Zortzi hildako, bi ume tartean, Pennsylvanian izandako tiroketa batean
Tiroketa ostiralean jazo zen, Erie hirian, eta ustezko erasotzaileak bere buruaz beste egin zuen Poliziak inguratu zuenean.
Polizia patruila bat, Pennsylvaniako Erie hirian. Artxiboko argazkia: Europa Press
Zortzi pertsona, bi haur tartean, hil dira Pennsylvaniako Erie hirian izandako tiroketa batean, tokiko agintariek jakitera eman dutenez.
Agenteek etxebizitza batean gotortuta aurkitu zuten gizona. "Une honetan baieztatu dezakegu susmagarria hilda dagoela. Eskura dugun informazioaren arabera, ez dago arriskurik herritarrentzat ", adierazi du Rick Lorah Erieko Polizia Departamentuko buruak.
Poliziaburuak "atsekabea" adierazi du tokiko agenteek eta ikuskatzaileek inoiz aurrean izan duten "unerik zail eta bihozgabeenetakoaren aurrean". "Bizitza galtzea etsigarria da, eta egoera hau oso kezkagarria da", gaineratu du.