Israelek lurreko operazio militarra abiatu du Gazan eta milaka herritar hegoaldera ihesi doaz
Benjamin Netanyahu Israelgo lehen ministroak iragarri bezala, Armada israeldarra Gaza hiria hartzen ari da. Palestinar Aginte Nazionalak nazioarteari dei egin dio, esku hartu eta zibilak babestu ditzan. Lehen balantzearen arabera, 100 pertsona baino gehiago hil ditu gaur Israelek.
Israelgo Armadak erasoak gogortu ditu Gaza hirian, eta lurreko inbasioaren "lehen urratsak" ere egin ditu hiriburua hartzeko asmoz.
Benjamin Netanyahu Israelgo lehen ministroak berak baieztatu du erasoaldi "garrantzitsua" hasi dutela Gaza hirian, auzipetuta dagoen kasuetako batengatik epaitegira deklaratzera joan denean.
"Israelgo Defentsa Indarrak Hamasek Gaza hirian dituen azpiegiturak suntsitzen hasi da", adierazi du Avichai Adrai Israelgo Armadaren bozeramaileak X sare sozialean.
Halaber, hegoaldera mugitzeko deia egin die herritarrei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du.
Israelgo Armadak azken hilabeteetan Gazako Zerrendan geroz eta lur gehiago okupartu ditu azken hilabeteetan, eta hori erakusten duen bideo bat argitaratu dute Israelgo Defentsa Indarrek X sare sozialean.
Aurrez, Israel Katz Defentsa ministroak iragarri du "Gaza sutan" dagoela eta Israelgo Armadak Gaza hiriaren aurkako erasoak gogortu dituela gauean, X sare sozialean astearte goizean argitaratutako mezu batean.
"Ez dugu etsiko eta ez dugu atzera egingo misioa bete arte", azpimarratu du.
100 hildako baino gehiago
Egoera bertatik bertara jarraitzen ari diren kazetariek eta ospitaletako langileek zabaldutako informazioaren arabera, gaur 100 pertsona baino gehiago hil dituzte soldadu israeldarrek Gazan. Horietatik, 50 inguru Shifa Ospitalean zendu dira, Gazan egun geratzen den erietxe nagusienetakoa. Hildako gehiena umeak eta emakumeak dira, aipatutako iturrion arabera.
Halaber, airez zein lurrez egindako erasoek ehunka lagun zauritu dituzte.
Eta infernutik ihesi, milaka herritarrek hegoalderako bidea hartu dute.
"Hainbat hilabete" iraungo dituen ofentsiba
Effie Defrrin Israelgo Armadako eledunak gaur ziurtatu duenez, Gaza hiri osoa bereganatzeko "hainbat hilabete" beharko dituzte. "Hainbat hilabete beharko ditugu hiria suntsitu eta geureganatzeko", esan du.
Erantsi duenez, "gerra helburu guztiak bete" arte ez dute geratuko ofentsiba.
Dagoeneko, 65.000 palestinar baino gehiago hil ditu Israelek, gerra abiatu zuenetik.
"Garbiketa etnikoa"
"Israelgo armadak Gaza hiria lurrez hartzeko operazioa beste urrats bat da Gazaren aurkako genozidio sistematikoan eta garbiketa etnikoan". Hala esan du Hamas erakundeak, eguerdian zabaldutako ohar batean. Ohartarazi duenez, gaur abiatutako operazioak Gazako Zerrendako giza-hondamendia areagotu baino ez du egingo.
Zure interesekoa izan daiteke
Mohamed VI .ak dio Marokok "kapitulu berri bat" ireki duela Mendebaldeko Sahararako bere planak NBEren babesa jaso ondoren
Marokoko erregeak Tindufen errefuxiatuta dauden sahararrei dei egin die "aukera historiko hau" aprobetxa dezaten "familiekin biltzeko", eta Aljeriako presidenteari "elkarrizketa zintzoa eta anaiartekoa" egiteko eskatu dio.
Saharar autonomiarako Marokoren plana hartu du oinarri Segurtasun Kontseiluak, eta beste urtebetez luzatu du bere misioa
Marokoren plana "irtenbide justu eta iraunkor bakarra" dela uste du AEBko proposamenak, eta aurrera atera da, Argenilia, Txina eta Errusiaren abstentzioarekin.
Munduko kaleak izaki beldurgarrienez bete dira
Gaur gauean, iluntasunak hartuko ditu munduko kaleak. Dagoeneko izaki beldurgarriak dabiltza han eta hemen, itzal eta argi artean. Gurean, Gau Beltza; munduan, Halloween. Urriaren 31n, milaka lagun mozorrotuta aterako dira kalera, beldurraren eta dibertimenduaren artean dantza egitera. Uztaren amaieraren ospakizuna urruti dago askorentzat, baina gauak berak emango du uzta emankorra gaurkoan: irria, oihuak eta misterio apur bat.
'Melissa' urakanak 50 hildako baino gehiago utzi ditu jada Karibeko hainbat herrialdetan
Erreskate taldeek lanean jarraitzen dute zikloiak gehien kaltetutako eremuetan, hala nola Haitin, Panaman, Dominikar Errepublikan eta Kuban. Lehorretik iristea bereziki zaila izaten ari da gehien kaltetutako landa eta kostalde eremuetan.
Esperanza Santos (Mugarik Gabeko Medikuak): "Mingarria da jendeak ez jakitea zer gertatzen ari den Sudanen"
Esperanza Santosek, Mugarik Gabeko Medikuen larrialdietako koordinatzaileak, Sudanen eta Gazan lan egin du udan. Afrikako herrialdean egiten ari diren ankerkeriak salatu, eta benetako infernua bizitzen ari diren herritarrak babesteko eskatu du.
Egiptoko Museo Handiaren inaugurazioa, "aurrekaririk gabeko ekitaldi historikoa"
Zibilizazio bakar bati eskainitako gune arkeologikorik handiena dena Gizako lautadan dago, izen bereko piramideetatik bi kilometro eskasera. 50 hektareako azalera du, eta 100.000 pieza baino gehiago daude bertan; Tutankamonen maskara eta Ramses II.a faraoiaren eskultura, besteak beste.
Andrew printzeari tituluak kendu dizkiote eta Windsorretik kanporatu dute Epsteinekin izandako loturengatik
Charles III.a erregearen komunikatua Andrew printzeak berak bere tituluei (besteak beste, Yorkeko duke titulua) uko egin eta bi aste baino gutxiagora heldu da. Erabaki horren arabera, Andrewk jasotzen zituen "etengabeko salaketek" erregearen eta erregearen familiaren lana "oztopatu" egiten zuten. 2019an iragarri zuen bere jarduera publikoak utziko zituela.
Gobernua osatzeko hautagaiaren aukeraketa asteartera arte atzeratu dute Herbehereek
Azken emaitzen zain, garaipen estua lortuko du D66 alderdiak. Botoen % 99,7 zenbatuta, D66 alderdiak botoen % 16,9 eskuratu ditu, eta PVV alderdiak, berriz, botoen % 16,7. Guztira, 26 eserleku lortuko ditu bakoitzak.
Arma nuklearrekin probak egitea agindu du Trumpek, "beste herrialde batzuen" ustezko entseguen ondotik
Errusiak gezurtatu egin du Trumpek aipatzen dituen maniobrak entsegu nuklearrak izan zirenik, aurretik jakinarazitako "errutinazko" proba hutsak izan direla esan du, eta Errusiak entsegu nuklearren gaineko luzamendua mantentzen duela berretsi du.
Louvreko Museoan bitxiak lapurtzeagatik bost susmagarri gehiago atxilotu dituzte
Agintariek adierazi dute ez dituztela bitxiak oraindik berreskuratu, baina aurkitu eta Parisko pinakotekara itzuliko dituzten esperantza dutela gaineratu dute.