AEBk Irango azpiegitura nuklearrak bonbardatu ditu
Iranen hiru instalazio nuklear bonbardatu ostean, Donald Trump AEBko presidenteak "bakea edo tragedia" aukeratzeko eskatu dio Irani. Oposizio demokratak Konstituzioa urratu izana leporatu dio Trumpi, Kongresuaren baimen espliziturik gabe egin duelako beste herrialde baten aurkako ekintza militarra. JD Vanceren hitzetan, bere herrialdea "ez dago Iranekin gerran, haren asmo nuklearrekin baizik".
Donald Trump Ameriketako Estatu Batuetako presidenteak baieztatu du AEBko Armadak Isfahan, Natanz eta Fordow Irango instalazio nuklearrak bonbardatu dituela, eta azken horretan egin duela erasorik handiena.
"Arrakasta handiz egin dugu Fordow, Natanz eta Isfahan Irango hiru instalazio nuklearren aurkako erasoa. Hegazkin guztiak Irango aire eremutik kanpo daude jada", jakinarazi du agintari estatubatuarrak Truth Social sarean.
Etxe Zuriko maizterraren hitzetan, "Fordow jada ez dago"; izan ere, "bonba karga oso bat" bota dute instalazio nuklear horren aurka. Erasoa amaitutakoan, AEBko hegazkinak etxera itzuli dira.
Trumpen ustez, "une historikoa da hau Estatu Batuentzat, Israelentzat eta munduarentzat". "Iranek orain amaiera eman behar dio gerra honi. Eskerrik asko!", gaineratu du.
Trumpek "bakea egiteko" eskatu dio Irani, eta halakorik egin ezean, "askoz ere eraso gogorragoak" egingo dituela ohartarazi dio.
Bere bigarren agintaldian herritarrei zuzenduta eman duen lehen mezuan esan duenez, "Iranek bakea edo tragedia izango du. Azken zortzi egunetan (...) bizi izan duguna baino askoz gehiago. Bakea ez bada berehala iristen, helburu horiek bilatuko ditugu, zehatz, azkar eta trebetasunez".
Ostegunean adierazi zuen Etxe Zuriak Trumpek "aste batzuk" hartuko zituela Iranen militarki esku hartu ala ez erabakitzeko, Irango programa nuklearra negoziatzeko denbora emateko.
Trumpek berak esan zuen Iranen su-eten batek ez ziola gatazkari amaiera emango, eta konbonbidea, nahitaez, Irango programa nuklearra amaituta etorriko zela.
"Ez dugu su-eten bat nahi. Garaipen osoa nahi dugu. Berriro diot, badakizue zein den garaipena: arma nuklearrik ez", esan zuen Trumpek Fox News kateak jasotako adierazpenetan.
Netanyahu: "Zorionak, Trump presidentea"
Benjamin Netanyahu Israelgo lehen ministroak eskerrak eta zorionak eman dizkio Donald Trump AEBko presidenteari AEBko Indar Armatuek Isfahan, Natanz eta Fordow Irango hiru instalazio nuklear nagusien aurka goizaldean egindako operazioagatik.
"Zorionak, Trump presidentea. Irango instalazio nuklearrei Estatu Batuen botere ikaragarri eta justuarekin eraso egiteko erabaki ausartak historia aldatuko du", adierazi du Israelgo buruzagiak X sare sozialean.
Estatu Batuen erasoa "mugarri historikoa" dela gaineratu du Netanyahuk, bonbardaketa horiei esker "munduko erregimenik arriskutsuenak munduko armarik arriskutsuenak" izatea saihestu baitu.
"Trump presidenteak eta biok esan ohi dugu: bakea indarrez lortzen da. Lehenengo indarra dator, gero bakea. Gaur gauean, Trump presidenteak eta Estatu Batuek gogor jardun dute. Trump presidentea! Eskerrak ematen dizkizut. Israelgo herriak eskerrak ematen dizkizu", adierazi du Israelgo presidenteak.
Konstituzioa urratzea leporatu dio oposizio demokratak Trumpi
Ameriketako Estatu Batuetako Alderdi Demokratako kide ezagunek salatu dutenez, igande goizaldean Trumpek Iranen aurka egindako erasoak Konstituzioa urratzen du, Kongresuaren baimen espliziturik gabe egin delako beste herrialde baten aurkako ekintza militarra.
Chuck Schumerren hitzetan, "presidenteak ezin du bere kabuz nazio hau gerra baten neurriko ataka garrantzitsuan jarri, mehatxu erratiko eta estrategia gabezia nabarmenarekin gainera".
Hakeem Jeffriesek ere gertatutakoaz "premiaz eta luze" azalpenak emateko eskatu dio Trumpen Administrazioari. "Trump presidenteak engainatu egin du herria bere asmoei zegokionez", eta ez dio Kongresuari erasoak egiteko baimenik eskatu.
Alderdiko atal aurrerakoieneko Rashida Tlaib kongresista are irmoago agertu da. "Konstituzioaren urraketa nabarmena da", salatu du, eta gogora ekarri du suntsipen handiko armak izatearen koartada faltsua erabili zutela Iraken inbasioa egiteko. "Ez gara bigarrenez tranpa berean eroriko. AEBko herritarrei entzun beharrean, Benjamin Netanyahu (Israelgo lehen ministroa) gerra-kriminalari entzun dio", erantsi du.
"Kongresuak berehala ekin behar dio, gerra-botereak gauzatzeko eta Konstituzioaren aurkako ekintza hori geldiarazteko", esan du.
Vance: "AEB ez dago Iranekin gerran, haren asmo nuklearren aurka baizik"
JD Vance AEBko presidenteordeak igande honetan NBC telebista katean adierazi duenez, bere herrialdea "ez dago Iranekin gerran, haren asmo nuklearren aurka baizik".
Hala, bart egindako bonbardaketak justifikatu ditu, "Iranen programa nuklearra mehatxua" delako. "Irango programa nuklearra suntsitu dugula uste dugu... AEBk Iranen programa nuklearra denbora luzerako atzeratu".
Bestalde, Pete Hegseth AEBko Defentsa idazkariak igande honetan Irani ohartarazi dionez, AEBk bart Irango instalazioen aurka egindako bonbardaketaren ostean gerra bilatzen ez duen arren, "azkar eta erabakitasunez" jokatuko du Teheranen balizko errepresaliekin bere interesak arriskuan ikusten baditu.
Zure interesekoa izan daiteke
Islamabadeko xiiten gurtza leku batean izandako atentatu suizida batek dozenaka hildako eta zauritu utzi ditu
Pakistango Defentsa ministroak jakinarazi duenez, bertan zeuden segurtasun zaindariek aurre egin diote erasotzaileari, baina "tiro eginez eta immolatuz erantzun du". Pakistango agintariek Afganistango talibanei eta Indiari egotzi diete erasoa.
Txinak adierazi du ez duela negoziazio nuklearretan parte hartuko, START III ituna iraungi ostean
Asiako erraldoiak dio bere gaitasun nuklearrak ez daudela Estatu Batuen edo Errusiaren parean. Etxe Zuriak salatu du Txinak nabarmen handitu duela bere ahalmen nuklearra.
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik (chavismoa boterera iritsi zenetik) gaur egunera arte atxilotutako preso politikoak hartzen ditu barne, eta kanpoan uzten ditu giza eskubideen urraketa larriengatik auzipetuak edo zigortuak. Kontsulta prozesua zabalduko da orain, eta bigarren eztabaida batean onartu beharko da gero.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.