AEBk petrolio-ontzi bati tiro egin dio Omanen, Irani ezarritako blokeoa urratzeagatik
Eraso honekin, dagoeneko zazpi dira AEBk "geldiarazitako" ontziak, Donald Trump AEBko presidenteak Irani itsas blokeoa ezarri zionetik.
Petrolio-ontzi bat sutan, Omanen. Argazkia: EFE
AEBko Armadak petrolio-ontzi bati tiro egin dio astelehen honetan Omango golkoan, Estatu Batuek Irani jarritako blokeoa urratzeagatik, Centcom Estatu Batuetako Komando Zentralak jakinarazi duenez.
Abraham Lincoln USS hegazkin-ontziko F/A-18 Super Hornet ehiza estatubatuarrak Palaosko bandera zeraman ontzi baten kontra "doitasunezko munizioa jaurti du" AEBko Armadaren aginduak ez betetzeagatik, Centcomek jakitera eman dutenez. Antza denez, ontziak ez du Iranera ez joateko desbideratu nahi izan.
Eraso horrekin, Donald Trump AEBko presidenteak apirilaren 13an ezarritako itsas blokeoa bete ez duten zazpi ontzi "geldiarazi" dituela jakinarazi du Centcomek. Gainera, 134 ontzi zuzendu dituela eta "laguntza humanitarioa" zeramaten 42 igaro direla ere adierazi du.
Egoera oso nahastuta dago berriro ere inguru horretan. Igandean Iranek su-etena urratu zuen Israeli misilak jaurtita, hark lehenago Libano bonbardatu zuelako, Trumpek horrelakorik ez egiteko eskatu arren.
Gaur, dena dela, Trumpek esan du gertu dagoela gerra amaitzea ekarriko lukeen akordioa, eta "Israelek eta Iranek berehala tiro egiteari utzi" behar diotela ere gaineratu du.
Eusko Jaurlaritzak Ormuzko itxierak eragindako kalteari buruz hitz egin du gaur, eta iragarri du 200 milioiko kostua ekarriko diola Euskadiri.
Zure interesekoa izan daiteke
Ali Khamenei aiatola Mashhaden lurperatu dute, sei eguneko hileta-zeremonien ostean
Irango lider gorena zenaren ehorzketarekin bukatutzat eman dituzte sei eguneko hileta-zeremoniak. Jendetza bildu da Irango kaleetan, eta erregimenak indar eta batasun irudia erakutsi nahi izan du.
NATOren goi-bileraren ostean Espainia "oso eskuzabal" aritu dela esan du Trumpek
Estatu Batuetako presidenteak ziurtatu duenez, Espainiako Gobernuak Aliantza Atlantikoaren "ordainketa ugari" egiteko eskaerari erantzun dio, eta aliatuek Ankaran egindako bileraren ostean erakutsitako batasuna goraipatu du.
AEBek 90 helburu militar inguru bonbardatu dituzte Iranen, eta Teheranek base estatubatuarrei eraso egin die
Washingtonek Iranen aurkako beste erasoaldi militar baten berri eman du, esan dutenez, Teheranek Ormuzeko itsasartean merkataritza-ontzien aurka egindako erasoei erantzuteko. Iranek dio operazioak su-eten iraunkorra urratu duela.
Koro Barriolaren gorpua aurkitu dute Venezuelan, hondakinen artean hildako hirugarren euskalduna
81 urte zituen eta donostiarra zen; Alazne Solabarrieta eta Jon Sustacharen gorpuak aurkitu zituzten aurretik.
"Espainiarekin alferrik da": Trumpek merkataritza guztia eteteko mehatxua egin du
AEBko presidenteak merkataritza-trukeak hausteko asmoa agertu du Espainiak gastu militarra igotzeari uko egin ondotik; Espainiako Gobernuak, berriz, "lasaitasunez eta normaltasunez" hartu du mehatxua.
Trumpek amaitutzat eman du Iranekin adostutako su-etena eta dio ez duela gehiago negoziatu nahi
Donald Trump AEBko presidenteak Ankaran adierazi duenez, Iranekin adostutako su-eten akordioa "amaitu da", eta baztertu egin du negoziazioekin jarraitzea, herrialdea "gaixo, gaizto eta bortitzek zuzentzen" dutela iritzita.
AEBren erasoei "erantzun irmoa" emango diela mehatxatu du Iranek, eta Bahrainek eta Kuwaitek alarmak piztu dituzte
Irango agintariek salatu dutenez, AEBko bonbardaketek hautsi egin dute ekainean lortutako su-eten akordioa, eta Ameriketako Estatu Batuek diote Ormuzeko itsasartean ontzi komertzialen aurka egindako erasoei erantzun zietela.
Marine Le Pen hauteskundeetara aurkeztuko da, Justiziak zigorra murriztu ostean
Iazko martxoan, kargu publikoan aritzeko bost urteko inhabilitazioa eta lau urteko espetxe zigorra ezarri zioten politikari ultraeskuindarrari, diru publikoa bidegabe erabiltzeagatik. Orain, zigor hori hiru urteko espetxe zigorrera eta 15 hilabeteko inhabilitaziora murriztuta geratu da eta ultraeskuineko liderrak iragarri du hauteskundeetan lehian arituko dela.
Politikaren itzala futbolean: Mussolini, Trump eta beste zenbait adibide
Balogunen indultuak mundu mailako oihartzuna izan du; Munduko Kopetan antzeko kasu gehiago izan dira.
Macronek Damaskora egiten ari den bidaiaren agendari eutsiko dio, bere hotelaren ondoan leherketa batzuk izan arren
Bi leherketa gogor izan dira astearte honetan Damaskon, Emmanuel Macron Frantziako presidenteak Siriako hiriburura egindako bisitarekin bat eginez. Agintarien esanetan, badira guxtienez 18 zauritu.