Landetako azken sutea kontrolatzea lortu dute, eta ebakuatuetako batzuk etxera itzuli ahal izango dute
Landetako prefekturako idazkari nagusiak ohartarazi duenez, baina, "sua kontrolatua egoteak ez du esan nahi itzalita dagoenik; beraz, oso erne egon behar dugu".
Suhiltzaile bat lanean, Landetako sutea itzaltzeko. Argazkia: EuropaPress
Ostegunean Landetako departamenduaren hegoaldean, Mont-de-Marsanetik gertu, piztu zen sutea kontrolpean dagoela adierazi dute Frantziako agintariek, 1.700 hektarea baso erre ondoren.
Stephanie Monteuil Landetako Prefekturako idazkari nagusiak prentsari goizean goiz egindako adierazpenetan azaldu duenez, gauean egoerak "hobera egin du" eta "kontrolpean" dago sutea.
Monteuilek zehaztu duenez, baina, "kontrolpean egoteak ez du esan nahi itzalita dagoenik. Beraz, oso erne egon behar dugu".
Nolanahi ere, Gobernuaren ordezkaritzak iragarri du Luglon udalerrian ebakuatutako 250 pertsonari etxera itzultzeko baimena eman dietela gaur goizean.
Igande iluntzean Garein herriko berrogeita hamar bat biztanleri ere itzultzeko baimena eman zieten.
Oro har, 650 ebakuatu baino gehiago izan dira azken egunotan, bizilagunak eta turistak kontuan hartuta.
Ostegunean, Sebastien Lecornu lehen ministroak, hainbat ministrorekin batera, Girondako departamentua bisitatuko du, uztailaren amaieran Arcachongo badian eta Bordeletik gertu 42.000 hektarea kiskali zituen sute handiaren ondoren, tokiko arduradunekin eta biktimekin biltzeko. Gogoan izan behar da 220.000 pertsona ebakuatu behar izan zituztela sute horiengatik.
Europa osoan bezala, Frantzia ere lehorte historikoa eta bero-bolada gogorrak bizitzen ari da uda honetan, eta dagoeneko 120.000 hektarea baino gehiago erre dira.
Zure interesekoa izan daiteke
Bere jarrera "defentsiboa" "erasokorra" izango dela esan du Iranek eta "ezustekoak" iragarri ditu
"AEBetako indar erasotzaileetako kide bat harrapatzen edo hiltzen duen edonork 30.000 dolar (21.500 euro inguru) edo 5.000 milioi rial irandar jasoko ditu", iragarri du Hatami generalak IRNA albiste agentziak jasotako adierazpenetan.
Hamar palestinar zauritu dituzte, bi tiroz, Israelgo kolonoek Zisjordanian egindako beste erasoa batean
Aita Santuak "Zisjordaniako populazio zibil palestinarraren aurkako indarkeriak bertan behera uztea" eskatu du, eta nazioarteko komunitateari premiaz eskatu dio "bi Estatuen konponbidea aurrera eraman dezatela, bake justu eta iraunkor baterako".
Gazan "gauero 30-40 pertsona hiltzeko" deia egin du Ben Gvir Israelgo ministroak
"Uste dut hilketa selektiboak egin beharko liratekeela Gazan, gauero 30-40 pertsona desagerraraziz. Ez soilik berehalako mehatxua direnak; badira han bizitzea merezi ez duten pertsonak. Ez lukete bizi behar. Ez dira pertsonak ere", esan du Segurtasun ministroak.
Landetako suteak hobera egin du, baina oraindik ez dute kontrolpean
Suak 1.700 hektareari eragin dio jada eta 550 suhiltzaile inguru ari dira itzaltzeko lanetan. 650 lagun atera behar izan dituzte euren etxeetatik eta kanpingetatik eta 50 pertsonak gaur gauean itzultzeko baimena jaso dute.
AEBk Hamasi hitzeman dio Israel Gazatik erretiratuko dela armagabetzeak aurrera egin ahala
Jared Kushnerrek Egipton azpimarratu du 2025ean adostutako bake-plana ez dela berriro negoziatuko eta haren baldintzak beteko direla.
Landetako baso-sutea berpiztu egin da eta 1.600 hektarea erre ditu
Luglon udalerriaren hegoaldean hasi zen sua, Mont-de-Marsanetik 30 kilometrora, eta Garein ingurura zabaldu da. 700 pertsona inguru ebakuatu dituzte prebentzioz.
7,7 graduko lurrikara batek hildakoak eragin ditu Indonesian
Lurrikarak Flores uhartea astindu du goizaldean, eta iparraldeko kostaldearen parean eta 15 kilometroko sakoneran izan du epizentroa. 2.000 pertsona ebakuatu dituzte, baina zaurituak eta kalte materialak eragin ditu.
Trumpek esan du Ormuzko itsasartea AEBko lurraldetzat joko duela "laster"
Iran "garaitu" ostean egingo duela eta Washingtonen baimenik gabe itsasontziek ezingo dutela itsasartea zeharkatu adierazi du. Teheranen hitzetan, "ezin da txioak, hegazkin-ontziak, dekretuak edo hauteskundeetako hitzaldiak baliatuta bereganatu".
Frantziako Konstituzionalak baliogabetu egin du 15 urtez azpikoei sare sozialak erabiltzeko debekua
Epai horren harira, Emmanuel Macron Frantziako presidenteak Sebastien Lecornu lehen ministroari eskatu dio Gobernuak "testu juridikoki sendoa" presta dezala, epaia bera eta Europako araudia aintzat hartuta, eta erreforma "2027ko udaberria baino lehen" indarrean sartzeko asmoari eusten diola gaineratu du.