Zer dakigu Trumpek bere izenarekin martxan jarri nahi duen telefono zerbitzuari buruz?
Ameriketako Estatu Batuetako presidenteak 'Trump' eta 'T1' markak erabiltzea eskatu du telekomunikazio, dispositibo mugikor eta telefono sektoreetan.
Donald Trump Ameriketako Estatu Batuetako (AEB) presidenteak bere izena duen telefono mugikorra eta zerbitzua merkaturatzeko prozesua abiatu du. Horretarako, telekomunikazio, dispositibo mugikor eta telefono sektoreetaran 'Trump' eta 'T1' markak erabiltzea eskatu du.
Trumpek marka erregistratuak kudeatzeko erabiltzen duen enpresak, DTTM Operations LLCk, izapideak jarri ditu martxan AEBko Patente eta Marken Bulegoan (USPTO, ingelesezko siglak), telefonia marka propioa merkaturatzeko.
Zehazki, telekomunikazioen eta telefono mugikorren sektoreei (zorroak eta kargagailuak barne) zuzendutako bi eskaera dira, eta Estatu Batuetako presidenteak telefono bat saltzeko eta sare mugikor bat martxan jartzeko asmoa du, Josh Gerben patenteen abokatuak bere blogean jakitera eman duenez.
Ekimenari buruzko funtsezko xehetasun batzuk, tartean negozioan dagoen familiaren bazkideari buruzkoak eta lizentzia akordioaren finantza baldintzak, oraindik ez dira ezagutzera eman. Hauxe da telefono mugikor eta zerbitzu berriari buruz orain arte dakiguna:
T1 telefonoa
Trump Mobile izenarekin aurkeztutako urre koloreko smartphone bat da T1, 499 dolarreko hasierako salneurriarekin eta Android sistema eragilearekin. Fox Business Networkeko Mornings with Maria saioan egindako elkarrizketa batean, Eric Trumpek, Trump erakundearen presidenteordeak, esan zuen telefonoa AEBn fabrikatzen dutela, baina ez zuen argitu zein enpresak egiten duen.
Telefonoa irailean egongo da salgai, eta astelehenean martxan jarri zen webgune berri batean erreserbatu daitezke. Telefonoak 100 dolarreko hasierako ordainketa behar du erreserba burutzeko, eta 50 megapixeleko kamera nagusi bat eta 256 gigabyteko biltegiratze gaitasuna du.
47 plana
Sare berriak 47,45 dolarreko harpidetza izango du hilean, Trumpi erreferentzia argia eginez; izan ere, errepublikanoa 45. presidentea izan zen bere aurreneko agintaldian, eta orain 47.a da. Herrialde osoan estaldura duten dei eta testu mezu mugagabeak izango ditu zerbitzuak, nazioarteko deiak ere.
Telefonia mugikorreko enpresa berriak dei-zentroak izango ditu Estatu Batuetan, eta herrialdeko telefonia mugikorreko hiru operadore nagusien sareak erabiliz jardungo du.
Nor dago atzean?
T1 smartphoneak "Trump" izena erabiltzen du erregistratutako marka-lizentzia batekin, Trump markaren beste enpresa batzuen antzera. Horrek esan nahi du Trump erakundeak ez duela parte hartzen diseinuan, ekoizpenean eta zerbitzuaren eskaintzan.
DTTM Operations Trump presidentearen marka komertzialak kudeatzen dituen erakundeak bere izena eta "T1" terminoa telekomunikazioekin lotutako zerbitzuetarako erabiltzeko eskaerak aurkeztu ditu.
Zure interesekoa izan daiteke
Bertan behera geratu da Flotillako euskal aktibistei Loiun egin nahi zioten ongietorria, bi kide erietxean baitaude
Flotillaren ontzietan bidaiatu duten sei euskal herritarrak gaur ziren Euskal Herrira iristekoak. Horietako bi, ordea, Turkian daude ospitaleratuta, atxiloaldian jasandako indarkeriak eragindako lesioengatik, eta ez dira itzuli.
Azken 24 orduetan 31 ontzik Ormuz zeharkatu dutela adierazi du Iranek, Guardia Iraultzailearen "koordinazioarekin"
Ameriketako Estatu Batuek ziurtatu dute 94 ontzi birbideratu dituztela Irango portuetara ezarritako blokeoa betetzeko.
Dagoeneko deportatuta dauden Flotillako aktibistek haien kontrako indarkeria areagotu egin dela salatu dute
Gazara bidean zihoazela Israelek nazioarteko uretan atxilotu dituen 430 ekintzailetatik gehienak (guztiak atzerritarrak, Israelgo emakume bat izan ezik) Ramongo aireportutik atera dira, Israelgo hegoaldeko muturrean, Turkiak jarritako hiru hegazkinetan. Ekintzaileek Israelek haien kontra erabilitako indarkeria maila salatu dute.
Suak erabat suntsitu du Japoniako Reikado tenplu budista historikoa
Kukai monje budistari eskainitako tenplua 806. urtean eraiki zen Misen mendian, Miyajima uhartean, eta ordutik piztuta egon da bertan "betiereko sugarra" deitua, 1.200 urtez etengabe piztuta egon den sugar sakratua. Su horrekin piztu zen Hiroshimako Bakearen Parkeko sugarra 1964an, munduko bonba nuklear guztiak desagertu arte piztuta egongo dena. Ez da inor zauritu, baina ondare-galera ordezkaezina da.
AEBren eta Kubaren arteko tentsioa areagotu egin da Raul Castroren auzipetzearekin: Washingtonek hegazkin-ontzi bat jarri du Karibean
Auzipetzearekin batera esku-hartze militar baten mamua berpiztu da uhartean; izan ere, Nicolas Maduro ere auzipetu egin zuten Venezuelako operazio militarra abiatu aurretik.
Israelek Flotillako ekintzaile solidarioak umiliatu egin ditu
Itamar Ben Gvir Israelgo Segurtasun Nazionaleko ministro ultraeskuindarrak argitaratutako bideo batek protesten erauntsia eragin du, ministroak atxilotuei emandako tratua dela eta.
AEBk Raul Castro Kubako presidente ohia inputatu du, 1996an bi hegazkin eraisteagatik
Duela berrogei urte, Kubako ehiza-hegazkinek Floridako itsasartean Anaia erbesteratuen Erreskaterako erakundeko bi hegazkin txiki eraitsi zituzten, eta lau pilotu hil ziren.
Hilabeteak beharko dira ebolaren azken agerraldiaren aurkako txertoa lortzeko, baina arrisku globala "txikia" da, MOEren arabera
Hala ere, nazio eta eskualde mailan birusa zabaltzeko arriskua altua dela azpimarratu du Munduko Osasun Erakundeak.
Txinak aldarrikatu du Errusiarekiko harremanak "inoizko mailarik altuenean" daudela
Xi Jinping Txinako presidenteak ohore guztiekin hartu du Vladimir Putin Errusiako presidentea. Donald Trumpek Txinara egindako bisitaren ostean, bi potentziek harremanak estutu dituzte eta hogei bat akordio eta memorandun sinatu dituzte. Horrez gain, “oihanaren legea” berriz nagusitzeko arriskuaz ohartarazi dute
Trumpen gerra botereak mugatzeko eta Irandik tropak erretiratzeko ebazpen bat onartu du AEBko Senatuak
Zazpi saiakeraren ostean, AEBko Senatuak ebazpena onartu du: lau errepublikanok lerroak hautsi eta botoa aldatu dute, eta hiruk bozkatzeari uko egin diote. Hala ere, eta Ordezkarien Ganberako bozketan aurrera egingo balu ere, Trumpek betoa jartzea aurreikusten da.