Zelenskik Europako buruzagiekin hitz egiten jarraitzen du, Trumpekin bildu aurretik
Ursula von der Leyen Europako Batzordeko buruak telefono bidez hitz egingo du gaur Zelenskirekin eta Trumpekin.
Ukrainako gerrari amaiera emango dion akordio bat lortzeko hizketan segitzen dute Ukrainak, AEBk eta Errusiak. Volodomir Zelenski Ukrainako presidentea Donald Trump AEBko presidentearekin batzartuko da bihar, Floridan.
Europako buruzagi batzuek Trumpekin eta Zelenskirekin hitz egingo omen dute datozen orduotan.
Ursula von der Leyen Europako Batzordeko buruak telefonoz hitz egingo du gaur Zelenskirekin eta Trumpekin. Europako beste buruzagi batzuek ere parte hartuko dute elkarrizketa horretan, AEBko eta Ukrainako buruzagiek adostutako 20 puntuko bake plana oinarri hartuta.
AEBko komunikabide batzuek adierazi dutenez, Trumpen esanetan, Ukrainak ez du bake akordiorik izango bere oniritzirik gabe.
Kommersant Kremlinen gertuko egunkariak zabaldutakoaren arabera, Putin presidentea prest legoke kontrolpean duen lurraldearen zati bat Ukrainarekin trukatzeko, betiere, Donbass osoa Errusiak bereganatzekotan.
Donbassen inguruko tirabirak izan dira mingarrienak bake elkarrizketetan ukrainarrentzat, oraindik euren kontrolpean dagoen Donetsk probintziaren zati bat, % 20 inguru, Errusiaren esku uztea ekarriko lukeelako.
AEBk eta Kievek adostutako 20 puntuko bake planaren arabera, eremu horretan eremu desmilitarizatua sortzea aurreikusten dute, eta Ukrainak onartu egingo luke, baina oraindik ez dago argi hori nola gauzatu eta bermatuko litzatekeen.
Planak jasotzen duenez, Zaporizhiako zentral nuklearra Errusiak, Ukrainak eta AEBk kudeatuko lukete, eta Ukrainak 800.000 soldaduko armada eta NATOren kide izatearen pareko segurtasun bermeak izango lituzke.
Bitartean, erasoek ez dute etenik. Kiev hiriburuan, erasoaldi handi bat egin du gaur gauean Errusiak. Misilak jaurti dituzte eta hainbat leherketa entzun dira bertan, Ukrainako Armadak jakinarazi duenez.
Zure interesekoa izan daiteke
AEBetako bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.
AEBk Hego Korearekin ariketa militar bateratuak murriztuko dituela iragarri du Trumpek
Estatu Batuetako presidenteak igande honetan iragarri duenez, Seulek Iranen aurkako gerrarekin bat egiteari uko egin duelako eta Kim Jong Un buruzagi iparkorearrarekin duen "harreman bikaina" duelako hartu du erabakia.
Landetako azken sutea kontrolatzea lortu dute, eta ebakuatuetako batzuk etxera itzuli ahal izango dute
Landetako prefekturako idazkari nagusiak ohartarazi duenez, baina, "sua kontrolatua egoteak ez du esan nahi itzalita dagoenik; beraz, oso erne egon behar dugu".
Bere jarrera "defentsiboa" "erasokorra" izango dela esan du Iranek eta "ezustekoak" iragarri ditu
"AEBetako indar erasotzaileetako kide bat harrapatzen edo hiltzen duen edonork 30.000 dolar (21.500 euro inguru) edo 5.000 milioi rial irandar jasoko ditu", iragarri du Hatami generalak IRNA albiste agentziak jasotako adierazpenetan.
Hamar palestinar zauritu dituzte, bi tiroz, Israelgo kolonoek Zisjordanian egindako beste erasoa batean
Aita Santuak "Zisjordaniako populazio zibil palestinarraren aurkako indarkeriak bertan behera uztea" eskatu du, eta nazioarteko komunitateari premiaz eskatu dio "bi Estatuen konponbidea aurrera eraman dezatela, bake justu eta iraunkor baterako".
Gazan "gauero 30-40 pertsona hiltzeko" deia egin du Ben Gvir Israelgo ministroak
"Uste dut hilketa selektiboak egin beharko liratekeela Gazan, gauero 30-40 pertsona desagerraraziz. Ez soilik berehalako mehatxua direnak; badira han bizitzea merezi ez duten pertsonak. Ez lukete bizi behar. Ez dira pertsonak ere", esan du Segurtasun ministroak.
Landetako suteak hobera egin du, baina oraindik ez dute kontrolpean
Suak 1.700 hektareari eragin dio jada eta 550 suhiltzaile inguru ari dira itzaltzeko lanetan. 650 lagun atera behar izan dituzte euren etxeetatik eta kanpingetatik eta 50 pertsonak gaur gauean itzultzeko baimena jaso dute.