Milaka palestinar ihesi ari dira Gazako hiritik: "Goazen tokiak ez dira seguruak"
Nazio Batuen Erakundeak 73.500 desplazatu baino gehiago zenbatu ditu Gazako Zerrendaren iparraldetik hegoaldera, Al Rashid kostaldeko errepidean barrena, abuztuaren 14tik, eta 25.000 inguru irailaren 7tik.
Palestinar batzuk, Gaza hiritik aldentzen, hegoalderantz joateko asmoz. Argazkia: EFE
Milaka palestinar Gazako hiria utzi eta hegoalderantz joaten ari dira egunotan, beren ondasun guztiak aldean hartuta, Israelen etengabeko bonbardaketetan bidean hil daitezkeela jakitun.
"Goazen tokiak ez dira seguruak, herritarrak bonbardatzen dituzte: Gazako hiritik joaten direnak zein itzultzen direnak. Pertsona bat bilatzen ari direla esaten dute. Norbait bilatu ala ez, berdin bonbardatzen dute ingurua", esan du Adib Abderrahman Selimek.
Beste familia askorekin batera, Al Rashid errepidean da Selim, eta esan du ez direla euren borondatez joan, Israelgo tropen, droneen eta hegazkinen etengabeko suntsiketak behartuta baizik. Egunotan milaka palestinar ikus daitezke auto zein traktore gainean kokagunearen hegoalderantz joaten.
Erreskate taldeen datuen arabera, Gazako hirian babestuta zeuden 53.000 palestinarrek etxebizitza edo denda galdu dute astebete baino gutxiagoan, eraikinak sistematikoki suntsitu ostean, zazpi solairu baino gehiagoko 12 dorre tartean.
Testuinguru horretan, Nazio Batuen Erakundeak 73.500 desplazatu baino gehiago zenbatu ditu Gazako Zerrendaren iparraldetik hegoaldera, Al Rashid kostaldeko errepidean barrena, abuztuaren 14tik, eta 25.000 inguru irailaren 7tik.
Selimen hitzetan, ondasun "gehienak" utzi behar izan dituzte atzean, eta ez dakite Al Mawasira iritsitakoan zein bizitza izango duten, Israelen esanetan "eremu humanitarioak" izan arren, hegoaldeko eremu horretan ere egiten baititu bonbardaketak.
Ostiral honetan, Israelek eraso egin du denda baten aurka, gatzgabetzeko planta batetik gertu, eta 27 pertsona zauritu dira. Gainera, bidaia ibilgailuren batean egiteak 3.000 sequel (760 euro inguru) baino gehiagoko kostua du, eta nekea, egarria eta ia bi urteko sarraskien akidura gehitu behar zaizkio horri.
"Sufrimenduak herri osoa harrapatu du. Egoera latza da, oso zaila", azpimarratu du, eta norbaitek nolabait gerra geraraz dezala eskatu du.
2023ko urritik, 64.700 palestinar baino gehiago hil dituzte Gazan, 19.000 haur tartean, gobernuz kanpoko erakundeek, NBEren berriemaileek eta adituek aspalditik genozidiotzat jotzen duten erasoaldian.
Zure interesekoa izan daiteke
Gutxienez 132 pertsona hil dira Rio de Janeiroko faveletan, krimen antolatuaren aurkako polizia-operatibo batean
Rio de Janeiron, Brasilen, 132 pertsona hil dira krimen antolatuaren aurkako polizia-operatibo batean, hiriko faveletan. Hiriaren historian biktima gehien eragin dituen operatiboa izan da. Inguruko bizilagunek 70 gorpu baino gehiago eraman dituzte plaza batera, senideek identifika ditzaten.
AEBk % 10era jaitsiko ditu Txinari ezarritako muga zergak eta trukean Pekinek lur arraroen esportazioei ezarritako mugak bertan behera utziko ditu
Ameriketako Estatu Batuetako presidenteak iragarri du akordioa, 2019tik Txinako buruzagiarekin izandako lehen bileraren ostean. Halaber, Txinak soja estatubatuarra berriz kantitate handitan erosiko du, eta fentaniloaren trafikoaren aurkako kontrolak indartuko ditu. Xi Jinpingek, berriz, epe luzerako lankidetza eskatu dio AEBri, "gurpil zoro batean ez erortzeko".
Milioika lagun argindarrik gabe eta kalte ugari Kuban, oraindik ere irla gainean jarraitzen duen Melissa urakanaren ondorioz
Kuba ekialdeko muturreko biztanleak izan dira Melissa urakanaren ondorioak sumatzen lehenak, hura jo baitu lurra bertako 03:10 zirenean (08:10 Euskal Herrian), orduko 193 kilometroko orduko haize-ufada etengabeekin, nahiz eta gero ahulduz joan den.
Israelek iragarri du berriro ezarri duela su-etena Gazan
"Estamentu politikoaren zuzentarauaren arabera, eta hainbat erasotan terroristak neutralizatu ondoren, Armada su-etena aplikatzen hasi da berriro", nabarmendu dute ohar bidez.
Albiste izango dira: Israelen erasoak Gazan, GOIDIak urtebete eta Donostiako alkate berria
Gaurkoan Orain-en albiste izango direnen laburpena, bi hitzetan.
Melissa urakana ahuldu egin da Kubara iristear dagoenean, 205 km/h-ko haize-ufadekin
Melissa urakana laster iritsiko da Kubako hego-ekialdeko kostaldera, Saffir-Simpson eskalan 3. kategoriako urakana bihurtuta, eta izaera "oso arriskutsuarekin", Ameriketako Estatu Batuetako Urakanen Zentroaren (NHC, ingelesez) arabera. 205 kilometro orduko euri-erauntsi eta haize-ufada suntsitzaileak eragingo dituela aurreikusi da.
Bonba-erasoak, Gazan: Israelen misilek 100 hildako utzi dituzte, gutxienez
Benjamin Netanyahuren Gobernuaren arabera, erasoak Hamasek su-etena urratu duelako gertatu dira, baina talde islamistak ukatu egin du hori.
Gazaren kontrako erasoak berrabiarazita, Israelek dagoeneko hainbat hildako utzi ditu
Erabaki hau Israelgo tropei ustez Zerrendaren hegoaldean eraso egin eta astelehenean Israeli entregatutako bahituaren gorpuzkiak 2023an berreskuratu zuten beste gatibu batenak zirela identifikatu eta gutxira etorri da.
Melissa 5 kategoriako urakan gisa iritsi da Jamaikara eta biztanle ugari elektrizitate gabe utzi ditu
Zerbitzu meteorologikoek ohartarazi dutenez, azken urteotako urakanik suntsitzaileenetako bat izan daiteke. Oraingoz, 295 km/h-ko haize-boladak erregistratu ditu.
5. kategoriako indarra duen Melissa urakana Jamaika astintzen hasi da
Melissa urakana Jamaikako mendebaldeko kostaldera hurbiltzen ari da, 280 km/h-ko haize-bolada, euri-jasa eta olatu handiekin. Agintarien esanetan, "oso urakan arriskutsua" da eta kalte handiak eragingo dituen beldur dira.