Israelek eta Hamasek akordioa lortu dute Gazarako bake planaren lehen faseari buruz
Akordioaren arabera, Hamasek 48 bahituak aske uztearen truke Israelek 2.000 preso palestinar inguru libre utziko ditu. Donald Trump AEBko presidenteak iragarri du akordioa, eta ondoren bi aldeek eta bitartekariek baieztatu dute.
Gazako Zerrenda. Argazkia: EFE
Israelgo Gobernuak eta Hamasek Gazarako bake planaren lehen fasea adostu dute ostegun goizaldean. Akordioaren arabera, Hamasek bahituak askatuko ditu Israelek 1.950 preso palestinar inguru libre uztearen truke eta tropa israeldarrak adostutako eremuraino erretiratuko dira, Gazako Zerrendatik irten gabe.
Lau eguneko zeharkako negoziazioen ondoren lortu dute akordioa, Egipton. Israel eta Hamas ez ezik, Qatar, Egipto, Turkia eta Ameriketako Estatu Batuak parte hartzen ari dira negoziazioetan.
Donald Trump Ameriketako Estatu Batuetako presidenteak egin du iragarpena sare sozialetan, eta berehala berretsi dute Hamasek, Israelek eta Qatarrek.
Trumpen arabera, bahituak datorren astelehenean bertan gera litezke aske. Gerora akordioaren inguruko xehetasunak ezagutzen dituen iturri batek Reuters agentziari azaldu dionez, larunbata eta astelehena bitartean izan daiteke.
Halaber, Gaza berreraiki egingo dutela berretsi du.
Akordioaren sinadura 12:00etarako dago aurreikusita (11:00ak Euskal Herrian), Reutersen arabera.
Erreakzioak
Benjamin Netanyahu Israelgo lehen ministroak akordioaren lehen balorazioa egin du, eta "Jainkoaren laguntzarekin" bahitu guztiak etxera ekarriko dituztela adierazi du. Hamasen esku jarraitzen duten 48 bahituetatik 20 inguru bizirik daudela uste dute.
Ondoren, Netanyahuk iragarri du Israelgo Gobernuak gaur bertan berretsiko duela akordioa. Akordioaren gertuko iturriek Reuters albiste agentziari kontatu diotenaren arabera, Israelgo Gobernua 17:00etan elkartuko da (16:00ak Euskal Herrian).
Bahituen senideek "emozio handiz" eta aldi berean "kezkaz" jaso dute albistea, eta akordioa lehenbailehen berrestea eskatu diote gobernuari.
Hamasen esanetan, gerraren amaiera ekarriko du akordioak, hori bai, bermeak eskatu ditu Israelek benetan erasoak eten ditzaten, eta tropak Gazatik ateratzeaz gain, giza laguntza sar dadin.
Nazio Batuen Erakundeak txalotu egin du akordioa, eta aldeei adostutakoa betetzeko dei egin die Antonio Guterres idazkari nagusiak.
Israelgo Armada, edozein egoerari aurre egiteko prest
Eyal Zamir Israelgo armadako buruak "defentsa sendoak" prestatzeko eta edozein egoerari aurre egiteko prest egoteko agindu die tropei, bart Israelek eta Hamasek adostutakoa aplikatzeko.
Horrez gain, oraindik Gazan dauden 48 bahituak Israelera eramateko gertu egoteko ere eskatu die.
Nazioarteko albiste gehiago
Zer dakigu Gazako bake planari buruz?
Israelek eta Hamasek ostegun honetan hitzartu duten bake planaren lehen fasean, Gazako Zerrendan egindako erasoaldia bertan behera utzi beharko luke Israelek, Hamasek hildako eta bizirik dauden bahitu guztiak entregatu eta Israelek ia 2.000 preso palestinar askatu.
Macronek lehen ministro berri bat izendatuko du asteburua baino lehen, Lecornuren gomendioa aintzat hartuta
Frantziako jarduneko lehen ministroak bere “misioa bukatutzat” eman du, eta Macroni gomendatu dio lehen ministro berria izendatzeko. Oraindik, akordiorako aukera badela sinetsita dago, eta horregatik, hauteskundeak ez aurreratzeko aholkatu dio.
Bahituen eta preso palestinarren zerrendak trukatu dituzte Gazako su-eten planaren elkarrizketetan
Hamasek iragarri du elkartrukea elkarrizketen hirugarren egunean. AEBko Ekialde Ertainerako ordezkaria, Steve Witkoff, eta Trumpen suhia, Jared Kushner, Egiptora iritsi dira negoziazioetan parte hartzeko. Hurrengo orduetan Jihad Islamikoaren eta Palestina Askatzeko Herri Frontearen ordezkariak espero dituzte.
Susumu Kitagawak, Richard Robsonek eta Omar Yaghik irabazi dute Kimikako Nobel saria, egitura metalorganikoak garatzeagatik
2025eko Kimikako Nobel sariaren irabazleek espazio zabalak dituzten egitura molekularrak sortu dituzte, eta horietan barrena gasak eta beste substantziak kimiko batzuk jariatzen dira. Aipaturiko egitura metalorganiko horiek erabili daitezke, esaterako, basamortuko airetik ura ateratzeko, karbono dioxidoa xurgatzeko, gas toxikoak biltzeko eta erreakzio kimikoak katalizatzeko.
Israelek atzeman egin ditu Gazara zihoazen Askatasunaren Flotillaren bederatzi ontziak
Gazara Bidean kanpainak salatu duenez, Israelgo Armadak "nazioarteko uretan" eraso egin die, Gazako kostaldetik 110 itsas miliara zeudela. Ontzian 140 pertsona zeuden, tartean, medikuak, kazetariak eta funtzionario hautetsiak, eta 110.000 dolar baino gehiagoko laguntza humanitarioa zeramaten. Israelek jakitera eman duenez, tripulatzaileak "onik" daude, eta "arin" deportatuko dituzte.
Albiste izango dira: Gazako bake negoziazioak, EAJ eta PSE-EEren arteko desadostasunak eta Bernedo auzia
Gaurkoan Orain-en albiste izango direnen laburpena, bi hitzetan.
Gazarako bake akordioa ostegunean edo ostiralean irits daiteke, eta Trumpek iragarriko luke
Ameriketako Estatu Batuetako eta Turkiako negoziatzaileek bat egingo dute gaur Israelen eta Hamasen arteko elkarrizketekin, eta "giro positiboan" ari dira aurrera egiten, gertuko iturrien arabera.
Ayestaran: "Asteazkenean AEBko bitartekariak batuko dira bake negoziazioetara, eta egun garrantzitsua izango da"
Israelen eta Hamasen arteko zeharkako elkarrizketen lehen bi egunetako giroa "positiboa" izan dela azaldu dute gertuko iturriek. Bihar, asteazkena, AEBko eta Turkiako bitartekariak batuko dira negoziazioetara, eta egun "garrantzitsua" izango dela diote adituek. Hainbat hedabideren arabera, baliteke ostegun edo ostiralean behin behineko akordio bat izatea mahai gainean, eta hori, Donald Trump presidente estatubatuarrak iragarriko luke. Bideoan, Mikel Ayestaran kazetariaren kronika.
AEBko eta Turkiako bitartekariak asteazken honetan batuko dira Gazako bake negoziazioetara
Orain arteko elkarrizketen diskrezioa erabatekoa bada ere, gertuko iturriek baieztatu dute giroa "positiboa" dela. Egiptoko hainbat hedabidek zabaldu dutenez, baliteke ostegun edo ostiralean behin behineko akordio bat izatea mahai gainean.