Trumpek Groenlandia erosi nahi du, baina ez du baztertzen lurraldea bereganatzeko indarra erabiltzea
Venezuela ahaztu gabe, Trump Groenlandiara begira jarri da berriro. Bien bitartean, Estatu Batuek gidatuko dute trantsizioa Venezuelan eta Trumpek iragarri du Delcy Rodriguezen gobernuak Estatu Batuen esku utziko dituela 30-50 milioi petrolio upel.
Nuuk, Groenlandiako hiriburua. Artxiboko argazkia: Europa Press
Donald Trump Ameriketako Estatu Batuetako presidenteak Groenlandia erosteko asmoa agertu du, Marco Rubio Estatu idazkariak hainbat kongresukiderekin egin duen saio informatibo batean baieztatu duenez.
Estatu idazkariak ez du zehaztu plana zertan datzan, baina lurraldearen kontrola hartzeko hainbat aukera aztertzen ari direla onartu du.
Etxe Zuriak bart azaldu duenez, Trumpek ez du baztertzen bere helburua lortzeko indarra erabiltzea.
Trumpen arabera, Estatu Batuek Groenlandia "behar" dute segurtasun nazionala indartzeko.
Groenlandia Danimarkaren parte da, 2009tik lurralde autonomoa bada ere. Groenlandia eta Danimarkako erakundeek orain baino lehen esana dute lurraldea ez dagoela salgai.
Ildo horretan, Groenlandiako eta Danimarkako agintariek nabarmendu dute herritarrei dagokiela herrialdearen etorkizunari buruz erabakitzea.
Mette Frederiksen Danimarkako lehen ministroak azken orduetan ohartarazi duenez, Estatu Batuek Groenlandiari eraso egiteak automatikoki ekarriko luke NATO desagertzea.
Espainia, Frantzia, Alemania, Italia, Polonia eta Erresuma Batuak babesa erakutsi diote Danimarkari, eta herrialde horietako gobernuburuek berretsi dute Groenlandiako eta Danimarkako herritarrei dagokiela beren etorkizuna erabakitzea.
Bigarren agintaldia abiatu zuenetik, Trumpek behin baino gehiagotan jarri du mahai gainean Groenlandia hartzeko aukera.
Venezuelako Gobernuak Estatu Batuen esku utziko ditu 30 eta 50 milioi petrolio upel artean
Donald Trumpek bart adierazi duenez, Delcy Rodriguez presidentea buru duen Venezuelako Gobernuak 30 eta 50 milioi petrolio upel artean utziko ditu Estatu Batuen esku.
2.800 milioi dolarreko balioa lukeen transferentzia da, Estatu Batuek Venezuelan esku hartu dutenetik dutenetik iragarritako lehen operazioa da.
Txinarekin eta Errusiarekin harremanak amaitzeko eskatu dio Trumpek Venezuelari
Trumpek Venezuelako behin-behineko presidenteari ohartarazi dionez, Txinarekin, Errusiarekin, Iranekin eta Kubarekin dituen harremanak eten beharko ditu petrolioa atera eta merkaturatu baino lehen.
Zure interesekoa izan daiteke
Israel eta Libanoren arteko 10 eguneko su-etena iragarri du Trumpek
Menia bi nazioen arteko "segurtasun eta bake akordio iraunkorra" lortzeko negoziazioak ahalbidetzera bideratuta dago. Tregoa luzatu ahal izango da negoziazioek aurrera egiten badute.
"Antisemitismo modu berriei" aurre egiteko lege-proposamenak polemika bizia eragin du Frantzian
Caroline Yadan diputatuaren ekimenak Asanblea Nazionala eta iritzi publikoa zatitu ditu. Kritikoek ohartarazi dute Israelen aurkako kritikak isilarazteko erabili daitekeela legea, besteak beste.
Repsolek Venezuelan egiten dituen operazioen kontrola berreskuratu du, eta gehiago ekoizteko baldintzak hitzartu ditu
Repsolen Venezuelako ekoizpena 45.000 upel gordin ingurukoa da gaur egun, batez ere Petroquiriquire petrolio-hobian. Konpainia prest dago petrolioaren ekoizpen gordina % 50 handitzeko 12 hilabeteko epean.
Libanoko presidenteak funtsezkotzat jo du Israelek atzera egitea su-etena ahalbidetzeko
Bi aldeen arteko liskar armatuek 2.000 hildako inguru eta milioi bat desplazatu baino gehiago utzi dituzte jada. Netanyahuren Gobernuak eraso armatuak justifikatzeko azaldu du talde islamistak koheteak jaurtitzen dituela.
Bruselak telelana derrigorrez ezartzea proposatu du, prezioen igoeraren eta Ormuzeko tentsioaren aurrean
Europako Batzordea neurri sorta bat prestatzen ari da prezioen igoerari aurre egiteko. Oraindik zirriborroa bada ere, datorren astean aurkeztuko dute, estatu kideek berehala aplika dezaten.
Azken hamarkadetako gatazka krudel eta bortitzenetako bat bizi dute Sudanen
Hiru urte bete dira Afrikako herrialde handienean gerra hasi zenetik, baina ezkutuan egon izan da. Ez dao¡go hildakoen kopuru zehatza jakiterik: 150.000 izan daitezke, baina kopurua askoz handiagoa izan liteke. Gosete latza dago han, eta milioika desplazatu eragin ditu. Urteurrenean, goi-bilera egin dute Berlinen laguntza humanitarioa bideratu eta irtenbide politikoa bilatzeko asmoz, baina borrokan ari diren bi aldeek ez dute parte hartu.
Iranek ohartarazi du eskualdeko merkataritza pasabideak itxiko dituela, AEBk Ormuzko blokeoa kentzen ez badu
Joan den larunbateko negoziazioak akordiorik gabe itxi ostean, Irango agintariek baieztatu dute AEBrekin mezuak trukatzen jarraitu dutela azken egunotan, Pakistan bitartekari dela.
Trumpek ez du su-etena luzatzeko asmorik, ABC katearen arabera
Donald Trump AEBko presidenteak Giorgia Meloni Italiako lehen ministroaren aurka egin du astearte honetan, Leon XIV.a aita santuaren defentsan duela gutxi esandakoagatik eta Irango gerran parte hartzeari uko egiteagatik.
Estatu Batuen eta Iranen arteko elkarrizketak bi egun barru berrekin litezkeela iradoki du Trumpek
Joan den asteburuan Islamabaden (Pakistan) negoziazioen lehen erronda akordiorik gabe itxi ostean, Etxe Zuriko maizterrak iragarri du "zerbait" gerta litekeela datozen bi egunotan.
Txina, hazkunde etengabean: Munduko fabrika izatetik, lider teknologikoetako bat izatera
Txina Irango eta Persiako golkoko beste herrialde batzuetako petrolio eta gas inportatzaile handia da. Hala ere, herrialdearen erreserbak maximo historikoetan daude, eta auto elektrikoen eta energia berriztagarrien aldeko apustuari esker, gerrak ez dio askorik eragin, momentuz. Horrela, Iran bazkide estrategikoa duen arren, Txina erantzun diplomatikoaren alde dago, epe luzerako estrategia baitarabil.