarazi egin nahi baititu herrialde persiarrak uranioa aberasteko dituen proiektuak.
Azken elkarrizketa erronda maiatzaren 23an izan zen, eta igande honetarako beste bat zegoen aurreikusita. Egoera honetan, ikusteke dago hitzorduak aurrera jarraitzen duen ala ez.
Zure interesekoa izan daiteke
?fmt=webp-alpha&qlt=80)
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.
Leon XIV.a aita santuak gerraren aurkako aldarria egin du eta armak uzteko eskatu du
Tradizioan ez bezala, non pontifizeek mundu mailako diskurtsoa erabiltzen duten nazioarteko tentsio-guneak errepasatzeko, Leon XIV.ak ikuspegi orokor baten alde egin du, eta axolagabeak ez izateko eta gaitzaren, gorrotoaren eta gerraren aurrean ez etsitzeko eskatu du.