Ukrainako bakea, fase erabakigarrian: Trump Zelenskirekin bilduko da Putinekin egon ostean
Financial Times hedabide britainiarrak jakinarazi duenez, Errusiaren eskakizunek baldintzatuko dute batzarra: Donetsk eta Luhansk, bake akordioa bermatzeko. Gainera, Ukrainako presidentea ez da bakarrik egongo Etxe Zurian, Von der Leyenekin eta beste buruzagi europar batzuekin batera bertaratuko baita.
Volodimir Zelenski eta Donald Trump, azken bileretako batean. Artxiboko argazkia.
Donald Trump eta Volodimir Zelenski Washingtongo Etxe Zurian bilduko dira bihar, astelehena, Ukrainako gerran inflexio-puntua izan daitekeen bileran. Trumpek eta Putinek Alaskan goi-bilera egin eta 48 ordu eskasera bilduko dira, eta su-etenetik harago doan bake-akordioa lortzeko aukerak aztertuko dituzte bertan. Gainera, Ukrainako presidentea ez da bakarrik egongo Etxe Zurian, Von der Leyenekin eta beste buruzagi europar batzuekin batera bertaratuko baita.
Azken egunotan, Moskuren eta Kieven arteko itun baten beharra publikoki defendatu du Trumpek, eta Kremlinen proposamenak helarazi dizkie Zelenskiri eta Europako hainbat buruzagiri. Horien artean, Ukrainak Donetsk eta Luhansk eskualdeen kontrola Errusiaren esku uzteko eskaria dago gerrari amaiera emateko ezinbesteko baldintza gisa.
AEBko presidenteak azpimarratu duenez, su-eten isolatu bat "ezin da luzaro mantendu". Horrenbestez, behin betiko bake bat lortzeko bidean aurrera egitea nahiko luke Trumpek. Horren ustez, hurrengo urratsa Zelenskirekin eta Putinekin hiru aldeko bilera bat egitea izango litzateke, bake itun iraunkor bat sinatzeko.
Moskurentzat, Donetsken eta Luhansken kontrolaz gain, beste eskualde batzuek (Kherson eta Zaporizhia) etorkizunean izango luketen estatusari buruzko bermeak jaso beharko lituzke negoziazioak, baita Krimea, errusiera eta Mendebaldearen zigorrekin lotutako eskaerak ere. Kievek behin eta berriz baztertu du lurralde lagapen oro, eta segurtasun berme sendoak eskatzen jarraitzen du, Europar Batasunean eta NATOn integratzeko duen eskubidea azpimarratzeaz gain.
Zelenski Europako eta Baltikoko kideekin harremanetan egon da asteburuan zehar, eta EBko hainbat gobernuren babesarekin helduko da Washingtongo bilerara. Von der Leyenez gain, Europako beste buruzagi batzuk ere izango dira Etxe Zuriko batzarrean, tartean Emmanuel Macron Frantziako presidentea, Friedrich Merz Alemaniako kantzilerra, Giorgia Meloni Italiako lehen ministroa, eta Alexander Stubb Finlandiako presidentea.
Merzek, besteak beste, adierazi du akordio azkar eta egonkor batek su-eten hauskor bat baino gehiago eragin dezakeela.
Nolanahi ere, bilera erabakigarria izango da astelehenekoa. Izan ere, Washingtonen eta Kieven arteko bide-orri komun bat adosteaz gain, hiru aldeko hitzordu baten iragarpena ere atera daiteke bertatik. Hori zehaztuz gero, negoziaziorik serioena irekiko luke 2022ko otsailean Errusiaren eta Ukrainaren arteko gerra hasi zenetik.
Moskuren eskakizunak
Financial Times egunkari britainiarrak argitaratutako informazioaren arabera, Vladimir Putinek Donald Trumpi helarazi dio Errusia gerrari amaiera emateko prest dagoela, baina baldintzak jarrita: Ukrainak Donetsk eta Luhansk Errusiari lagatzea onartu behar du.
Egunkariak erantsi duenez, trukean Moskuk konpromisoa hartuko luke Kherson eta Zaporizhiako fronte-lerroa bertan behera uzteko, eta Kharkiv eta Sumy eskualdeetan okupatutako enklabe txikiak itzultzeko. Gainera, Putinek Krimearen anexioaren nazioarteko onarpena eta zehapenen zati bat kentzea proposatuko luke. Kievek eta Europako bere kideek onartezintzat jotzen dituzte baldintza horiek.
Zure interesekoa izan daiteke
?fmt=webp-alpha&qlt=80)
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.
Leon XIV.a aita santuak gerraren aurkako aldarria egin du eta armak uzteko eskatu du
Tradizioan ez bezala, non pontifizeek mundu mailako diskurtsoa erabiltzen duten nazioarteko tentsio-guneak errepasatzeko, Leon XIV.ak ikuspegi orokor baten alde egin du, eta axolagabeak ez izateko eta gaitzaren, gorrotoaren eta gerraren aurrean ez etsitzeko eskatu du.