Israelek eta Libanok su-etena hiru astez luzatzea adostu dute
Donald Trump AEBko presidenteak iragarri du albistea, bi herrialdeetako ordezkariekin Etxe Zurian egindako bileraren ondoren. Halaber, epe laburrean Israelgo lehen ministroa eta Libanoko presidentea Washingtonen espero dituela azpimarratu du.
Donald Trump, Israel eta Libanoko ordezkariekin Etxe Zurian egin duen bileran. Argazkia: EFE
Israelen eta Libanoren arteko su-etena beste hiru astez luzatuko dela iragarri du, bart, Donald Trump Ameriketako Estatu Batuetako presidenteak, bi herrialdeetako ordezkaritza batekin Etxe Zurian egindako bileraren ostean.
Bilera ondo joan dela azpimarratu du. Halaber, "Estatu Batuek Libanorekin elkarlanean jardungo dute Hezbollahrengandik babesten laguntzeko", adierazi du sare sozialetan.
Horrez gain, epe laburrean Benjamin Netanyahu Israelgo lehen ministroa eta Joseph Aoun Libanoko presidentea Washingtonen espero dituela azpimarratu du.
Trumpek ez ezik, bileran parte hartu dute AEBko presidenteordeak, Marco Rubio Estatu idazkariak, Mike Huckabee eta Michel Issa AEBk Israelen eta Libanon dituzten enbaxadoreek eta bi herrialdeetako ordezkaritza batek.
Hezbollah eta Israelen erasoek ez dute etenik
Su-etena beste hiru astez luzatzeko akordioa iragarri arren, ikusi egin beharko da aldeek errespetatzen duten ala ez.
Azlen orduetan, Hezbollahk Israel iparraldera misilak jaurti ditu. Israelgo Armadak, berriz, Libano hegoaldea bonbardatu du.
Zure interesekoa izan daiteke
Espainia NATOtik kanporatzea proposatu du Pentagonoaren barneko mezu elektroniko batek
Zehazki, NATOko aliatu "zailak" zigortzea proposatu du, Iranen aurka egindako operazioak "nahikoa" ez babesteagatik. Sanchezek, bere aldetik, Espainiak Aliantza Atlantikoarekin erabateko kolaborazioa duela nabarmendu du. Agiri ofizialekin soilik lan egiten dutela gaineratu du, ez mezu elektronikoekin.
Ukraina EBra "lehenbailehen" batzeko eskatu die Zelenskik buruzagi europarrei
Kieverako funts europarrak desblokeatzea eskertu du Ukrainako presidenteak, bere herrialdearentzat erabaki "oso garrantzitsua" dela adieraziz.
Libanok uko egin dio Israelekin akordio batera iristeari, bere tropak hegoaldetik erabat erretiratzen ez baditu
AEBk negoziazioetan duen "funtsezko" papera nabarmendu du, eta Israelgo ordezkariei "presioa" egiteko eskatu dio Washingtoni.
EBko estatuburu eta gobernuburuak energiaz, Ormuzko blokeoaz eta Ukrainaz arituko dira, Orban gabe egingo den lehen goi-bileran
Goi-bilera antolatu dute gaur-biharretan Zipren, Europako Kontseiluko txandakako presidentetza Mediterraneoko itsasoko hirugarren uharte handienari dagokiolako. Ostiralean Ekialde Hurbileko gerra izango dute hizpide, Jordania, Siria, Libano, Egipto eta Golkoko goi-ordezkariak bertan direla.
Trumpek esan du aukera dagoela ostiralean Iranekin bake-negoziazioei berrekiteko
Asteon, Irango Gobernuak argi utzi du Estatu Batuekin berriro biltzeko prest dagoela, baina "beharrezko baldintzak" daudenean. Iran erasoei aurre egiteko "prestatua" dagoela ere esan dute bertako agintariek.
Erresuma Batuak erretzea debekatuko die 2008tik aurrera jaiotakoei
Legea datorren urtetik aurrera sartuko da indarrean, eta, horren arabera, legez kanpokoa izango da tabako-produktuak saltzea 2008. urtea ezkero jaiotakoei. Halaber, debekatu egingo da zigarro elektronikoak erretzea haurrak doazen autoetan, haur-parke, ikastetxe eta ospitaleen inguruetan.
Hainbat ontziri eraso egin diote Ormuzko itsasartean, eta areagotu egin da tentsioa
Ordu gutxitan, bi gertakari izan dira Iranen eta Omanen, Erresuma Batuko Itsas Segurtasuneko agentziak jakinarazi duenez.
Trumpek su-etena luzatu du Iranek akordiorako proposamena aurkeztu arte
Irango agintariek, bestalde, Ekialde Hurbileko eskualdean dituzten inguruko herrialdeei ohartarazi diete handik erasoak jasotzen badituzte "petrolio ekoizpena" "amaituko" dela.
?fmt=webp-alpha&qlt=80)
Europar Batasunak mahai gainean utziko du Israelekin duen elkartze akordioari buruzko eztabaida, oraingoz ez baitu ituna bertan behera uzteko adina babes
Akordioa erabat indargabetzeko beharrezkoa da hogeita zazpi kideak ados egotea; aitzitik, merkataritza-abantailak eteteko, nahikoa da gehiengo kualifikatua izatea.