Kubak eta AEBk elkarrizketak abiatu dituzte, Trumpen mehatxuen ondoren
Aurreneko kontaktuen helburua izan da arazoak "identifikatzea", horientzako "konponbideak aurkitzea" eta "bi herrialdeen onurarako ekintzak zehaztea".
Miguel Diaz-Canel, Kubako presidentea. Argazkia: EFE
Kubak eta AEBk bi herrialdeen arteko elkarrizketak abiatu dituzte, gaur egungo krisiari "elkarrizketaren bidetik" irtenbidea bilatzeko, ostiral honetan Miguel Diaz-Canel Kubako presidenteak jakitera eman duenez.
Horren hitzetan, "Kubako funtzionarioek AEBko Gobernuko ordezkariekin elkarrizketak izan dituzte berriki. Horien helburua bi nazioen arteko aldebiko ezberdintasunei irtenbideak bilatzea izan da, elkarrizketaren bidez".
Lehen kontaktuen helburua izan da arazoak "identifikatzea", horientzako "konponbideak topatzea" eta "bi herrialdeen onurarako ekintzak zehaztea".
Era berean, Kubako buruzagiak azpimarratu du elkarrizketa honetan Habanako agintariek argi utzi dutela negoziazio prozesuan bi estatuen sistema politikoak, subiranotasuna eta autodeterminazioa errespetatuz egin behar dela.
"Elkarrekikotasuna eta Nazioarteko Zuzenbidearekiko atxikimendua kontuan hartuta aztertu da hori", Kubako presidentearen arabera, eta zabalik utzi du AEBrekin elkarlanean aritzeko aukera, "mehatxuei aurre egiteko eta bi nazioen segurtasuna eta bakea bermatze aldera, baita eskualdean ere".
Azken asteotan, AEBko presidenteak mehatxu gehiago egin ditu, besteak beste, "Kuba erori egingo da", esan baitu. Horren harian, herrialde horren kontrola "modu adiskidetsuan" hartu eta buruzagiei Venezuelaren ereduari jarraitzeko proposatu die Trumpek.
Azken asteotan petrolio gutxiago heldu zaio Kubari Venezuelatik, urtarrilaren hasieran AEBk Nicolas Maduro presidentea atxilotu ostean, operazio militar historiko batean. Krisi energetikoa areagotu egin da, Trumpek defizit hori nolabait estaltzen zuten herrialdeei zigor ekonomikoak ezartzeko mehatxua egin ostean.
Zure interesekoa izan daiteke
AEBk Errusiako petrolioaren gaineko zigorrak leuntzea kritikatu dute Europako buruzagiek
Volodimir Zelenski Ukrainako presidenteak ohartarazi du zigor horiek leuntzeak Moskuren jarrera indartzen duela, eta 10.000 milioi dolar gehiago ematen dizkiola Ukrainaren aurkako gerrarekin jarraitzeko.
NASAk apirilaren 1ean abiatuko du Artemis II misioa, 50 urten Ilargira egingo duten lehen hegaldi tripulatua
AEBko espazio agentziaren Artemis II misioa martxoan zen abiatzekoa, baina atzeratu egin zuten.
Prezioen igoerari eutsi ahal izateko Errusiako petrolioa erosteko aldi baterako baimena eman du AEBk
Bestalde, Donald Trumpek ohartarazi du "su potentzia paregabea, munizio mugagabea eta denbora" dituela aurretik Iranek gidatzen duen "zabor zoroari" aurre egiteko.
700 pertsona inguru hil dira Israelek Libanon egindako erasoetan
Israelgo Gobernuak Libano "hartzeko" mehatxua egin du ostegun honetan, Hezbollahren "mehatxuari" aurre egiteko asmoz. "Bakea eta Segurtasuna agindu genien iparraldeko komunitateei, eta horixe da, hain zuzen ere, egingo duguna", azpimarratu du Israelek.
Ormuzko itsasarteak itxita jarraitu behar duela azpimarratu du Irango buruzagi goren berriak
Ormuzko itsasartea blokeaturik jarraitu behar duela esan du Mojtaba Khameneik, "etsaiari presio egiteko", inguruko ontzien aurkako erasoen ostean. "Irango indar armatuek aberria menderatzeko, eta, litekeena, zatitzeko itxaropena kendu diete etsaiei", adierazi du Khameneik.
Irango gerrak egunean 10 milioi petrolio upel galtzea eragin du, eta upelaren prezioa 100 dolarren bueltan jarri du
Energiaren Nazioarteko Agentziaren (IEA) azken txostenaren arabera, Ormuzko itsasartean itsas-trafikoa etetearen ondorioz, egunean 10 milioi upel galdu da merkatuetan. Ormuzko itsasarteko fluxua % 10 baino gutxiagora murriztu da, krisia hasi aurreko egoerarekin alderatuz gero. Izan ere, 15 milioi upel petrolio gordin igarotzen ziren egunean, eta 5 milioi upel petroliotik eratorrita produktuekin. Munduko eskaintzaren % 20 inguru.
Iranek bere gain hartu du "AEBren ontzi" baten aurka Persiar golkoaren iparraldean egin den erasoa
Gainera, Iranek bi petrolio-ontziri eta karga-ontzi bati eraso egin die Persiar golkoan, Ormuzko itsasartetik gertu. Bien bitartean, Israelgo armadak Libano bonbardatzen jarraitzen du, eta azken orduetan iragarri beste erasoaldi bat abiatuko duela Teheranen dituen helburuen aurka.
AEBk 172 milioi upel aterako dituzte beren petrolio erreserba estrategikoetatik
Ormuzko itsasartetik igarotzen ari ziren itsasontzien aurkako azken erasoen ondotik, Brent upelaren prezioa 100 dolarretik gora igo da.
Kalte-ordainak eta "berme irmoak" eskatu ditu Iranek AEBrekin eta Israelekin duen gatazka amaitzeko
Masud Pezexkian presidenteak adierazi du Teheran eskualdean bakea ezartzeko "konprometitua" dagoela, eta "autodefentsarako" eskubideaz mintzatu da.