Sanae Takaichik kristalezko sabaia hautsi du, eta, aurrenekoz, emakumezko lehen ministro bat du Japoniak
Takaichik 465 botoetatik 237 lortu ditu, behar zituenak baino lau gehiago. Shigeru Ishibaren dimisioak primarioak deitzea eragin zuen, urriaren 4an, eta Takaichi izan zen garaile bigarren txandan.
Hautsi egin da Japoniako Parlamentuko kristalezko sabaia. Asiako herrialdean Gobernuan den Alderdi Liberal Demokratikoaren buruzagi Sanae Takaichi da lehendabiziko emakumezko lehen ministroa. Horren aurretik 103 gizonezkok bete dute lehen ministroaren aulki hori, eta, beraz, Takaichi hautatu izanak mugarria ezarri du. Hura izendatzea onartu zezaten, koalizio-akordioa egin behar izan du Nippon Ishin no Kai alderdi libertarioarekin.
Takaichik (64 urte) 465 botoetatik 237 jaso ditu Behe Ganberan, eta 246tik 123 Goi Ganberan, aurreneko itzulian. Bigarren bozketa horretan gehiengorik ez duenez izan, errepikatu egin behar izan dute bozketa, aurrez aurre zirelarik Alderdi Demokratikoko Yoshihiko Noda eta Takaichi bera. Bigarren horretan 125 boto lortu ditu eta horrekin ziurtatu du izendapena.
Politikaria urriaren 4an izendatu zuten Alderdi Liberalean Shigeru Ishibaren ordezko, hark agintaldi erdian dimisioa eman eta gero. Japoniako azken bi hauteskundeetan izandako porrotaren ondorioz gutxiengo zen alderdia bi ganberetan, eta edozein lege aurrera ateratzeko zailtasun handiak zituen. Arrazoi hori dela eta eman zuen dimisioa Ishibak, besteak beste.
Gauzak horrela, Takaichik koalizio-akordioa bilatu behar izan du izendapenak aurrera egin zezan. Astelehenean bertan erdietsi zuen akordio hori Nippon Ishin no Kai alderdiarekin, zeina oposizioko gainerako alderdietatik bereizi baitzen joan den astean, eta ezerezean utzi zuen oposizioak elkarrekin adostutako hautagai bat aurkezteko asmoa.
Hala ere, hautagaia izendatzeko adina boto lortu dituen arren, koalizio berriak ez du gehiengorik ganberetan, eta, beraz, Gobernu berriak ez du erraz lortuko legeak aurrera ateratzea; beharrezko izango du aurrera atera asmo dituen gaietan adostasunak bilatzea oposizioko alderdien nahiz independenteen artean.
Takachiren izendapenarekin batera etorri da, gainera, Ishibaren gobernu osoaren dimisioa. 2024ko urriaren 1ean lehen ministro izendatu zutenetik urtebete egin du hark boterean eta, pauso bat eman du orain albora, ordezkoari Exekutiba berria izendatu ahal izateko bidea libre uzteko.
Emakumezko bi, ministra
Gobernuburu berriak dagoeneko izendatu ditu bere Gobernua osatuko duten 19 kideak, eta horien arten bi baino ez dira emakumeak "herrialde nordikoetakoen pareko" proportzioa hitz emana bazuen ere.
Bi ziren Shigeru Ishibaren Gobernuan emakumezkoek betetzen zituzten aulkiak ere, Fumio Kishidaren (2021-2024) agintaldiko markatik urrun (orduan 20tik 5 ziren emakumeak). Hala ere, aurrenekoz, emakumezko bat izango da Finantza Ministerioaren buru.
Zure interesekoa izan daiteke
Nepal, astebete geroago: 1.250 hildako eta 4.200 desagertu baino gehiago
Nepalgo Poliziak odol eta DNA laginak eskatu dizkie desagertuen senideei, ehunka gorpu identifikatzeko.
Von der Leyenek eta Ruttek "presio handiagoa" egingo diote Moskuri Leipzigeko erasoaren ostean
Europako Batzordearen presidenteak uste du horrelako gertakariak "normaltasun berria" direla, eta europarrek "aurrerapausoa ematea" eskatzen dutela.
Zelenskik ohartarazi du Errusiako aire-espazioa "oso arriskutsua" dela hegazkinentzat
Ukrainako presidenteak adierazi du Errusiako aire-espazioa de facto itxiko dela; izan ere, drone bidezko erasoak areagotu egin dira eta ezin da segurtasuna bermatu. Bien bitartean, hogeita zazpiak eguerdian bilduko dira erantzun bateratu bila, Moskuk Alemaniako aireportu batean atzo egindako "sabotaje-saiakera" dela eta.
Bruselaren arabera, ez dago frogarik Ceutako krisia atzerriko aktore estatalen desinformazioak eragin zuela ziurtatzeko
Hala ere, Errusiak sare sozialetan krisia dela eta probetxua ateratzeko saiakerak egin dituela atzeman duela baieztatu du erakundeak.
Alemaniak Errusia jo du Leipzigeko aireportuaren aurkako erasoaren erantzuletzat
Aireportu hori armak bidaltzeko gune neuralgikoa da, Ukrainako gerrarekin lotutakoak barne.
Mila lagun baino gehiago hil dira Nepalen uholdeen ondorioz, eta 3.900 pertsona desagertu dira
21.000 agente baino gehiago ari dira bilaketa eta erreskate lanetan, eta 11.814 pertsona erreskatatzea lortu dute, 253 atzerritar barne.
Sheinek estreinako makala egin du Hong Kongeko burtsan, eta % 4ko galerekin dabil
Txinako ehungintza erraldoiak zulo handiekin hasi du burtsako ibilbidea, eta % 10eko galerak ere izan ditu uneren batean. Bien bitartean, gaur, asteartea, abiatuko du Frantziak negozio eredu horren aurkako eraso fiskala, produktu bakoitzaren gaineko 12 eurorainoko kargak martxan jarriz.
Epaimahai batek errudun jo du Duane "Keffe D" Davis, Tupac Shakur raperoaren hilketagatik
Duane "Keffe D" Davis errudun jo du epaimahai batek, lehen graduko hilketa leporatuta, Las Vegasen (Nevada), 1996an Tupac Shakur rap abeslari ikonikoa hil zuen tiroketa antolatzeagatik.
AEBk eta Iranek erasoei ekin diete berriro Ekialde Hurbilean
Armada estatubatuarrak bi plataforma bonbardatu ditu goizaldean eta bi pertsona hil ditu. Iranek Jordaniako eta Arabiar Emirerri Batuetako base militarrei eraso eginez erantzun du.
900 pertsona baino gehiago hil dira eta 4.200 daude desagertuta, Nepalgo uholdeen ondotik
39 herrialdetatik Nepalera joandako 590 lagun falta dira. Bestalde, Rasuwagadhi proiektu hidroelektrikoko tunel bateko bilaketa lanak amaitu dituzte. Uste zuten dozenaka langile zeudela bertan harrapatuta, baina ez dute inor aurkitu.