Europako liderrek multilateralismoaren alde egin dute COP30en: "Gure erabakien eragina mundu osoan sentituko da"
Luiz Inacio Lula da Silva Brasilgo presidenteak salatu du banku handiek petrolio sektorea diruz laguntzen dutela eta Ukrainako gerrak erregai fosilen ustiaketa sustatu diuela.
Friedrich Merz Alemaniako kantzilerrak, Ursula Von der Leyen Europako Batzordeko presidenteak eta Gillermo Printzeak multilateralismoa defendatu dute COP30eko liderren goi-bileran egin dituzten hitzartzeetan. Goi-bilera hori Belemen (Brasil) ari dira egiten ostegunetik, ofizialki datorren astelehenean hasiko den arren.
Merzek Alemaniaren eta Europar Batasunaren (EB) helburu klimatikoak berretsi ditu gaur, ostirala, baina klima aldaketaren aurka borrokatzeko "ahalegin globala" ere eskatu du. Hala, adierazi du emisio maila handiak eta ekonomia indartsuak dituzten herrialdeek -Txinak eta Goldoko herrialdeek- nazio pobreenak finantzatzen lagundu beharko luketela.
Bestalde, Guillermo printzeak ostegunean gogorarazi zuenez "klima aldaketa ez da urruneko mehatxua", eta gaineratu zuenez “geure buruari galdetu behar diogu zer ondare utzi nahi dugun, gure erabakien eragina mundu osoan sentituko baita”.
Von der Leyenen ustez, Goi-bilera hau izan behar da berotze globalaren 1,5 ºC-ko muga ez gainditzeko helburua nazioarteko komunitatearen "eskura" mantenduko duena. "Europak norabideari eusten dio. Eta gure bazkideei gure babesa eskaintzen diegu gauza bera egin dezaten. Mundu osoak energia garbi baterako trantsizioaz baliatu beharko luke", nabarmendu du.
Luiz Inacio Lula da Silva goi-bileraren anfitrioi den Brasilgo presidenteak, banku handiak salatu ditu ostiral honetan, petrolio-sektorea diruz laguntzeagatik, eta erregai fosilekiko mendekotasuna gainditzeko plan bat eskatu du.
Ukrainako gerra ere aipatu du Lula, eta nabarmendu duikatz meategiak berriro irekitzea eragin duela gerrak. Kritikatu du, halaber, beroketa globalaren aurkako borrokan gastatu beharrean armetan gastatzeak, bere ustez, "apokalipsi klimatikorari bidea zolatzea" dakarrela.
Bere ustez, Lurrak jada ez du jasaten "erregai fosilen erabilera intentsiboan" oinarritutako garapen eredu bat, eta gogorarazi duenez, “Parisko Akordioa hartu zenetik, erregai fosilek energia matrize globalean duten parte hartzea % 83tik % 80ra baino ez da jaitsi”.
Zure interesekoa izan daiteke
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik preso politikoak hartzen ditu barne -chavismoa boterera iritsi zenetik honakoak-, eta giza eskubideen urraketa larriengatik auzipetuak edo zigortuak daudenak kanpo uzten ditu. Orain kontsulta prozesua zabalduko da eta, ondoren, bigarren eztabaida batean onartu beharko da.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.