Trumpek eta Putinek akordiorik gabe itxi dute Ukrainari buruzko Alaskako goi-bilera
Horren ostean, Trump eta Zelenski Washingtonen bilduko dira astelehenean, Alaskan izandako goi-bileraren inguruko xehetasun guztiak hizpide izateko asmoz.
Donald Trump AEBko presidenteak eta Vladimir Putin Errusiako presidenteak akordiorik lortu gabe amaitu dute Ukrainako gerrari buruzko goi-bilera, Alaskan. Aurrerapausorik eman ez duten arren, bilera "sintonia onean" egin dute, eta azpimarratu dute euren arteko elkarrizketak beharrezko urratsak direla konponbide bat lortzeko.
Bileraren ostean Putinek berretsi duenez, Errusia prest dago gerra amaitzeko, betiere Moskuren "kezka legitimoak" kontuan hartzen badira eta Europan segurtasun oreka berrezartzen bada.
Donald Trump
"Orain Zelensky presidentearen esku dago Ukraina eta Errusiaren arteko bake akordioa lortzea"
Trumpen esanetan, bake akordio baten etorkizuna Volodimir Zelenski Ukrainako presidentearen esku dago orain. "Orain bere esku dago. Ukrainak ados egon behar du", adierazi du AEBko agintariak bileraren ostean egindako elkarrizketa batean.
Konpromiso formalik iragarri ez badute ere, bi buruzagiek esan dute hitz egiten jarraituko dutela, eta beste bilera bat egiteko atea zabalik utzi dute, noiz egingo duten zehaztu ez badute ere. Etorkizuneko bilera horretan, konpontzeko dauden gaiei heldu ahalko diete, oraingoan ez baitute su-etena lortu.
Zelenski eta Trump astelehenean bilduko dira Washingtonen
Volodimir Zelenski Ukrainako presidenteak iragarri du onartu egin duela Donald Trump AEBko presidenteak Alaskako bileraren inguruko xehetasun guztien inguruan hitz egiteko egin dion gonbidapena. Washingtonen bilduko dira horretarako.
Trumpek eta Zelenskik "elkarrizketa luze eta nabarmena" izan dute telefonoz Alaskako goi-bileraren ostean, Ukrainako presidentearen hitzetan.
Donald Trump
"Dena ondo badoa, Putinekin bilera bat zehaztuko dugu"
Trump presidenteak bilera hirukoitza planteatu du berriro ere (AEB-Errusia-Ukraina).
AEBko presidenteak aurreratu duenez, Washingtongo hitzorduan "Errusiarekin bake akordio bat lortzea bilatuko du, ez su-eten soila". Gainera, Putinekin hiru aldeko bilera bat egiteko aukera ere aipatu du, "dena ondo badoa" Zelenskirekin egingo duen bileran.
Otsailaren amaieran, Trumpek eta Zelenskik eztabaida estua izan zuten Bulego Obalean. Ordutik, Ukrainako agintariak Etxe Zurira egingo duen lehen bisita izango da honakoa.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute euren bizitza arriskuan jarri nahi.
Trumpek Artemis II.aren misioko tripulatzaileekin hitz egin du eta erakutsitako ausardia eskertu die
AEBko presidenteak tripulazioarekin hitz egin zuen Ilargiaren aurpegi ezkutua behatu ondoren, egindako misio historikoagatik zoriontzeko. "Gaur historia egin duzue eta harrotasunez bete duzue Amerika osoa, harrotasun ikaragarria", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.