Danimarkak iragarri du presentzia militarra indartuko duela Groenlandian, NATOko aliatuekin
Gogorarazi du iazko udan handitu egin zutela uhartean zuen presentzia, hainbat ekimenekin; besteak beste, Aliantzako lau herrialderekin egindako maniobrak aipatu ditu.
Artikoko tentsioen gorakadaren ondorioz, Danimarkako Defentsa Ministerioak iragarri du Groenlandiako presentzia militarra eta maniobrak areagotuko dituela asteazken honetatik aurrera, NATOko aliatuekin elkarlanean.
"Helburua da Artikoko baldintza berezietan jarduten trebatzea eta Aliantzak Artikoan duen gaitasuna indartzea, Europako zein Atlantikoaz gaindiko segurtasunaren mesedetan", adierazi du Defentsak, ohar bidez. Gainera, uhartean eta inguruan "hegazkin, itsasontzi eta soldadu, baita NATOren aliatuak ere", gehiago egongo direla gaineratu du.
Aurten egingo dituzten jardueren artean, gizartearentzako funtsezkoak diren instalazioak babestea, agintariei (Polizia barne) laguntzea, tropa aliatuak hartzea, ehiza-hegazkinak hedatzea eta Itsas Armadarako zeregin militarrak aipatu dituzte Danimarkako agintariek.
Artikoko Komandoak (Danimarkako Groenlandia eta Faroe uharteetako lurralde autonomoen defentsaren arduraduna) "etengabe emango die jardueren berri groenlandiarrei, eta hartu-eman estua izango du Groenlandiako agintari eta aktore garrantzitsuekin".
Defentsak gogorarazi du iazko udan handitu egin zuela bere presentzia uhartean, hainbat ekimenekin eta, besteak beste, NATOko beste lau herrialderekin (Frantzia, Norvegia, Suedia eta Alemania) egindako maniobrak aipatu ditu.
"Artikoko segurtasuna funtsezkoa da Danimarkako Erresumarentzat eta gure aliatuentzat, eta horregatik da garrantzitsua eskualdean gure aliatuekin batera jarduteko gaitasuna are gehiago indartzea", adierazi du Troels Lund Poulsen Danimarkako Defentsa ministroak, komunikatu batean.
Danimarkak 6.000 milioi euro inguruko (Danimarkako 42.000 milioi koro) partida iragarri du azken urtean, Groenlandiako defentsa zuzenean indartzeko, itsasontzi, satelite eta drone gehiagorekin, besteak beste.
Danimarkako Defentsa ministroak asteartean berretsi zuenez, Kopenhage prest dago Artikoan presentzia militarra handitzeko. Izan ere, AEBk aurpegiratu dio Errusiaren eta Txinako ontzien presentzia gero eta handiagoa dela.
Europako hainbat herrialdek, Erresuma Batua eta Alemania buru direla, NATOk uhartean duen presentzia handitzeko aukera aztertzen ari direla esan dute aste honetan, Donald Trump AEBko presidentea lasaitzen saiatzeko.
Lars Løkke Rasmussen Danimarkako Atzerri ministroa eta Vivian Motzfeldt Groenlandiako haren homologoa Etxe Zurian bilduko dira asteazken honetan AEBko Estatu idazkariarekin, Marco Rubiorekin. Anfitrioia JD Vance presidenteordea izango da.
Zure interesekoa izan daiteke
Ukrainak eta Errusiak hiru egunez etengo dituzte erasoak, AEBko ordezkaritzaren bisita amaitu arte
AEBko ordezkariak, Steve Witkoff eta Jared Kushner, larunbat goizean iritsi dira Moskura, AEBko hegazkin militar berezi batean. Kremlinekin harremanetan jartzea eta, aurreikuspenen arabera, Ukrainako gerrari amaiera emateko proposamen bat aurkeztea dute helburu.
Nolakoa da NBEk planteatzen duen munduko mapa berria?
Nazio Batuen Erakundearen Batzar Nagusiak erabaki du mapamundiaren egungo diseinua erabiltzeari uztea kontinenteen tamainarekiko leialagoa den beste bat erabiltzen hasteko. Mapa berrian, adibidez, Afrika handiagoa izango litzateke.
Bizirik erreskatatu dituzte Nepalgo tunel batean harrapatuta geratu ziren bi langile, eta bizirik gehiago daudela esan dute
Uholdeak gertatu eta hamar egunera, bi gizonak tunelaren sarreratik 170 metrora aurkitu dituzte, erreskate taldeek barrutik zetozen ahotsak entzun ostean. Familien ustez, "miraria" izan da.
Mileik zigorrak iragarri ditu Malvinetan lan egiten duten enpresentzat eta base militar berri bat Suaren Lurraldean
Argentinako presidenteak artxipelagoaren inguruko estrategia gogortu du, eta Donald Trumpek gai horretan AEBren orain arteko neutraltasuna berrikustea proposatu du; Erresuma Batuak, bere aldetik, berretsi du uhartedi horrekin duen konpromisoa "erabatekoa eta mugiezina" dela.
Gloria Steinem ikono feminista hil da, 92 urte zituela
Idazle eta kazetariak bularreko minbizia izan zuen 80ko hamarkadan, eta 2021ean Komunikazio eta Giza Zientzien Asturiasko Printzesa Saria irabazi zuen Espainian.
Nepal, astebete geroago: 1.250 hildako eta 4.200 lagun baino gehiago agertu barik
Nepalgo Poliziak odol eta DNA laginak eskatu dizkie desagertuen senideei, ehunka gorpu identifikatzeko.
Von der Leyenek eta Ruttek "presio handiagoa" egingo diote Moskuri Leipzigeko erasoaren ostean
Europako Batzordearen presidenteak uste du horrelako gertakariak "normaltasun berria" direla, eta europarrek "aurrerapausoa ematea" eskatzen dutela.
Zelenskik ohartarazi du Errusiako aire-espazioa "oso arriskutsua" dela hegazkinentzat
Ukrainako presidenteak adierazi du Errusiako aire-espazioa de facto itxiko dela; izan ere, drone bidezko erasoak areagotu egin dira eta ezin da segurtasuna bermatu. Bien bitartean, hogeita zazpiak eguerdian bilduko dira erantzun bateratu bila, Moskuk Alemaniako aireportu batean atzo egindako "sabotaje-saiakera" dela eta.
Bruselaren arabera, ez dago frogarik Ceutako krisia atzerriko aktore estatalen desinformazioak eragin zuela ziurtatzeko
Hala ere, Errusiak sare sozialetan krisia dela eta probetxua ateratzeko saiakerak egin dituela atzeman duela baieztatu du erakundeak.
Alemaniak Errusia jo du Leipzigeko aireportuaren aurkako erasoaren erantzuletzat
Aireportu hori armak bidaltzeko gune neuralgikoa da, Ukrainako gerrarekin lotutakoak barne.