'Melissa' urakanak 50 hildako baino gehiago utzi ditu jada Karibeko hainbat herrialdetan
Erreskate taldeek lanean jarraitzen dute zikloiak gehien kaltetutako eremuetan, hala nola Haitin, Panaman, Dominikar Errepublikan eta Kuban. Lehorretik iristea bereziki zaila izaten ari da gehien kaltetutako landa eta kostalde eremuetan.
‘Melissa’ urakanak kalte handiak eragin ditu Karibeko hainbat herrialdetan. Argazkia: EFE
Melissa urakanak 50 hildako baino gehiago eta dozenaka desagertu utzi ditu orain arte Karibeko hainbat herrialdetan, eta honako toki hauetan izan du intzidentzia handiena: Haitin, Panaman, Dominikar Errepublikan eta Kuban.
Zehazki, gutxienez 31 pertsona hil eta 21 desagertu dira Haitin, azken orduotan izandako eurite eta uholdeetan. Biktima gehienak Port-au-Prince hiriburuaren hegoaldeko sarreran izan dira, eta desagertuen bila jarraitzen dute. Haitiko agintariek alerta egoera bertan behera utzi dute lurralde osoan, urakana urrun dagoelako jada, baina erreskate lanek aurrera jarraitzen dute zonalde kaltetuenetan.
Horrez gain, gutxienez 19 pertsona hil dira Jamaikan, eta uholdeak eta kalte larriak utzi ditu azpiegitura askotan. Halaber, 4 hildako zenbatu dituzte Panaman eta bat Dominikar Errepublikan. Oraingoz ez dute hildakorik aurkitu Kuban.
Bestalde, bigarren mailako errepide eta zubi asko nabarmen kaltetu dira, eta lehorretik bertaratzea bereziki zaila izaten ari da gehien kaltetutako landa eta kostalde eremuetan. Horrek asko moteltzen ditu laguntza humanitarioa eman eta ebaluazioak egiteko lanak.
Erreskate taldeek lanean jarraitzen dute zikloiak gehien kaltetutako eremuetan; izan ere, kalte handiak dituzte etxebizitza, errepide eta azpiegituretan.
Urakanak dozenaka hildako eta kalte handiak eragin ditu Karibetik igarotzean ,Jamaikan, Haitin eta Kuban bereziki, eta Bahametan eta Bermuda uhartedian, berriz, inpaktua arinagoa izan da.
Te puede interesar
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek G7ra iristean: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak 16 urtetan ezarri dute sare sozialetan sartzeko gutxieneko adina. Frantziak 15 urtetan ezarri zuen, eta Espainiak ere 16 urtetan jartzeko asmoa dauka.
Hezbollahk ontzat jo du Libanoko su-etena eta Iran zoriondu du lortutako akordioagatik
Hala ere, xiiten miliziak akordio hau ulertzen du lurraldea "erabat askatu aurreko urrats" gisa eta Libanoko indar politikoei "jarrera nazional bateratua" eskatu die, Israelen aurrean herrialdearen subiranotasuna babesteko. Israelek, ordea, argi du momentuz ez dituela indar armatuak Libano hegoaldetik erretiratuko.
Zer gertatuko da Ormuzko itsasartearekin? AEB-Iran akordioaren gakoak
Estatu Batuen, Iranen eta bien arteko bitartekari Pakistanen ikuspuntuak, gerrari amaiera emateko atariko akordioaren edukiari buruz.
UFCren 60 milioiko borroka-gala, Etxe Zurian: honela ospatu du Trumpek bere 80. urtebetetzea
Ekitaldirako, estadio bat eraiki zuten Etxe Zuriko hegoaldeko lorategian, 4.000 bat laguneko edukierarekin. Arte martzialetako borroka-ikuskizunak 60 milioi dolarreko kostua izan du, eta Trumpen aurkariek kritikatu egin dute, Etxe Zuria helburu komertzialak dituen ekitaldi pribatu baterako erabiltzea leporatuta.
Lau urteko kartzela-zigorra ezarri diote Mette-Marit printzesaren semeari, bortxaketa eta tratu txarrak egotzita
39 delitu leporatzen zizkioten Marius Borg Høibyri, Mette-Maritek Haakon printze oinordekoarekin ezkondu aurretik izan zuen semeari.
Albiste izango dira: AEBren eta Iranen arteko bake akordioa, Zubietako espetxearen inaugurazioa eta medikuen greba
Gaurkoan Orain-en albiste izango direnen laburpena, bi hitzetan.
Manifestazio jendetsua egin dute Genevan G7ko gailurraren kontra, eta istiluak sortu dira amaieran
Frantziako agintariek ez dute manifestaziorik baimendu, eta, beraz, No G7 taldeak mobilizazioa Genevan egitea eskatu du. Oro har, martxa baketsua izan da. Dena dela, manifestari talde batek harriak eta bengalak jaurti ditu, eta poliziak negar eragiteko gasa bota du.
Libanok NBEn salatu du Israelek herbizidak erabiltzen dituela arma kimiko gisa
"Israelek glifosatoarekin fumigatu zituen 2026ko otsailaren 1ean Libanoko mugako hainbat herri", esan du bertako Gobernuak Antonio Guterres NBEko idazkari nagusiari eta NBEko Segurtasun Kontseiluari zuzendutako gutunean.