Fronte Polisarioak errefusatu egin du NBEren ebazpena, eta "autodeterminazio eskubidea" aldarrikatu du baldintza "negoziaezin" gisa
Mendebaldeko Sahararen nazio askapenerako mugimenduak salatu duenez, "Marokoren okupazioa legitimatu egiten du" autonomia proposamenak.
Tindufeko errefuxiatu sahararren kanpamentua, Aljerian. Argazkia: EFE.
Fronte Polisarioak uko egin dio "autodeterminazio eskubidea" bermatzen ez duen Mendabaldeko Saharako negoziazioetan parte hartzeari.
Mendebaldeko Sahararen nazio askapenerako mugimenduak adierazi duenez, "Marokoren okupazioa legitimatu egiten du" NBEko Segurtasun Kontseiluak onartutako ebazpenak; izan ere, testuak Mendebaldeko Saharako autonomia onartzen du, baina Marokoren subiranotasunaren mende.
"Fronte Polisarioak zalatzen du gatazka larriagotu baino ez dutela egingo zuzenbide estatua, justizia eta bakea epe laburrean interes politikoengatik sakrifikatzea helburu duten alde bakarreko ikuspegiek", esan du mugimendu independentista sahararrak.
Proposamenak "aurretiazko baldintzarik gabeko" negoziazioak babesten ditu, betiere Marokoko autonomia proposamena oinarri hartuta. Aldeko 11 botorekin, 3 abstentziorekin eta kontrako botorik gabe onartu dute; Aljeriak, baina, ez du bozketan parte hartu.
Polisarioak azaldu duenez, ebazpenak "aurrekaririk gabeko desbideratze arriskutsua" bilatzen du, lehen zirriborroak ez baitu "autodeterminazio eskubidea" aipatu ere egiten. Erakundearen arabera, proposamena "gatazka bere alde behin betiko amaitzeko" Marokoren saiakera da.
Hala ere, Fronte Polisarioak adierazi du prest dagoela Marokorekin "bake prozesuan inplikatzeko eta zuzeneko negoziazioak hasteko". Hala ere, "negoziaezina" da, horren arabera, autodeterminazio erreferendum bat egitea.
Zure interesekoa izan daiteke
550.000 siriar itzuli dira Turkiatik beren herrialdera, Al-Assad erori zenetik
"2024ko abenduaren 8az geroztik, 550.000 siriar bueltatu dira, beren borondatez, segurtasun osoz eta ohorea galdu gabe", argitaratu du Yerlikaya ministroak X. sare sozialean.
Hildakoen kopuruak gora egiten jarraitzen du Gazako Zerrendan, su-etena gorabehera
Israelgo armadaren erasoek bost gazatar hil eta bederatzi zauritu dituzte, ostegunetik. Bien bitartean, Palestinaren gorpuen identifikazioa blokeatzen jarraitzen du Israelek, bake akordioan hitzartutakoan betetzea eragotziz.
Louvreko lapurretan konplize izatea egotzi diote emakume bati, eta atxilotuetako bat aske utzi dute
Joan den ostegunean bitxien lapurretarekin lotuta atxilotutako bost lagunetako bi dira aipatutakoak. Fiskaltzak behin-behineko espetxealdia eskatu du ustezko gaizkidearentzat.
Mohamed VI .ak dio Marokok "kapitulu berri bat" ireki duela Mendebaldeko Sahararako bere planak NBEren babesa jaso ondoren
Marokoko erregeak Tindufen errefuxiatuta dauden sahararrei dei egin die "aukera historiko hau" aprobetxa dezaten "familiekin biltzeko", eta Aljeriako presidenteari "elkarrizketa zintzoa eta anaiartekoa" egiteko eskatu dio.
Saharar autonomiarako Marokoren plana hartu du oinarri Segurtasun Kontseiluak, eta beste urtebetez luzatu du bere misioa
Marokoren plana "irtenbide justu eta iraunkor bakarra" dela uste du AEBko proposamenak, eta aurrera atera da, Aljeria, Txina eta Errusiaren abstentzioarekin.
Munduko kaleak izaki beldurgarrienez bete dira
Gaur gauean, iluntasunak hartuko ditu munduko kaleak. Dagoeneko izaki beldurgarriak dabiltza han eta hemen, itzal eta argi artean. Gurean, Gau Beltza; munduan, Halloween. Urriaren 31n, milaka lagun mozorrotuta aterako dira kalera, beldurraren eta dibertimenduaren artean dantza egitera. Uztaren amaieraren ospakizuna urruti dago askorentzat, baina gauak berak emango du uzta emankorra gaurkoan: irria, oihuak eta misterio apur bat.
'Melissa' urakanak 50 hildako baino gehiago utzi ditu jada Karibeko hainbat herrialdetan
Erreskate taldeek lanean jarraitzen dute zikloiak gehien kaltetutako eremuetan, hala nola Haitin, Panaman, Dominikar Errepublikan eta Kuban. Lehorretik iristea bereziki zaila izaten ari da gehien kaltetutako landa eta kostalde eremuetan.
Esperanza Santos (Mugarik Gabeko Medikuak): "Mingarria da jendeak ez jakitea zer gertatzen ari den Sudanen"
Esperanza Santosek, Mugarik Gabeko Medikuen larrialdietako koordinatzaileak, Sudanen eta Gazan lan egin du udan. Afrikako herrialdean egiten ari diren ankerkeriak salatu, eta benetako infernua bizitzen ari diren herritarrak babesteko eskatu du.
Egiptoko Museo Handiaren inaugurazioa, "aurrekaririk gabeko ekitaldi historikoa"
Zibilizazio bakar bati eskainitako gune arkeologikorik handiena dena Gizako lautadan dago, izen bereko piramideetatik bi kilometro eskasera. 50 hektareako azalera du, eta 100.000 pieza baino gehiago daude bertan; Tutankamonen maskara eta Ramses II.a faraoiaren eskultura, besteak beste.