Sei pertsona hil dituzte autobus baten aurkako erasoan, Jerusalemen
Israelgo Poliziak adierazi duenez, "neutralizatu" egin dituzte inplikatutako bi "terroristak", erasoaren ostean. Hamasek eta Jihad Islamikoak txalotu egin dute "erresistentziako bi borrokalarik" egindako erasoa.
Sei pertsona hil dituzte eta hainbat lagun zauritu, horietako zazpi larri, Jerusalemera sartzeko bidegurutze batean autobus baten aurka egindako erasoan.
Gideon Sa'ar Israelgo Atzerri ministroak (Hungariatik) prentsaurrekoan adierazi duenez, "eraso terrorista izugarriak" sei hildako utzi ditu, eta azpimarratu du herrialdea "terrorismo islamiko erradikalarekin gerran" dagoela. Era berean, azpimarratu duenez, "Europak eta nazioarteko komunitateak, herrialde guztiek, erabaki argia egin behar dute: Israelen alde edo jihadisten alde dauden".
Israelgo Poliziak X sare sozialean argitaratuako ohar batean adierazi duenez, Segurtasun Indarretako kide batek eta "inguruan zegoen" zibil armatu batek "neutralizatu" dituzte autobusaren aurkako erasoan parte hartu duten bi "terroristak". "Lekua garbitzen eta frogak biltzen ari dira".
Kan Israelgo irrati publikoak jasotako informazioaren arabera, erasoa bi pertsona armatuk egin dute. Autobus batera igo eta tiroka hasi dira, eurei tiro egin aurretik.
Benjamin Netanyahu Israelgo lehen ministroak erasoaren lekutik adierazi duenez, herrialdea "terrorismoaren aurkako gerra handi batean dago, fronte guztietan", eta agindu du Segurtasun Indarrek erasoari erantzun egingo diotela, The Times of Israel egunkariak jaso duenez.
Testuinguru horretan, Isaac Herzog Israelgo presidenteak nabarmendu du "goiz mingarria eta zaila" izan dela, eta deitoratu du "zibil errugabeak, emakumeak, gizonak eta haurrak basatiki eta zauritu dituztela, terrorista gaizto eta zitalek".
Erresistentzia Islamikoaren Mugimenduak (Hamas) txalotu egin du "erresistentzia palestinarreko bi borrokalarik" egindako "operazio heroikoa". "Okupazioaren kontrako krimenen eta gure herriaren aurka egiten duen sarraski-gerraren aurrean eman beharreko erantzun naturala da operazio hau", adierazi du.
Ildo horretan, taldeak ohartarazi du erasoa "mezu argia" dela. "Gazako hiria okupatu eta suntsitzeko eta Al Aqsa meskita profanatzeko (Meskiten Zabalgunean dago) Israelgo Gobernuak iragarritako planak ez dira zigorrik gabe geratuko", Palestinako Filastin egunkariak jaso duenez.
Era berean, Jihad Islamikoak goraipatu egin du "erresistentziako bi borrokalarik egindako operazio kualitatiboa", eta nabarmendu du "Israelgo erakundearen politika kriminalen gorakadari emandako erantzun naturala" dela. "Sentitzen dugu operazioaren arduradunen heriotza, eta haien heroismoa goraipatzen dugu. Palestinako gure herriari eskatzen diogu erantzuna areagotu dezala erakundearen Armadaren krimenen aurrean", gaineratu du, Israeli erreferentzia eginez.
Eyal Zamir Israelgo Armadako buruak Zisjordanian tropa gehiago jartzea agindu du, astelehen honetako erasoaren ostean.
Zure interesekoa izan daiteke
AEBrekin adostutako zirriborroaren berri emango diote gaur Ukrainako negoziatzaileek Zelenskiri
Ukrainako presidentea Londresen izango da astelehen honetan, Keir Starmer Erresuma Batuko lehen ministroarekin biltzeko, eta ondoren Bruselara joateko asmoa du, Europako aliatu nagusiekin batzartzeko. Ukrainarren eta errusiarren arteko desadostasun puntu nagusietako bat da Kievek Donbasen kontrolpean duen lurraldea Kremlini ematea.
Hainbat pertsona hil dira eta milaka herritar lekualdatu behar izan dituzte Thailandiaren eta Kanbodiaren arteko liskarren ondorioz
Kanbodiaren eta Thailandiaren arteko gatazkak urte luzeko historia du, baina hamarkada batzuk etenda egon ondotik, iazko maiatzean berriz ere eztanda egin zuen, eta egunotan izandako liskarrek urrian bi herrialdeek sinatutako bake akordioa kolokan jar lezake.
Netanyahuk iragarri du "berehala" iritsiko dela Hamasen armagabetzea ekarriko duen su-etenaren bigarren fasea
Bestalde, Hamasek jakinarazi du Gazan bahituta zuen azken israeldarraren gorpua entregatuko duela gaur arratsaldean, su-eten akordioari men eginda.
Gutxienez 25 pertsona hil dira diskoteka batean izandako sutean, Indian
Sutea Goa estatuko Arpora udalerriko eremu turistiko batean gertatu da. Poliziak ikerketa abiatu du gertatutakoa argitzeko.
Ehun bat lagun kalera atera dira Bilbon Maduroren kontra eta Machadoren alde
Mundu osoko 130 hiritan protestak deitu dituzte Venezuelako Gobernuaren aurka, eta asteazkenean Bakearen Nobel saria oposizioaren ordezkariari emango diotela ospatzeko.
Lau ekintzaile atxilotu dituzte Londresko Dorreko bitxien aurka janaria jaurtitzeagatik
Ekintza horrekin, Erresuma Batua “muturreko aberastasuna zergapetu eta konpontzeko” herritarren batzar bat ezartzeko eskatu nahi izan dio Take Back Power taldeak Erresuma Batuko Gobernuari. Sare sozialetan zabaldu dituzte horren irudiak, eta aretoa itxi dute, kalteak ikertu arte.
Migrazio politikak Europako zibilizazioa "ezabatzen" ari direla esan du Trumpek
Segurtasun Nazionalari buruzko txosten batean, bere egin ditu Europako eskuin-muturreko mugimenduen diskurtsoak.
Alemaniako Parlamentuak argi berdea eman dio soldadutzaren lege berriari
Legearen zirriborroan jasotakoaren arabera, nahitaezko errekrutamendua aktibatuko da, egoerak hala eskatzen badu eta nahikoa boluntario erakartzea lortzen ez bada.
Israelek 366 palestinar hil ditu su-etena indarrean sartu zenetik
Israelgo armadak palestinarrei tiro egiten jarraitzen du "lerro horia" deituriko mugatik, gehiegi hurbiltzen direla argudiatuz. Herritar gehienek ez dituzte muga horiek ezagutzen.
AEB eta Txina, Hego Pazifikoko uharteak kontrolatzeko lehia bizian. Zergatik?
Ozeano Barea Asia eta Amerika arteko itsaso handi-handia da. Han zehar itsasbideak, urpeko kableak eta era guztietako merkataritza trafikoa daude, etengabe. Horregatik, bide horiek bereganatu nahi dituzten potentziek ezinbestekoa dute ozeano erraldoi horretan dauden irlak kontrolatzea, base logistikoak, eta, kasu askotan, militarrak direlako. Hain zuzen, Estatu Batuek eta Txinak Pazifikoko 14 herrialde horiek kontrolatzeko sokatiran ari dira. Papua Ginea Berria milioi bat biztanle duen uharte bakarra da; txikiena, Niuee izeneko uhartea, ez da 2.000 biztanlera ere iristen. 14 horietatik 11 Txinarekin daude lerratuta. Hiruk baino ez dute Taiwanen subiranotasuna aitortzen. Batzuek, Papua Ginea Berria kasu, Estatu Batuekiko segurtasun akordioei eusten diete, beste batzuek, ordea, Txinarekin defentsa akordioak sinatu dituzte. Horren adibide da Salomon Uhartea. Mikel Reparaz, EITBren nazioarteko burua, han izan da.