Paramountek Warner Bros erosteko 108.400 milioiko eskaintza oldarkorra egin du, eta Netflixen eskaintza gainditu
Ostiralean jakinarazi zen Netflixek Warner Bros. Discovery erosi zuela 82.700 milioi dolarren truke, eta astelehen honetan Paramount Skydancek eskaintza gainditzen duen EEP oldarkorra aurkeztu du.
Paramount Skydancek Warner Bros. Discovery (WBD) erosteko eskaintza publiko oldarkorra aurkeztu du astelehen honetan, akziodunei eskaintza zehatz hau eginda: akzioko 30 dolar, eskudirutan. Enpresak 108.400 milioi dolarretan baloratu du eskaintza, Netflixek WBD erosteko egindako proposamenaren gainetik.
Paramount Skydancen zuzendari exekutiboak, David Ellisonek, honela azaldu du operazioa: "Abenduaren 1ean eskaintza egin genion zuzendaritza batzordeari WBD erosteko. Elkarrizketa izan genuen David Zaslav WBDren zuzendari exekutiboarekin. Zaslavek hainbat zalantza zituela heralazi zigun. Guk, abenduaren 4an, horietako bakoitzari erantzuten zion eskaintza bat bidali genuen, sinatu zuten eskaintza baino hobea", azaldu du Ellisonek CNBCn egindako elkarrizketa batean.
Ellisonen arabera, gaurko eskaintza honelakoa da: "akzioko 30 dolar, dena eskudirutan, 42.000 milioi dolarrekoa kapitalean, Ellison familiaren eta RedBirden babesarekin, eta 54.000 milioi dolarrekoa zorretan, Citi, Bank of America eta Apolloren konpromisoarekin".
Gogoan izan behar da Netflix plataformak joan den ostiralean iragarri zuela 83.000 milioi dolarreko eskaintza aurkeztu zuela WBDren zati handi bat erosteko, eta bi konpainien administrazio kontseiluek onartu dute akordioa.
Horren aurren, ordea, "Paramountek Netflixen kontraprestazioak baino 18.000 milioi dolar gehiago ematen dizkie akziodunei eskudirutan", esan du astelehen honetan Paramountek, ohar bidez, eta bere eskaintzarekin akziodunei zuzentzen zaiela gaineratu du, WBDren administrazio-kontseilua "proposamen apalago bat hartzekotan" dagoelako, eta horrek "erregulazioa onartzeko prozesu zail bat" ekarriko lukeelako.
"Wall Streeten gaude, eta eskudirua da errege. Akziodunei gaur egun Netflixekin duten akordioa baino 17.600 milioi dolar gehiago eskaintzen ari gatzaizkio, eta gure eskaintza zertan den ikusten dutenean, alde bozkatuko dutela uste dugu", gaineratu du Ellisonek.
Gaurko albistearen ondoren, Paramount Skydanceren akzioak % 5,5 baino gehiago igo dira, WBDrenak ia % 6, eta Netflixenak, berriz, % 4,5 baino gehiago jaitsi dira.
Ellisonek ohartarazi du Netflixen eta WBDren arteko akordioak kalte egin diezaiokeela Hollywoodi, Netflixek 310 milioi harpidedun global baititu: "Lehen streamerra eta hirugarrena konbinatuz gero, aurrekaririk gabeko merkatu boterea duen konpainia bat sortuko litzateke, 400 milioi harpidedun baino gehiagokoa. Hurrengo lehiakiderik handienak, Disneyk, 200 milioi baino harpidedun gutxixeago ditu. Hori txarra da Hollywoodentzat, sortzaile komunitatearentzat eta kontsumitzaileentzat ".
Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.