Iranek IAEAren ikuskapenak eragotziko ditu, Israelek eta AEBk bere instalazio nuklearren aurka egindako erasoen ostean
Erabakia Teheranek NBEren agentziari Israelek eta AEBek bere instalazio atomiko nagusien aurka egindako erasoak "bultzatu" izana egotzi ostean etorri da. Adituen arabera, neurria eraso israeldarrek eta estatubatuarrek utzitako ondorio garrantzitsuena da.
Iranek nazioarteko ikuskapenak eragotziko ditu aurrerantzean, NBEren agentzia nuklearrarekiko lankidetza eten ostean, Israelek eta AEBek Irango instalazio atomikoen kontra egindako bonbardaketen ondorioz.
Hadi Tahan Nazif Zaindarien Kontseiluko bozeramaileak gaur iragarri duenez, Iranek Energia Atomikoaren Nazioarteko Agentziarekin (IAEA) duen lankidetza bertan behera uzten duen legea indarrean sartu da. Masud Pezeshkian Irango presidenteak asteazkenean sinatu zuen legea, Parlamentuak onartu ondoren.
Neurria Israelek hasitako eta, ondoren, Estatu Batuek lagundutako erasoen ondorio zuzena da. Legediari buruzko xehetasunik gabe, Irango hedabideek jakinarazi dute arauak ez diela utziko IAEAko ikuskatzaileei instalazio nuklearrak bisitatzen, horien "segurtasuna bermatu ezean".
Erabakia Teheranek NBEren agentziari Israelek eta AEBek Fordo, Natanz eta Isfahango instalazio atomiko nagusien aurka egindako erasoak "bultzatu" izana leporatu ostean etorri da.
Eraso horiez gain, Israelek gutxienez 11 zientzialari nuklear hil zituen ekainaren 13ko goizaldean hasi eta 24ra arte iraun zuen erasoan, Donald Trump AEBko presidenteak su-etena iragarri zuenean.
Abas Araqchi, Irango Atzerri ministroa
Iranen konpromisoak Arma Nuklearrak Ez Ugaltzeko Itunarekin eta babes-akordioarekin jarraitzen du
IAEAk, oraingoz, esan du "Iranen eskutik informazio ofizial gehiago" espero duela, eta adituen arabera, neurria Israelen eta AEBen erasoek epe luzera utzitako ondorio garrantzitsuena da.
Bestalde, Abas Araqchi Irango Atzerri ministroak gaur adierazi duenez, bere herrialdeak Arma Nuklearrak Ez Ugaltzeko Itunarekin konprometituta jarraitzen du.
"Iranen konpromisoak itunarekin eta babes-akordioarekin jarraitzen du", esan du Araqchik X sare sozialean, Alemaniako Atzerri Ministerioak sare sozial berdinean zabaldutako mezu bati erantzunez. Berlinek "mezu suntsitzailetzat" jo du Teheranek IAEArekin duen lankidetza etetea.
Era berean, Araqchik kritikatu egin du Alemaniak Israelek eta AEBek bere instalazio nuklearren aurka egindako erasoei emandako laguntza "lotsagarria".
"Dagoeneko irandarrek desengainua hartu zuten Alemaniak Gazako genozidioa babestu zuenean, nazien antzera, eta Sadamek Iranen aurka egindako gerrari arma kimikoetarako materialak erraztuz emandako laguntzagatik", aurpegiratu du.
Nazioarteari buruzko albiste gehiago
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Bilera erabakigarria gaur Etxe Zurian Ukrainaren etorkizunerako
Zelenski, Europako eta NATOko buruzagiekin batera, Trumpekin bilduko da. AEBko presidenteak esan du gerra "ia berehala" amaitu daitekeela Ukrainak Krimeari eta NATOri uko egiten badie.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.
Ukrainako bakea, fase erabakigarrian: Trump Zelenskirekin bilduko da Putinekin egon ostean
Financial Times hedabide britainiarrak jakinarazi duenez, Errusiaren eskakizunek baldintzatuko dute batzarra: Donetsk eta Luhansk, bake akordioa bermatzeko. Gainera, Ukrainako presidentea ez da bakarrik egongo Etxe Zurian, Von der Leyenekin eta beste buruzagi europar batzuekin batera bertaratuko baita.
Bolivian hauteskunde historikoak dituzte gaur: ia 20 urte geroago baliteke eskuinak agintea eskuratzea
Batasun Aliantzako Samuel Doria Medina enpresaria da inkesten buru, eta oso gertu du Aliantza Libreko Jorge Tuto Quiroga oposizioko kide eta presidente ohia (2001-2002).
Desnutrizioak 250 hildako baino gehiago eragin ditu dagoeneko Gazan, ostiralean hildako 11 lagunak barne
Gazako Osasun Ministerioak emandako datuen arabera, horietatik 108 haurrak dira.