Danimarkak eta AEBk "goi mailako lantalde bat" eratu dute, Groenlandiari buruzko "desadostasunak bideratzeko"
Estatu Batuetako, Danimarkako eta Groenlandiako ordezkaritzen arteko bilera akordiorik gabe amaitu da, arratsaldean, Etxe Zurian.
Lars Løkke Rasmussen (Danimarka) eta Vivian Motzfeldt (Groenlandia), gaur, Etxe Zurian. Argazkia: EFE
Groenlandiaren etorkizunerako bilera erabakigarria izan da gaur Ameriketako Estatu Batuetan. Danimarkako, Groenlandiako eta AEBko ordezkariak Washingtonen elkartu dira, Donald Trumpek Artikoko irla eskuratzeko duen nahiaz hitz egiteko.
Ordubete baino gutxiago bilduta egon ondoren, Lars Løkke Rasmussen eta Vivian Motzfeldt Danimarkako eta Groenlandiako gobernuetako Atzerri Gaietako arduradunak, hurrez hurren, hedabideen aurrean agertu dira, hitz egindakoaren berri emateko. Rasmussenek hartu du hitza aurrena, eta esan duenez, ez da akordiorik egon, eta AEBkin dituzten "desadostasunak" bideratzeko, "goi mailako lantalde bat" eratzea adostu dute bi aldeek.
Buruzagi daniarrak azaldu du "datozen asteotan" egingo duela lehen bilera lantaldeak. "Segurtasunari buruz AEBk dituen kezkak aztertuko ditu, Danimarkak ezarritako marra gorriak errespetatuta", esan du.
Etxe Zuriko Eisenhower eraikinean egin da batzarra, eta AEBko Gobernuaren izenean, JD Vance presidenteordea eta Marco Rubio Estatu idazkaria joan dira. Segurtasun nazionalaren izenean, Trumpek Groenlandia bereganatzeko arrazoiak badituela defendatu dute estatubatuarrek.
Rasmussenen hitzetan, bi aldeen jarrerak "oso urrun" dauden arren, "elkarrizketa zintzoa eta eraikitzailea" izan da. Groenlandiaren segurtasuna "egungo legediaren barruan" bermatu behar dela zehaztu du, eta herrialde horren "autodeterminazio eskubidea" eta "Danimarkaren lurraldetasuna" errespetatzea ezinbesteko baldintzatzat jarri ditu. "Beraz, funtsezko desadostasunak izaten jarraitzen dugu, baina ados ez egotearekin ere ados gaude", erantsi du.
Bere aldetik, Groenlandiako Atzerri ministroak nabarmendu duenez, bilerak "hitz egiteko" eta "ezberdintasunei" heltzeko balio izan du. "Guztiontzat da interesgarria oreka egokia aurkitzea", esan du.
Bileraren aurretik, Trumpek Truth Social plataforman adierazi du Groenlandia AEBren "eskuetan" egonda, NATO askoz eraginkorragoa izango dela. "Hori ez den beste edozer onartezina da".
Bestalde, batzarra hasi baino lehen, baita ere, Etxe Zuriak irudi bat argitaratu du sare sozialetan. Bertan, Groenlandiari — bi txakurretan irudikatuta — aukeratzeko eskatzen dio: AEBrekin edo Errusiarekin eta Txinarekin bizi.
ESTATU BATUAK
Zergatik nahi du Trumpek Groenlandia?
Donald Trump AEBko presidenteak Groenlandia bereganatzeko duen interesaren atzean dauden arrazoiak azaldu ditu bideo honetan Mikel Reparaz EITBko nazioarteko buruak.
Zure interesekoa izan daiteke
Trumpek Espainiarekin merkataritza eteteko mehatxua egin du, Iranen gerrari buruz duen jarreragatik
El Ejecutivo español ha respondido a Trump que cumple sus compromisos con la OTAN y con la defensa europea, y le ha advertido que, si quiere revisar la relación bilateral, deberá respetar la legalidad internacional y los acuerdos entre la UE y Estados Unidos.
Sidenor auziko epaileak mediku palestinar bat onartu du biktima eta akusazio partikular gisa
Akusazio partikular horrekin, Sidenorreko hiru arduradunak kontrabando delituaz gain, genozidio delituaren, gizateriaren aurkako delituaren eta gatazka armatuan babestutako pertsonen eta ondasunen aurkako delituan konplize gisa ikertu ahal izateko baldintza beteko litzateke. Fiskalak Sidenorreko erregistroak baliogabetzeko eskatua zuen, eta kontrabandoa ez beste delituen akusazioak erretiratzea, hain zuzen ere, baldintza hori betetzen ez zelako. Ikusteko dago, orain, ikerketak zer norabide hartuko duen.
Von der Leyenek Ekialde Hurbileko krisiaren "ondorioei" aurre egiteko prest egotea eskatu dio EBri
Frantzia prest agertu da Iranen erasoen aurrean Golkoko eta Jordaniako herrialdeen defentsan parte hartzeko, eta Alemaniak, berriz, baztertu egin du Iranen aurkako erasoarekin bat egitea, eta bere tropek eskualdean duten papera autodefentsara mugatuko du.
Israelek Iranen lur azpiko kuartelei eraso die, Teheranen
Israelgo Armadaren arabera, 100 eraso baino gehiago egin ditu lurpeko kuartelen kontra, eta jaurtitzeko baseak eta misil balistikoak ere suntsitu ditu. Azpimarratu duenez, "behar beste denbora" iraungo du gerrak . Larunbatetik, 555 pertsona hil dituzte Iranen, Ilargi Gorriaren arabera.
Petrolioaren prezioak gora egin du eta gorabeherak daude itsas eta aire trafikoan, Ormuzko itsasarteko tentsioaren ondorioz
Ontzi enpresa nagusiek ez dute handik igaro nahi, eta zer gertatuko zain daude. Halaber, 3.000 hegaldi baino gehiago bertan behera utzi dituzte asteburuan, Ekialde Hurbileko gatazka lehertu denetik.
Albistea izango dira: Gatazka Iranen, Makina-Erremintaren Azoka eta martxoaren 3aren aurreko eguna
Gaurkoan Orain-en albiste izango direnen laburpena, bi hitzetan.
Hezbollak Libanotik eraso dio Israeli, eta Israelgo Armadak Beirut bonbardatu du
Donald Trump AEBko presidenteak Venezuelaren antzeko trantsizioa proposatu du Iraneraok, eta erasoaldiak "lau aste edo gutxiago" iraun dezakeela adierazi du.
EBk ohartarazi du Ekialde Hurbilak asko duela galtzeko gerra batekin, eta "moderazioa" eskatu du
Europar Batasuneko Kanpo ministroek azken orduotako erasoak salatu dituzte, eta Ormuzko itsasartean zirkulazioa etetea saihesteko eskatu dute, besteak beste.
Irango buruzagi berriekin negoziatzeko prest agertu da Trump
"Hitz egin nahi dute, eta onartu egin dut; beraz, haiekin hitz egingo dut", adierazi du telefonoz egin dioten elkarrizketa batean. Hala ere, ez du zehaztu noiz hasiko diren negoziatzen. Bestalde, Omango Atzerri ministro Badr al Busaidik ziurtatu du Irango bere kide Abas Araqchik esan diola eginahalak egingo dituela erasoak gelditzeko eta egonkortasuna berreskuratzeko"
Khameneiren ondorengoa aukeratu arte herrialdea zuzenduko duen triunbiratua osatu du Iranek
Lehen begiratuan, badirudi Alireza Arafi klerikoa Irango kupulatik eta segurtasun estamentutik urrun dagoela, baina oso inplikatuta dago klerikoen eguneroko zereginetan.