EBk ez du Groenlandia arriskuan ikusten, AEB herrialde aliatua delako
Europar Batasunak ziurtatu du ez duela Venezuelaren eta Groenlandiako subiranotasunaren arteko "konparaketa posiblerik" ikusten, Washington herrialde aliatua delako eta Danimarkako uharte artikoa NATOk babestua dagoelako.
"Gogorarazten dut Groenlandia AEBen aliatua dela eta, gainera, NATOren aliantzak babesten duela, eta hori oso desberdintasun garrantzitsua da. Beraz, Groenlandia erabat babesten dugu, eta ez dugu alderaketarik ikusten Venezuelan gertatu denarekin", adierazi du Paula Pinho Europako Batzordeko bozeramaileak.
Anitta Hipper EBko Atzerriko bozeramaileak ere hitz egin du gaiaren inguruan, eta "subiranotasun nazionalaren, lurralde-osotasunaren eta mugen bortxaezintasunaren printzipioen" defentsa aldarrikatu du, baita Nazio Batuen Gutunarena ere.
"Printzipio unibertsalak dira horiek, eta defendatu egingo ditugu, are gehiago Europar Batasuneko estatu kide baten lurralde-osotasuna zalantzan jartzen bada", esan du Danimarkarekin eta Groenlandiarekin elkartasunez.
AEBk uhartean sartu ez dadin EBk zerbait egingo duen galdetu ondoren, "printzipioen kontua" dela besterik ez du erantzun, eta, beraz, espero dutela Bruselako kideek, AEBi erreferentzia eginez, "subiranotasuna eta lurralde-osotasuna errespetatzea eta nazioarteko konpromisoak betetzea".
Donald Trumpek Artikoko uhartearen gaineko interesa adierazi du, segurtasun nazionaleko arrazoiak argudiatuta, "Errusiako eta Txinako itsasontziz beteta" omen dagoelako.
Bestalde, Mette Frederiksen Danimarkako lehen ministroak ohartarazi duenez, erasoa gertatuz gero "dena amaituko da".
"NATOko herrialde batek NATOko beste herrialde bati erasotzen badio, dena amaituko da. Baita gure NATO ere, eta, ondorioz, Bigarren Mundu Gerraren amaieratik eman duen segurtasuna ", esan du.
Zure interesekoa izan daiteke
Europako Batzordeak iragarri du behin-behinean aplikatuko duela EB-Mercosur akordioa
Ursula von der Leyenek gogorarazi duenez, “akordioa ezin izango da erabat burutu Europako Parlamentuak bere onespena eman arte”.
Netflixek Warner erosteko borroka utzi du Paramountek beste eskaintza bat egin ostean
Enpresak azaldu duenez, Paramounten azken eskaintza berdintzeko behar zen prezioarekin, Warner Brosekin zuen akordioa "dagoeneko ez da finantzarioki erakargarria", eta, beraz, uko egin dio aste honetan eskaintza hobetu duen Paramounten zenbateko berbera eskaintzeari.
Bill Clinton, Kongresuan ikerketa batean lekukotza ematera behartutako AEBko lehen presidente ohia
Hillary Clinton emazteak atzo egin bezala, presidente ohiak telematikoki deklaratuko du Jeffrey Epsteinekin zuen harremana argitzeko.
Pakistanek gerra deklaratu dio Afganistani, eta Kabul bonbardatu du
Bi herrialdeek informazio kontrajarria eman dute erasoen emaitzei buruz, baina biktimak ehunka dira dagoeneko.
Hillary Clintonek ukatu egin du Kongresuaren aurrean Epstein ezagutzen zuela
Bill Clinton AEBko presidente ohiaren emazteak Epstein kasua ikertzen ari den batzordeari —errepublikanoek gehiengoa dute— egotzi dio "arreta desbideratu" nahi izatea eta Donald Trump presidentearen jokabideak "estaltzea". Fokua Trumpengandik aldentzeko deitu dutela deklaratzera esan du.
Ukrainak eta AEBk bilera amaitu dute, Errusiaren parte-hartzerik gabe, gerraosteko berreraikuntzan oinarrituta
Genevako bilera hiru aldekoa izatea espero zen, errusiar ordezkaritza batekin, gatazka armatua amaitzeko moduari buruzko eztabaidetan aurrera egiteko. Hiru aldeko hurrengo bilera martxoaren hasieran izango dela aurreikusita dago.
Ipar Koreak kongresua itxi du armategi nuklearra handitzeko promesarekin
Kim Jong-unek ateak zabalik utzi ditu Washingtonekin dituen harremanak hobetzeko, betiere, AEBek Pyongang estatu nuklear gisa onartzen badute. Gainera, alderdian duen lidergoa berretsi du.
Kubak AEBtik ateratako ontzi bateko lau kide hil ditu, AEBk "helburu terroristak" zituelakoan
Marco Rubio AEBko Estatu idazkariak Kubari ohartarazi dio ikertu egingo dutela zer gertatu zen, eta horren arabera erabakiko dutela nola jokatu.
Venezuelako petrolio gordina Kubako sektore pribatuari saltzeko aukera emango du AEBk
Transakzioak baimentzeko, lehengai hori saldu eta merkaturatzeko ezarritako murrizketa batzuk bete beharko dira; esaterako, salmenten diru-sarrerak Washingtonek kontrolatutako kontu batean uztea.
Trumpek muga-zergak defendatu ditu eta migratzaileen eta demokraten aurka egin du, bi orduko hitzaldian
AEBko presidenteak historiako hitzaldirik luzeena egin, du eta duela urtebete Etxe Zurira itzuli zenetik herrialdea "handiagoa, hobea eta indartsuagoa" dela aldarrikatu du.