Gutxienez 586 lagun hil dira jada Irango protestetan eta 10.600 baino gehiago atxilotu dituzte
Islamiar Errepublikaren aurkako ekintza militarrak egitea aztertzen ari omen da Donald Trump, hainbat hedabideren arabera. Halakorik egitekotan, Israel eta AEB bera "jomuga" izango dituztela ohartarazi du Iranek.
Ehunka pertsona hil dira Iranen abenduaren 28tik herrialdean izan diren protestetan, gobernuz kanpoko hainbat erakundek bildutako datuen arabera.
Kopurua zehaztea ez da erraza, 72 ordu baitaramatza Interneterako sarbiderik gabe baina AEBetan egoitza duen HRANA gobernuz kanpoko erakundearen arabera, gutxienez 538 manifestari eta 48 segurtasun indarretako kide hil dira eta 10.600 dira atxilotuak.
Bestalde, Tasnim Irango agentziak jakinarazi duenez, asteazkenean eta ostegunean segurtasun indarretako 8 kide hil zituzten manifestariek, "su-armekin eraso eginda". Horren arabera, Gobernuko zenbait iturrik baieztatu diote "talde terroristetako" 200 buruzagi inguru atxilotu, eta "munizio, arma, granada eta molotov koktel ugari" atzeman dituztela.
Krisi ekonomiko latza dago Iranen, eta egoera horren aurrean protesta egiteko, milaka gazte kalera atera ziren urte amaieran. Egunek aurrera egin ahala, kutsu politiko handiagoa hartu dute mobilizazioek.
Irango Gobernuak hiru dolu egun deitu ditu protestetan hildakoen alde, eta manifestazio handi bat ere deitu du astelehen honetarako, "hiriko terrorista kriminalak" gaitzesteko.
Bestalde, Antonio Guterres NBEko idazkari nagusiak salatu du Irango segurtasun indarrek "gehiegizko indarra" erabili dutela azken egunetako protestak zapaltzeko, eta "ahalik eta gehien neurtzeko" eskatu du.
AEB ekintza militarrak egiteko gertu, zenbait komunikabideren arabera
Donald Trump AEBko presidentea Iranen aurkako ekintza militarrak egitea aztertzen ari da, Irango Gobernuak errepresioa gogortu duela eta.
Antza, eraso horien inguruan mintzatu da hainbat arduradunekin, eta, besteak beste, bonbardaketak aipatu ditu. "Ez da behin betiko erabakirik hartu", esan diete AEBko Gobernuaren gertuko iturriek Axios, The New York Times, The Wall Street Journal eta The Washington Post egunkariei.
Ingurumari horretan, Mohamed Baqer Qalibaf Irango Parlamentuko presidenteak ohartarazi du "bai lurralde okupatuak (Israel)" eta AEB "helburu legitimoak" izango direla, AEBk Iranen aurkako eraso bat egiten badu.
Masud Pezeshkian Irango presidenteak esan du "etsaiek" (Israel eta AEB) "terrorista trebatuak" eraman dituztela herrialdera, giroa gaiztotzeko. Horren hitzetan, bere gobernuak "entzun" ditu manifestarien aldarriak, eta "ahal duen guztia" egin du arazo ekonomikoak konpontzeko, baina bereizi egin ditu manifestari horiek eta "istiluak" eragiten ari diren "zalapartariak eta terroristak".
Irango protesten aldeko mobilizazioak, Europan zehar
Milaka pertsona atera dira kalera Parisen, baita Lisboan eta Londresen ere. Erresuma Batuko hiriburuan Irango enbaxadaren aurrean bildu dira eta bandera kendu dute.
Bestalde, Frantziak, Alemaniak eta Erresuma Batuak Irango protestetan izandako heriotzak gaitzetsi dituzte.
Zure interesekoa izan daiteke
Clintonek dio ez zekiela ezer Epsteinen delituei buruz eta ez zuela "ezer txarrik" egin
Hillary Clinton emazteak atzo egin bezala, presidente ohiak telematikoki deklaratu du Jeffrey Epsteinekin zuen harremana argitzeko. Kongresuan ikerketa batean lekukotza ematera behartutako AEBko lehen presidente ohia da.
Pakistanek gerra deklaratu dio Afganistani, eta Kabul bonbardatu du
Bi herrialdeek informazio kontrajarria eman dute erasoen emaitzei buruz, baina biktimak ehunka dira dagoeneko. Talibanen Gobernuak ziurtatu du, edozein erasori aurre egiteko prest dauden arren, beren azken helburua dela Pakistanekin duten krisiaren inguruan negoziatzea eta konponbide bat bilatzea. Handik ordu gutxira, baina, beste erasoaldi bat abiatu dute.
Europako Batzordeak iragarri du behin-behinean aplikatuko duela EB-Mercosur akordioa
Ursula von der Leyenek gogorarazi duenez, “akordioa ezin izango da erabat burutu Europako Parlamentuak bere onespena eman arte”.
Netflixek Warner erosteko borroka utzi du Paramountek beste eskaintza bat egin ostean
Enpresak azaldu duenez, Paramounten azken eskaintza berdintzeko behar zen prezioarekin, Warner Brosekin zuen akordioa "dagoeneko ez da finantzarioki erakargarria", eta, beraz, uko egin dio aste honetan eskaintza hobetu duen Paramounten zenbateko berbera eskaintzeari.
Hillary Clintonek ukatu egin du Kongresuaren aurrean Epstein ezagutzen zuela
Bill Clinton AEBko presidente ohiaren emazteak Epstein kasua ikertzen ari den batzordeari —errepublikanoek gehiengoa dute— egotzi dio "arreta desbideratu" nahi izatea eta Donald Trump presidentearen jokabideak "estaltzea". Fokua Trumpengandik aldentzeko deitu dutela deklaratzera esan du.
Ukrainak eta AEBk bilera amaitu dute, Errusiaren parte-hartzerik gabe, gerraosteko berreraikuntzan oinarrituta
Genevako bilera hiru aldekoa izatea espero zen, errusiar ordezkaritza batekin, gatazka armatua amaitzeko moduari buruzko eztabaidetan aurrera egiteko. Hiru aldeko hurrengo bilera martxoaren hasieran izango dela aurreikusita dago.
Ipar Koreak kongresua itxi du armategi nuklearra handitzeko promesarekin
Kim Jong-unek ateak zabalik utzi ditu Washingtonekin dituen harremanak hobetzeko, betiere, AEBek Pyongang estatu nuklear gisa onartzen badute. Gainera, alderdian duen lidergoa berretsi du.
Kubak AEBtik ateratako ontzi bateko lau kide hil ditu, AEBk "helburu terroristak" zituelakoan
Marco Rubio AEBko Estatu idazkariak Kubari ohartarazi dio ikertu egingo dutela zer gertatu zen, eta horren arabera erabakiko dutela nola jokatu.
Venezuelako petrolio gordina Kubako sektore pribatuari saltzeko aukera emango du AEBk
Transakzioak baimentzeko, lehengai hori saldu eta merkaturatzeko ezarritako murrizketa batzuk bete beharko dira; esaterako, salmenten diru-sarrerak Washingtonek kontrolatutako kontu batean uztea.
Trumpek muga-zergak defendatu ditu eta migratzaileen eta demokraten aurka egin du, bi orduko hitzaldian
AEBko presidenteak historiako hitzaldirik luzeena egin, du eta duela urtebete Etxe Zurira itzuli zenetik herrialdea "handiagoa, hobea eta indartsuagoa" dela aldarrikatu du.