Minnesotako immigrazio agenteen hedapen masiboaren amaiera iragarri du Trumpen Gobernuak
Tom Homan Donald Trump presidentearen "mugako tsarra" deiturikoak baieztatu egin du estatuan zabaldutako operatibo bereziak atzera egingo duela pixkanaka, gobernadorearen oposizioaren eta bizilagunen mobilizazioen ondotik.
Ameriketako Estatu Batuetako Gobernua Minnesotako estatuan dauden immigrazio agente federalak erretiratzen hasi da, Etxe Zuriaren arabera, amaitzear dagoen operazio batean.
Tom Homan Donald Trump presidentearen "mugako tsarra" deiturikoak ostegun honetan iragarri duenez, agente kopuruaren "murrizketa nabarmena" abian da, eta urte hasieran aktibatutako operazio berezia amaitutzat ematea proposatu du.
Urtarrilean, Trumpen Administrazioak ICE Immigrazio eta Aduanen Kontrolerako Zerbitzuko 3.000 agente armatu inguru zabaldu zituen Minnesotan, pertsona migratzaileen deportazioak areagotzeko. Operatiboa bereziki Minneapolisen zentratu zen, estatuko hiririk garrantzitsuenean.
"Operazio berezi hau amaitzea proposatu dut, eta presidentea ados egon da", adierazi du Homanek prentsaurreko batean.
Duela astebete, arduradun federalak 700 agenteren erretiratzea aurreratu zuen. Ostegun honetan zehaztu duenez, gainerako agente asko, beste estatu batzuetatik joandakoak, datozen egunetan itzuliko dira jatorrizko helmugetara. Homanek erabakia justifikatu du, neurri batean, tokiko segurtasun indarrekin "aurrekaririk gabeko" koordinazioa dela esanez.
Tim Walz Minnesotako gobernadoreak eta estatuko beste hainbat hautetsik gogor kritikatu dituzte deportazio-operazioak eta sarekadak.
Agente federalen esku-hartzeek, askotan aurpegia estalita eta estilo militarreko kamuflaje-uniformeekin hornituta, behin eta berriz protestak eragin dituzte Minneapolisko auzoetan.
Zure interesekoa izan daiteke
NASAk apirilaren 1ean bidaliko du Artemis II misioa, tripulatutako lehen bidaia Ilargira 50 urtean
AEBko espazio agentziaren Artemis II misioa martxoan abiatzekoa zen, baina atzeratu egin zen.
Prezioen igoerari eutsi ahal izateko Errusiako petrolioa erosteko aldi baterako baimena eman du AEBk
Bestalde, Donald Trumpek ohartarazi du "su potentzia paregabea, munizio mugagabea eta denbora" dituela aurretik Iranek gidatzen duen "zabor zoroari" aurre egiteko.
700 pertsona inguru hil dira Israelek Libanon egindako erasoetan
Israelgo Gobernuak Libano "hartzeko" mehatxua egin du ostegun honetan, Hezbollahren "mehatxuari" aurre egiteko asmoz. "Bakea eta Segurtasuna agindu genien iparraldeko komunitateei, eta horixe da, hain zuzen ere, egingo duguna", azpimarratu du Israelek.
Ormuzko itsasarteak itxita jarraitu behar duela azpimarratu du Irango buruzagi goren berriak
Ormuzko itsasartea blokeaturik jarraitu behar duela esan du Mojtaba Khameneik, "etsaiari presio egiteko", inguruko ontzien aurkako erasoen ostean. "Irango indar armatuek aberria menderatzeko, eta, litekeena, zatitzeko itxaropena kendu diete etsaiei", adierazi du Khameneik.
Irango gerrak egunean 10 milioi petrolio upel galtzea eragin du, eta upelaren prezioa 100 dolarren bueltan jarri du
Energiaren Nazioarteko Agentziaren (IEA) azken txostenaren arabera, Ormuzko itsasartean itsas-trafikoa etetearen ondorioz, egunean 10 milioi upel galdu da merkatuetan. Ormuzko itsasarteko fluxua % 10 baino gutxiagora murriztu da, krisia hasi aurreko egoerarekin alderatuz gero. Izan ere, 15 milioi upel petrolio gordin igarotzen ziren egunean, eta 5 milioi upel petroliotik eratorrita produktuekin. Munduko eskaintzaren % 20 inguru.
Iranek bere gain hartu du "AEBren ontzi" baten aurka Persiar golkoaren iparraldean egin den erasoa
Gainera, Iranek bi petrolio-ontziri eta karga-ontzi bati eraso egin die Persiar golkoan, Ormuzko itsasartetik gertu. Bien bitartean, Israelgo armadak Libano bonbardatzen jarraitzen du, eta azken orduetan iragarri beste erasoaldi bat abiatuko duela Teheranen dituen helburuen aurka.
AEBk 172 milioi upel aterako dituzte beren petrolio erreserba estrategikoetatik
Ormuzko itsasartetik igarotzen ari ziren itsasontzien aurkako azken erasoen ondotik, Brent upelaren prezioa 100 dolarretik gora igo da.
Kalte-ordainak eta "berme irmoak" eskatu ditu Iranek AEBrekin eta Israelekin duen gatazka amaitzeko
Masud Pezexkian presidenteak adierazi du Teheran eskualdean bakea ezartzeko "konprometitua" dagoela, eta "autodefentsarako" eskubideaz mintzatu da.
Trumpek berriz esan du Espainiak ez duela Defentsan "laguntzen", eta merkataritza-harremana etengo duela mehatxu egin du
Donald Trump AEBko presidenteak asteazken honetan esan duenez, Espainiako Gobernuak "ez du laguntzen" Defentsaren alorrean, eta bien arteko merkataritza-harremana etengo duela mehatxu egin du berriro.
Ormuzko itsasartean misio bat egiteko baldintzak ez direla betetzen onartu du Macronek
Hala ere, azpimarratu du "antolatu" egin behar direla, inguruan dauden merkantzia-ontziei eskolta emateko.