Trumpek dio AEBren esku geratu dela Venezuela Maduroren "ordezko egoki bat" aurkitu arte
"Herrialde hori zuzenduko dugu trantsizio segurua, egokia eta zentzuzkoa egin bitartean. Hau da, ez dugu nahi Maduro edozeinek ordezkatzea eta azken urteetan izan dugun egoera errepikatzea", esan du Floridan duen egoitzatik emandako prentsaurrekoan.
Donald Trump AEBko presidentea, prentsaurrekoan.
AEBko presidente Donald Trumpek larunbat honetan adierazi duenez, AEBk Venezuelaren kontrola hartuko du "trantsizio segurua eta egokia" izan arte.
"Herrialde hori zuzenduko dugu trantsizio segurua, egokia eta zentzuzkoa izan bitartean. Hau da, ez dugu nahi Maduro edozeinek ordezkatzea eta azken urteetan izan dugun egoera errepikatzea", esan du Floridan duen egoitzatik emandako prentsaurrekoan.
Trumpek ez du zehaztu nola gobernatu nahi duen Venezuelan, ezta zenbat denboraz ere, baina "Venezuelako herri handiarentzat bakea, askatasuna eta justizia" nahi dituela adierazi du.
Halaber, AEBko petrolio enpresak Venezuelara iritsiko direla eta bertan "milaka milioi dolar" xahutuko dituztela esan du, "oso kaltetuta dagoen petrolio azpiegitura konpondu eta herrialdearentzat dirua irabazten hasteko".
Fox News telebista-katean egin dioten elkarrizketan, bestalde, Trumpek adierazi du Venezuelako oposizioko buru Maria Corina Machado Nobel saridunak boterea hartzeko aukera aztertuko duela.
Handik ordu batzutara, ordea, iritzi dio "oso zaila" litzatekeela Machadorentzat kontrola hartzea, "ez baitu herrialdearen babesik".
Aurrekaririk gabeko operazio honetan, AEBko indarrak Venezuelan sartu dira, eta Nicolas Maduro presidentea eta haren emazte Cilia Flores atxilotu dituzte. New Yorkera eraman dituzte gero, han narkotrafikoagatik epai ditzaten.
"Maduroren atxiloketa abisu bat da"
Trumpek ziurtatu duenez, Maduroren aurkako operazio militarrarekin beste zenbait herrialderi ari dira abisu ematen, "AEBk duen nagusitasuna berriro zalantzan jar ez ditzaten".
Zehazki, Kolonbiako agintari Gustavo Petrori ohartarazi dio tentuz ibil dadila, "kokaina laborategiak dituelako".
Trumpek Maduroren argazki bat argitaratu du
Donald Trumpek Nicolas Maduro Venezuelako presidentearen argazki bat argitaratu du. Eskuburdinak jarrita eta begiak eta belarriak estalita dituela ageri da AEBko Armadaren ontzi batean, Kariben.
Trumpen segurtasun taldeak hartuko du Venezuelaren kontrola
Nicolas Maduro atxilotu ostean, Venezuela bere gobernuak zuzenduko duela eta trantsizio prozesuaren buruak bere segurtasun taldeko kideak izango direla adierazi du Trumpek, "Marco Rubio Estatu idazkaria barne".
Zure interesekoa izan daiteke
Bruselak telelana derrigorrez ezartzea proposatu du prezioen igoeraren eta Ormuzeko tentsioaren aurrean
Europako Batzordea energiaren eta garraioaren garestitzeari eusteko neurri sorta bat prestatzen ari da. Oraindik zirriborro bat bada ere, datorren astean aurkeztuko dute, estatu kideek berehala aplika dezaten.
Azken hamarkadetako gatazka krudel eta bortitzenetakoa bizi dute Sudanen
Hiru urte bete dira Afrikako herrialde handienean gerra hasi zenetik, baina ezkutuan egon da sarritan. Hildakoen kopuru zehatza jakiterik ere ez dago: 150.000 izan daitezkeela aipatzen da, nahiz eta askoz gehiago direla uste izan. Gosetea zabalduta dago eta milioika desplazatu eragin ditu. Urteurrenean, goi-bilera egin dute Berlinen laguntza humanitarioa bideratu eta irtenbide politikoa bilatu asmoz, baina borrokan ari diren bi aldeek ez dute parte hartu.
Iranek ohartarazi du eskualdeko merkataritza pasabideak itxiko dituela, AEBk Ormuzko blokeoa kentzen ez badu
Joan den larunbateko negoziazioak akordiorik gabe itxi ostean, Irango agintariek baieztatu dute AEBrekin mezuak trukatzen jarraitu dutela azken egunotan, Pakistan bitartekari dela.
Trumpek ez du su-etena luzatzeko asmorik, ABC katearen arabera
Donald Trump AEBko presidenteak Giorgia Meloni Italiako lehen ministroaren aurka egin du astearte honetan, Leon XIV.a aita santuaren defentsan duela gutxi esandakoagatik eta Irango gerran parte hartzeari uko egiteagatik.
Estatu Batuen eta Iranen arteko elkarrizketak bi egun barru berrekin litezkeela iradoki du Trumpek
Joan den asteburuan Islamabaden (Pakistan) negoziazioen lehen erronda akordiorik gabe itxi ostean, Etxe Zuriko maizterrak iragarri du "zerbait" gerta litekeela datozen bi egunotan.
Txina, hazkunde etengabean: Munduko fabrika izatetik, lider teknologikoetako bat izatera
Txina Irango eta Persiako golkoko beste herrialde batzuetako petrolio eta gas inportatzaile handia da. Hala ere, herrialdearen erreserbak maximo historikoetan daude, eta auto elektrikoen eta energia berriztagarrien aldeko apustuari esker, gerrak ez dio askorik eragin, momentuz. Horrela, Iran bazkide estrategikoa duen arren, Txina erantzun diplomatikoaren alde dago, epe luzerako estrategia baitarabil.
AEBren arabera, Venezuelako 150 milioi petrolio upeletik gora saldu dira Maduro harrapatu zutenetik
Chris Wrigt AEBko Energia arloko buruak esan du petrolioaren prezioek uda honetarako behera egitea "epe oso anbiziotsua" da. Aurreikusi dute Ormuzko itsasarte estrategikoan "itsas trafiko esanguratsua" lortu bitartean, energiaren prezioek "altuak" izaten jarraituko dutela.
Libano eta Israelen arteko aurrez aurreko elkarrizketak gaur hasiko dira, Washingtonen, elkarren jarrerak urrun daudela
Hezbollahren buruzagiak Libano eta Israelen arteko negoziazioak gaitzetsi ditu, Israelek 2024ko azaroan adostutako su-etenaren "klausula bakar bat ere" bete ez duela argudiatuta.
Hungariako Asanblea Nazionalaren osaera, hauteskundeen ostean
Parlamentu berriak indar kontserbadoreen eta eskuin muturrekoen pisua indartu du, nahiz eta Viktor Orban ultranazionalista agintaritzatik atera.
Nazioarteko Itsas Erakundea: "Inongo herrialdek ez du itsasarteetako joan-etorria oztopatzeko eskubiderik"
Arsenio Dominguez idazkari nagusiak kritika gogorrak egin dizkie AEBri eta Irani; alde batetik, Ormuzetik ontzien joan-etorria blokeatzeagatik, eta, bestetik, ingurutik pasatzeko bidesaria ezartzeagatik.