Zergatik daramatza itxita Estatu Batuetako Gobernuak 40 egun? Itxiera historikoaren gakoak
Estatu Batuetako Gobernu federalaren itxierak 40 eguneko marka historikoa egin du. Ehunka mila langile publiko soldatarik gabe eta oinarrizko zerbitzuak bertan behera utzi ditu, laguntza sozialak ordaindu gabe laga ditu eta aire-trafikoa kolapsatzea eragin du.
Gobernu federalak 40 egun egin ditu itxita, herrialdearen historiako eperik luzeena. Ehunka mila funtzionario soldata barik eta oinarrizko zerbitzuak eman gabe utzi ditu, eta aireportuak kolapsatzea eragin du. Errepublikanoek eta demokratek Obamacare osasun programaren finantziazioaren pultsuari eutsi diote, eta akordioa sinatzeko asmorik duten zantzurik ez dago.
Itxiera errekorra
Ameriketako Estatu Batuetako Gobernu federala 40 egunez geldirik egon da, eta 2019an Donald Trumpen aurreko presidentetzan 35 egunez izandako itxiera gainditu du.
Ehunka mila langile soldatarik gabe
Itxierak ehunka mila funtzionario federalen soldata etetea ekarri du. Askok janari-dohaintzak edo larrialdiko maileguak egin behar izan dituzte, eta hainbatek lanean jarraitu dute nominarik jaso gabe.
Oinarrizko zerbitzuak eta aireportuak, kolapsatuta
Gobernuaren geldialdiak eragina izan du zaurgarrienentzako elikagaien kupoien ordainketan, bulego publikoen funtzionamenduan eta aireko trafikoan, 2.200 hegaldi baino gehiago bertan behera geratu baitira kontrolatzaile eta segurtasun langile eskasiagatik.
Obamacare programak eragindako pultsu politikoa
Obamacare osasun programaren finantziazioa da demokraten eta errepublikanoen arteko blokeo puntu nagusia. Trumpek proposatu du orain aseguru-etxeei bidaltzen zaien dirua herritarrei zuzentzea, eta demokratek uko egin diote sorospen horiek ezabatzeko aurrekontu bat onartzeari. Chuck Schumer Senatuko buruzagi demokratak Gobernua berriro irekitzea jarri du mahai gainean, estaldura urtebetez zabaltzearen truke, baina errepublikanoek uko egin diote proposamenari.
Kezka ekonomikoak gora egin du
Analistek ohartarazi dutenez, Gobernuaren paralisi luzeak ondorio atzeraezinak izan ditzake AEBko ekonomiaren hazkundean. Itxieraren ondorio sozialei aireportuetako atzerapenak, hainbat zulo gehiatu behar zaizkio; izan ere, laguntza-programen blokeoa eta Kongresuan akordioa noiz lortuko den ez dago batere argi, eta horrek gero eta ziurgabetasun-sentsazio handiagoa dakar.
Zure interesekoa izan daiteke
Europa indartzeko eta AEBrekiko harremana bideratzeko deia egin du Merzek, potentzia handien garaian
Alemaniako kantzilerrak europarren aldeko deia egin du Municheko Segurtasun Konferentziaren (MSC) irekiera ekitaldian. 120 herrialdetako 200 estatuburu, gobernuburu eta ministro biltzen ditu hitzordu garrantzitsu horrek.
Bake Batzordeak ez du NBEko Segurtasun Kontseiluaren ebazpena islatzen, Kallasen ustez
Europar Batasunak Kanpo Politikarako duen goi-ordezkariak ohartarazi du NBEko Segurtasun Kontseiluak ez duela behar bezala funtzionatzen "legearen gainetik dauden herrialdeak daudelako".
AEBk are gehiago leundu ditu Venezuelan aritzen diren petrolio-konpainiei ezarritako murrizketak
Petrolio-ekoizpena nabarmen areagotzeko aukera izango dute Repsol, Eni, Chevron, BP eta Shell enpresek baimen berriei esker. Josu Jon Imaz Repsoleko kontseilari delegatuak aurreratu zuen bere enpresa prest dagoela "Venezuelan gehiago inbertitzeko".
EB kide humanitarioekin harremanetan jarri da Kubako "egoera dramatikoa" ikusita
Venezuelak herrialde horren energia-euskarri nagusia izateari utzi ondoren, erregai-horniduraren gabeziak eragindako krisi larria pairatzen ari dira Kuban, Nicolas Maduro presidentea atxilotu ondoren, Washingtonen eta Caracasen arteko harreman berriaren ondorioz.
Erresuma Batuko Justiziak legez kanpokotzat jo du Palestine Action taldea debekatu izana
Londresko Auzitegi Goreneko hiru epaileek adierazi dutenez, 2020an sortutako taldeak protestak egiteko "delituzko metodoak" erabiltzen baditu ere, bere taktikek ez dute legean ezarritako baremoa betetzen terrorista gisa sailkatu ahal izateko. Betoa indarrean sartu zenetik, 2.700 pertsona baino gehiago atxilotu dituzte Palestine Actioni babesa emateagatik. Horietako asko adinekoak dira, eta babesa adierazteko pankarta bat eramate hutsagatik atxilotu dituzte.
Nils eta Oriana ekaitzek kalte handiak eragin dituzte Europa hegoaldean
Azken orduetan Nils eta Oriana ekaitzek uholdeak, 150 km/h-tik gorako haize-boladak eta milaka pertsona argindarrik gabe utzi dituzte Europa hegoaldean. 2026. urtea hasi denetik inpaktu handiko bederatzi ekaitz iritsi dira Europara.
Trumpek bertan behera utzi du berotegi-efektuko gasen emisioa mugatzen zuen Obamaren irizpena
AEBko presidenteak adierazi duenez, "ibilgailu berri baten batez besteko prezioa ia 3.000 dolar murriztuko du".
"Araudia sinplifikatzea" aztertzen ari da EB, ekonomia suspertzeko
Ursula von der Leyen Europako Batzordeko presidenteak agindu du "araudia sinplifikatzeko ahalegina" egingo dutela, baina, aldi berean, beharrezkotzat jo du herrialde bakoitzak bere lege prozedurak arintzea.
Lotsa bortxatzaileek sentitu behar dutela esan du Gisele Pelicotek epaiketa ondoren emandako lehen elkarrizketan
Xabier Ormazabal Parisko korrespontsalak Pelicotek emandako elkarrizketa jarraitu du. Ez da damutzen epaiketa ateak zabalduta egiteaz eta lotsa bere bortxatzaileek sentitu behar dutela dio. Asteartean 'Eta bizipoza' liburua kaleratuko du.
Minnesotako immigrazio agenteen hedapen masiboaren amaiera iragarri du Trumpen Gobernuak
Tom Homan Donald Trump presidentearen "mugako tsarra" deiturikoak baieztatu egin du estatuan zabaldutako operatibo bereziak atzera egingo duela pixkanaka, gobernadorearen oposizioaren eta bizilagunen mobilizazioen ondotik.