Ezkerreko koalizioa eta Macronen aliantza, parez pare hauteskundeen atarian
Frantziako hauteskunde legegileen lehen itzulia egiteko bi egun eskas falta direnean, Macronen aliantza ezkerreko koalizioarekin berdinduta dago inkestetan. Kanpaina gauerdian amaituko da, eta nahiko arina izan da, apirileko presidentetzarako hauteskundeak gertu daudelako.
Elabe institutuak ostiral honetan publiko egindako azken galdeketaren arabera, hauteskundeetako parte-hartzea txikia izango da, % 45,5 eta % 49 ingurukoa.
Inkesta horren arabera, Emmanuel Macron presidentearen Ensemble (Batera) aliantzak botoen % 27 eskuratuko lituzke lehen itzulian (duela astebete baino 2,5 puntu gehiago), Nupes ezkerreko koalizioak % 26,5 jasoko lituzkeen bitartean (aurreko astean baino 1,5 gehiago). Hala, praktikan, berdinketa teknikoa izango da, aurreikuspenen arabera.
Biltzar Nazionala ultraeskuindarrak, berriz, boto-asmoen % 19,5 jaso ditu, duela astebete baino 2,5 puntu gutxiago, eta Errepublikanoak, kontserbadoreak, 1,5 puntu gutxiagorekin, botoen % 11ra jaitsi da.
Horrela, hauteskundeak Ensemble eta Nupes (sozialistak, komunistak, ekologistak eta Jean-Luc Mélenchonen Frantzia Intsumisoa biltzen dituena) elkarren arteko dueluaren arabera erabakiko dela baieztatzen da.
Frantziako hauteskunde-sistema
Asanblea Nazionalerako hauteskundeak 577 hauteskunde txikiren segida dira barruti bakoitzean. Bigarren itzulia astebete geroago egingo da, ekainaren 19an.
Barruti bakoitzean, hautagai bakar batek ere ez badu botoen % 50 lortzen lehen txandan, oso gutxitan gertatzen dena, lehenengo biak bigarrenera pasako dira, eta baita izena eman duten hautesleen % 12,5en botoa lortzen dutenak ere; praktikan, ia bigarren itzuli guztiak bi edo gehienez hiru hautagairen artekoak izaten dira.
Aurtengo hautaketan gakoa da, analisten arabera, ezkerraren eta ekologisten bat egiteak Macronen gehiengo absolutua arriskuan jar dezakeen ala ez. Orduan, Macronek kontserbadoreengana jo beharko luke Asanblea Nazionalean lege berriak onartu ahal izateko.
Zure interesekoa izan daiteke
Istiluak izan dira Bartzelonan independentziaren aldekoen eta eskuin muturreko jarraitzaileen artean
Istiluak izan dira, gaur arratsaldean, Diada egunean Bartzelonan egin den manifestazioan, independentziaren aldeko manifestarien eta eskuin muturreko talde ezberdinen artean. Esquadra Mossoek dispositibo zabala ezarri dute, eta hainbat unetan kargak ere izan dira.
Milaka pertsonak hartu dute parte Bartzelonan, Gironan eta Ampostan egin diren Diadako manifestazioetan
Independentziaren aldeko sugarra bizirik eta indartsu dagoela aldarrikatu dute, gaur arratsaldean, Bartzelonan, Gironan eta Ampostan (Tarragona) egin diren Diada eguneko manifestazioetan. Bartzelonako ekitaldian, ANCk iragarri du independentziaren aldeko elkarteen goi-bilera deituko duela, datorren urterako "mobilizazio handi bat" antolatzeko. 2027an hamar urte beteko dira independentziaren aldeko erreferendumetik, eta bide horretan, beste mugarri bat ezarri nahi dute.
Lekunberrin, Irurtzunen eta Leitzan "izaera faxistako pintadak eta mehatxuak" agertu direla salatu dute EH Bilduk eta Geroa Baik
EH Bilduren arabera, pintadak "ia berdinak dira, ikur eta mehatxu nazi berberak dituzte". Geroa Baik, gorrotoaren aurrean, "bizikidetza, errespetu eta demokrazia gehiago" eskatu du.
Konstituzionalak atzera bota du Jaurlaritzak Estatuko Etxebizitza Legeari jarritako helegitea
2024an aurkeztu zuten helegitea, Iñigo Urkullu lehendakaria zen garaian, eta gobernukide zituen hiru sailburu sozialistek ez zuten babestu urrats hori. Gaur, Denis Itxaso Etxebizitza sailburuak txalotu egin du erabakia.
Melgosak ez du baztertzen Ceutatik adingabe migratzaileak Euskadira ekartzea, baina ohartarazi du "dagokiguna baino gehiago" hartzen ari garela
Eusko Jaurlaritzako sailburuak esan du adingabeen harrera-sarea "tentsiopean" dagoela, eta lehentasuna orain Euskadin daudenak artatzea dela, "etorriko direnak" baino lehen.
Hezkuntza Sailak irakurmena indartuko du bereziki, ikasleen maila hobetzeko
PISA txostenak utzitako emaitzen ondoren, ikasleen emaitzak hobetzeko lan-ildo berriak ezarriko ditu Hezkuntza Sailak. Ondorioetako bat da irakumenean jarri behar dela indarra.
Hauteskunde orokorretan ezkerreko indarrak lideratzeko hautagaitza aurkeztuko du Irene Monterok larunbatean
Podemoseko iturrien arabera, "ezkerreko hautagaitza argi eta garbi bat" antolatzea du helburu, baina ez dute zehaztu zein alderdi edo figura politikorekin egin nahi duen.
Euskal Herriko eta Kataluniako "herriak" aldarrikatu dituzte euskal alderdiek Diada egunean
Bartzelonan, Diada ospatzeko ekitaldietan, Aitor Esteban EAJko presidenteak ohartarazi duenez, "oker dabil Euskadi eta Katalunia beste edozein autonomia-erkidego bezala tratatu nahi dituena". Bestalde, "gure herrien eta nazioen eskubide nazional eta sozialak" aldarrikatu ditu Mertxe Aizpurua EH Bilduk Kongresuan duen bozeramaileak.
EH Bilduk Maria del Rio proposatu du Bilboko alkategai izateko
EH Bilduren Bilboko Mahai Politikoak Del Rio proposatu du 2027ko udal hauteskundeetarako, "bilbotarrak erdigunean jarriko dituen eta guztiei bizi-proiektu duinak garatzea bermatuko dien ziklo berri baten buru izateko".
Sahararrei espainiar nazionalitatea emateko legea onartu du Kongresuak
Saharar kolektiboen arabera, 80.000-120.000 pertsonak jaso dezakete nazionalitate hori.