Euria eta txingorra dakartzan fronte hotza dator
Euskalmeten iragarpenaren arabera, igande arratsaldean fronte hotz batek Bizkaiko itsasoa zeharkatuko du eta arratsaldean eguraldiak nabarmen egingo du okerrera. Dena den, goizean eguraldi polita izango da: eguzkia ikusteko aukera izango da.
Eguerditik aurrera zerua estaltzen joango da eta euritara egingo du. Egunaren amaieran trumoiak jo eta txingorra ere egin lezake. Goizean hego-mendebaldeko haizeak joko du eta iluntzean ipar-mendebaldera egingo du.
Tenperatura maximoak igo egingo dira, kantaurialdean bereziki. Alabaina, gauean tenperatura asko jaitsiko da, eta elur-maila ere bai: 500-600 metroan kokatuko da.
Jaurlaritzako Segurtasun Sailak abisu horia ezarri du elurragatik, 15:00etatik 00:00etara; olatuengatik, 18:00etatik 00:00etara, izotzagatik 00:00etatik 24:00etara eta haizeagatik 06:00etatik 15:00etara.
Astelehena
Astelehenean giroa erabat desatsegina izango da eta tenperatura jaitsiko da berriz. Zerua estalita egongo da eta zaparradak ia etengabe botako ditu toki askotan. Tarteka trumoi-ekaitzak eta txingorra bota ditzake ipar isurialdean.
Horrez gain, ipar-mendebaldeko haizeak zakar joko du, bereziki kostaldean eta Ebro bailaran. Tenperatuta maximoak 4-9 ºC artekoak izango dira. Elur-kota 500 m-ra egongo da, baina goizaldean eta goizeko lehen orduetan zertxobait beherako egon daiteke.
Astelehenerako abisu horia deitu dute elurragatik, izozteengatik eta olatuengatik, 00:00etattik 24:00etara.
Zure interesekoa izan daiteke
Uztailak utzitako datuak: ohikoa baino 3,6 ºC beroagoa eta muturreko lehortea
Hilaren 5etik eta 12ra izandako bero-bolada izan zen markak hautsi zituena. 40 gradutik gorako tenperaturak izan ziren hainbat lekutan.
Astea freskotik hasiko da eta ekaitzak izan daitezke arratsaldean
Hodeiak ugarituz joango dira astelehenean, eta tenperaturak behera egingo du Euskal Herrian. Gainera, baliteke arratsaldean trumoi-zaparradak botatzea, batez ere ekialdean. Asteartean, eguraldi egonkorra eta beroa itzuliko dira.
Udako giroa protagonista igandean
Tenperaturek gorako bidea hartuko dute, eta 25 ºC-ren langa gaindituko dute kostaldean. Maximoak 30 graduren bueltan geratuko dira barnealdean, eta 35 ºC-tik gora lurraldearen hegoaldean. Hala, abisu horia ezarri dute Arabako Errioxan, Nafarroako erdialdean, Pirinioetan eta Erriberan.
Casedan jo dute goia termometroek, 42,1 graduraino iritsi baitira
40 ºC inguruko tenperaturak izan dira gaur toki askotan. Nafarroan eta Araban alerta laranja dago ezarrita, beroagatik.
Bero sapa izango dute berriro Nafarroan, eta alerta laranja aktibatuko dute erdialdean eta Pirinioetan
Tenperatura maximoak 40 ºC-ren bueltan ibiliko dira: Erriberan (abisu horia) 41 ºC inguru izan daitezke, eta 39 ºC Iruñean eta Lizarran. Hori dela eta, alerta laranja ezarri dute Nafarroako erdialdean eta Pirinioetan.
Alerta laranja Araba, Bizkaia eta Gipuzkoa barnealdean, eta abisu horia, Euskal Herriko gainerako tokietan, beroagatik
Bihar, alerta laranja mantenduko da Araban; Bizkaian eta Gipuzkoan, abisu horia egongo da indarrean. Nafarroan, berriz, abisua mailaz igo eta alerta laranja bihurtuko da, tenperaturek gora egingo baitute (39 ºC-ra hurbilduko dira).
Beroaldia indartsu itzuliko da Euskal Herrira
Tenperaturak nabarmen igoko dira astearen hasieran, eta 35-40 ºC-ra iritsiko dira asteartean eskualde askotan.
Abisu horia gauerdira arte, euri zaparrada handiengatik
19:30ak arteko datuan kontuan izanda, ordu bakar batean metro koadroko 27 litro bildu dituzte Guardian, 24 Berastegin, 18 Bidanian eta 14 Etxalarren.
Eguzki eklipsea ikusteko Nafarroako segurtasun-dispositiboaren gakoak
Nafarroako Foru Gobernuak kanpaina bat jarri du abian herritarrei zuzendutako aholkuekin: nork bere burua babestea, suteen prebentzioa eta mugikortasuna eklipsearen aurretik eta ondoren.
Azken bero-egunak gaur eta bihar, larunbatean aldaketa baitator
Ostegunean eta ostiralean bero egingo du, batez ere, Euskal Herriko hegoaldean. Abisu horia ezarri da gaurko tenperatura altuengatik Araban, Ebro ondoko eskualdean 13:00etatik 19:00etara, eta Nafarroa erdialdean, Pirinio inguruan eta Erriberan, 13:00etatik 21:00etara.