Hamar danimarkarretik lauk uste dute Trumpek Groenlandia inbadituko duela
Bien bitartean, Trumpek esan du AEBk "zerbait" egingo duela Groenlandiarekin: "Onean egiten ez badugu, txarrean egingo dugu".
Danimarkako hamar herritarretik ia lauk uste dute AEBk Groenlandiako lurralde autonomoa inbadituko duela Donald Trump presidente den bitartean, Voxmeterrek Ritzau agentziak eskatuta egindako inkesta baten arabera.
Zehazki, galdetutakoen % 38k uste dute AEBk indarrez hartuko duela Artikoko uhartearen kontrola.
Donald Trump presidente delarik AEBk Groenlandia inbadituko duen galdetuta, "ziur baietz" esan dute galdetutakoen % 10ek, eta "baietz", berriz, % 28,3k.
Aitzitik, % 28,6k hipotesi horrekin "desados" edo "erabat desados" daudela adierazi dute Danimarkako 1.005 biztanleri urtarrilaren 6a eta 9 bitartean egindako inkestan.
Trumpek ostiralean esan zuen ez duela onartuko "Errusiak edo Txinak Groenlandia okupatzea", eta Danimarkako lurralde autonomoarekin "zerbait egitea" erabaki duela, "onean edo txarrean".
AEBko presidenteak uste du Washingtonek uhartea kontrolatu behar duela "segurtasun arrazoiak" direla-eta, "oraintxe bertan Groenlandia inguruan errusiar destruktoreak daudelako, txinatar destruktoreak daudelako eta, gainera, errusiar itsaspekoak daudelako nonahi".
Gainera, Danimarkak lurraldearen gainean duen subiranotasuna zalantzan jarri zuen, Eskandinaviako herrialdea miresten duela aitortu arren: "Duela 500 urte han itsasontzi batekin lehorreratzeak ez du esan nahi lur horren jabe direnik".
Groenlandian, baina, ez dago AEBren parte bihurtzeko interesik.
Ostiral gauean, Groenlandiako Parlamentuko bost alderdiek komunikatu bateratu bat argitaratu zuten, Groenlandiaren etorkizuna Groenlandiako herriak erabaki behar duela esanez.
"Ez dugu estatubatuarrak izan nahi, ez dugu danimarkarrak izan nahi, groenlandiarrak izan nahi dugu", aldarrikatu zuten bost alderdi politiko horien ordezkariek. "Gure herrialdearen etorkizuna geuk erabaki behar dugu, erabaki azkar bat hartzeko presiorik gabe, atzerapenik gabe edo beste herrialde batzuen interferentziarik gabe".
Zure interesekoa izan daiteke
Israel eta Libanoren arteko 10 eguneko su-etena iragarri du Trumpek
Menia bi nazioen arteko "segurtasun eta bake akordio iraunkorra" lortzeko negoziazioak ahalbidetzera bideratuta dago. Tregoa luzatu ahal izango da negoziazioek aurrera egiten badute.
"Antisemitismo modu berriei" aurre egiteko lege-proposamenak polemika bizia eragin du Frantzian
Caroline Yadan diputatuaren ekimenak Asanblea Nazionala eta iritzi publikoa zatitu ditu. Kritikoek ohartarazi dute Israelen aurkako kritikak isilarazteko erabili daitekeela legea, besteak beste.
Repsolek Venezuelan egiten dituen operazioen kontrola berreskuratu du, eta gehiago ekoizteko baldintzak hitzartu ditu
Repsolen Venezuelako ekoizpena 45.000 upel gordin ingurukoa da gaur egun, batez ere Petroquiriquire petrolio-hobian. Konpainia prest dago petrolioaren ekoizpen gordina % 50 handitzeko 12 hilabeteko epean.
Libanoko presidenteak funtsezkotzat jo du Israelek atzera egitea su-etena ahalbidetzeko
Bi aldeen arteko liskar armatuek 2.000 hildako inguru eta milioi bat desplazatu baino gehiago utzi dituzte jada. Netanyahuren Gobernuak eraso armatuak justifikatzeko azaldu du talde islamistak koheteak jaurtitzen dituela.
Bruselak telelana derrigorrez ezartzea proposatu du, prezioen igoeraren eta Ormuzeko tentsioaren aurrean
Europako Batzordea neurri sorta bat prestatzen ari da prezioen igoerari aurre egiteko. Oraindik zirriborroa bada ere, datorren astean aurkeztuko dute, estatu kideek berehala aplika dezaten.
Azken hamarkadetako gatazka krudel eta bortitzenetako bat bizi dute Sudanen
Hiru urte bete dira Afrikako herrialde handienean gerra hasi zenetik, baina ezkutuan egon izan da. Ez dao¡go hildakoen kopuru zehatza jakiterik: 150.000 izan daitezke, baina kopurua askoz handiagoa izan liteke. Gosete latza dago han, eta milioika desplazatu eragin ditu. Urteurrenean, goi-bilera egin dute Berlinen laguntza humanitarioa bideratu eta irtenbide politikoa bilatzeko asmoz, baina borrokan ari diren bi aldeek ez dute parte hartu.
Iranek ohartarazi du eskualdeko merkataritza pasabideak itxiko dituela, AEBk Ormuzko blokeoa kentzen ez badu
Joan den larunbateko negoziazioak akordiorik gabe itxi ostean, Irango agintariek baieztatu dute AEBrekin mezuak trukatzen jarraitu dutela azken egunotan, Pakistan bitartekari dela.
Trumpek ez du su-etena luzatzeko asmorik, ABC katearen arabera
Donald Trump AEBko presidenteak Giorgia Meloni Italiako lehen ministroaren aurka egin du astearte honetan, Leon XIV.a aita santuaren defentsan duela gutxi esandakoagatik eta Irango gerran parte hartzeari uko egiteagatik.
Estatu Batuen eta Iranen arteko elkarrizketak bi egun barru berrekin litezkeela iradoki du Trumpek
Joan den asteburuan Islamabaden (Pakistan) negoziazioen lehen erronda akordiorik gabe itxi ostean, Etxe Zuriko maizterrak iragarri du "zerbait" gerta litekeela datozen bi egunotan.
Txina, hazkunde etengabean: Munduko fabrika izatetik, lider teknologikoetako bat izatera
Txina Irango eta Persiako golkoko beste herrialde batzuetako petrolio eta gas inportatzaile handia da. Hala ere, herrialdearen erreserbak maximo historikoetan daude, eta auto elektrikoen eta energia berriztagarrien aldeko apustuari esker, gerrak ez dio askorik eragin, momentuz. Horrela, Iran bazkide estrategikoa duen arren, Txina erantzun diplomatikoaren alde dago, epe luzerako estrategia baitarabil.