AEBk 172 milioi upel aterako dituzte beren petrolio erreserba estrategikoetatik
Ormuzko itsasartetik igarotzen ari ziren itsasontzien aurkako azken erasoen ondotik, Brent upelaren prezioa 100 dolarretik gora igo da.
Europan erreferentzia den Brent upela 100 dolarretik gora kokatu da berriro. Argazkia: EFE
Ekialde Hurbileko gerrak eragindako petrolio krisiak bultzatuta, Ameriketako Estatu Batuek iragarri dute beren petrolio erreserba estrategikoetatik 172 milioi upel merkaturatuko dituztela.
AEBko Energia Departamentuak jakinarazi duenez, Donald Trump presidente estatubatuarrak baimena eman du datorren astetik aurrera petrolio erreserbaren zati bat merkatura ateratzeko. Chris Wright Energia idazkariaren arabera, upelak 120 egunetan zehar merkaturatuko dira gutxi gorabehera.
Bart etorri da AEBren erabakia, Energiaren Nazioarteko Agentziak (IEA) bere erreserba estrategikoetatik 400 milioi upel merkaturatuko zituela iragarri ondotik.
1973ko petrolio krisiaren ondotik Energiaren Nazioarteko Agentzia sortu zenetik, erreserbetatik ateratako inoizko kantitaterik handiena da. 2022an ere, Ukrainako gerraren hasieran, petrolio erreserbak baliatzea erabaki zuen aipaturiko agentziak.
Erasoak Ormuzko itsasartean
AEBk eta Israelek Iranen aurka abiatutako gerra Ormuzko itsasartera zabaldu da. Gatazka hasi aurretik, mundu osoan ekoitzitako petrolioaren laurden bat igarotzen zen bertatik.
Britainia Handiko itsas agintariek jakinarazi dutenez, azken orduetan bi petrolio-ontziri eta kargaontzi bati eraso egin diete. Petroliontzi barruan zihoazenak bertatik atera behar izan dituzte, baina momentuz ez dute biktimen inguruko informaziorik zabaldu.
Hori guztia dela eta, petrolioaren prezioak gora eta gora egiten jarraitzen du. Europan erreferentzia den Brent upelak 100 dolarren langa gainditu du berriro eta Texaseko upelak igoera handiekin amaitu zuen atzoko saioa.
Petrolio erreserbak merkaturatuta, prezioen igoera apaltzea eta segurtasun energetikoa indartzea lortu nahi dute.
Zure interesekoa izan daiteke
Kalte-ordainak eta "berme irmoak" eskatu ditu Iranek AEBrekin eta Israelekin duen gatazka amaitzeko
Masud Pezexkian presidenteak adierazi du Teheran eskualdean bakea ezartzeko "konprometitua" dagoela, eta "autodefentsarako" eskubideaz mintzatu da.
Espainiak defentsan "ez duela laguntzen" berretsi du Trumpek, eta merkataritza etetearekin mehatxatu du
Donald Trump AEBko presidenteak asteazken honetan berretsi duenez, Espainiako Gobernuak "ez du laguntzen" defentsaren alorrean, eta aldebiko merkataritza eteteko mehatxua egin du berriro.
Ormuzeko itsasartean misio bat egiteko baldintzak ez direla betetzen onartu du Macronek
Hala ere, azpimarratu du "antolatu" egin behar direla, inguruan dauden merkantzia-ontziei eskolta emateko.
Brent upela egonkor dago, 88 dolarrean, petrolio-erreserbak merkaturatzeko zain
The Wall Street Journal egunkariak asteazken honetan argitaratu duenez, Nazioarteko Energia Agentziak (IAE) inoizko petrolio erreserben kopuru handiena merkaturatzea proposatu du, petrolioaren prezioak murrizteko, eta IAEko herrialdeek 2022an Errusiak Ukraina inbaditu zuenean jarri zituzten 182 milioi petrolio upelak baino gehiago lirateke.
AEBren arabera, Ormuzko itsasartean minak jartzen ari ziren Irango 16 itsasontzi suntsitu dituzte
AEBko Komando Zentralak bideo bat zabaldu du, Irango ontzien aurkako erasoak ikusgai. Adierazi dutenez, operazioaren helburua da nabigazioa berriz martxan jartzea.
Tentsioa Bruselan, Von der Leyenek “jada existitzen ez den” mundu-ordenaz esandakoengatik
Erkidegoko iturriek zehaztu dutenez, bere diskurtsoaren helburua ez zen arauetan oinarritutako sistemarekiko errespetua lurperatzea, baizik eta azpimarratzea, gero eta gatazkatsuagoa den mundu honetan, EBk ezin dituela babes horiek baliatu bere interesak defendatzeko modu bakar gisa.
Gatazkaren egunik "bortitzena" bizi izan dute Iranen eta Libanon
Bonbardaketak areagotu egin dira Iranen eta Libano hegoaldean, eta, dagoeneko, 1.250 hildako zenbatu dira, gehienak zibilak. Oraingoz, aldeek ez dute negoziatzeko asmorik agertu, nahiz eta Txinak eta Errusiak gatazka baretzea eskatu duten. Bien bitartean, Trumpek adierazi du Iranek minak jarri dituela Ormuzko itsasartean eta, kendu ezean, "inoiz ikusi gabeko ondorioak" egongo direla mehatxu egin du.
Iranek heriotza-zigorra ezarriko dio etsaiari laguntzen dion orori
Iranek hedabideei eta herritarrei ohartarazi die etsaiarekin lankidetzan ibiltzeak heriotza eta ondasunak konfiskatzea dakartzala, Ameriketako Estatu Batuen eta Israelen erasoaldiaren ondoren; dagoeneko 1.200 hildako baino gehiago utzi ditu.
Trump, Kubari buruz: "Herrialdearen gaineko kontrola modu adiskidetsuan har genezake, ala ez"
AEBko presidenteak adierazi duenez, uhartean ez dute energiarik, erregairik ezta dirurik ere, eta arazo humanitario "sakonak" dituzte.