Elurra, hotza eta txingorra, bi egunez

Eusko Jaurlaritzako Meteorologia eta Larrialdiei Aurre Egiteko Zuzendaritzak abisu horia ezarri du Euskadin ostegunera arte, elur, olatu eta izozte arriskuagatik.

Asteazkenean, elur-maila 400-500 metro inguruan kokatuko da, eguerdian 500-600 metroan, eta gauerako 1.000 metrotik gora egingo du elurra, egitekotan.

Bestalde, olatuak 5 metrokoak izatera hel daitezke egunaren lehen zatian, eta arratsaldean 4-5 metro ingurukoak izan litezke. Ipar-mendebaleko hondoko itsasoak 4-5 metro inguruko olatuak altxaraziko ditu goizean, eta 4-5 metro ingurukoak arratsalde-iluntzean.

Izotzari dagokionez, barnealdeko zenbait puntutan izotz txikia egingo du, mendi inguruetan bereziki.

Ostegunean, elur-maila 800-1.000 metro inguruan kokatuko da. Halaber, euria egingo du, batez ere, kantauriar isurialdean.

Olatuak 4-5 metrokoak izango dira, eta ipar-mendebaleko hondoko itsasoak 3,5 metro inguruko olatuak altxaraziko ditu.

Barnealdeko zenbait puntutan izotza egin lezake, bereziki mendi inguruetan.