Eguraldiak adeitsu jokatuko du inauterietako asteburuarekin
Euskalmet Meteorologiaren Euskal Agentziaren iragarpenaren arabera, eguraldiak ez du aparteko gorabeherarik eragingo inauterietako asteburu honi begira, nahiz eta ostiralerako aurreikuspenak tenperaturen beherakada eta euri apur bat dakartzan. Alabaina, larunbatean ia udaberri beteko eguna egingo du, eta igandean ere eguzkia ikusi ahal izango dugu.
Horrenbestez, ostiralean tenperatura jaitsi egingo da eta euri pixka bat egingo du. Fronte hotz baten eraginpean egongo gara, eta zerua lainotu eta egongo da eta euria egingo du, batez ere ipar isurialdean, goizaldean eta goizeko lehen orduetan. Arratsaldean atertzera egingo du. Tenperatura nabarmen jaitsiko da eta balio altuenak doi-doi iritsiko dira 9-11 ºC-ra. Eguneko tenperatura minimoak gauean neurtuko dira eta baliteke barnealdeko zenbait lekutan izotza egitea. Iparraldeko haizea ibiliko da.
Larunbatean giro eguzkitsua nagusituko da. Goizaldean eta iluntzean behe-hodei batzuk sor daitezke Kantauri isurialdean, baina gainerako orduetan garbi egongo da zerua, goi-hodei zurixka batzuk besterik ez dira agertuko. Barnealdeko bailaretan lainoa sor daiteke goizeko lehen orduetan, baina goizean jaso egingo du. Tenperatura maximoak nabarmen igoko dira eta balio altuenak 16-18 ºC artekoak izango dira. Alabaina, goizaldean hotz egingo du eta baliteke barnealdeko zenbait lekutan izotza egitea.
Bere aldetik, igandean hodei gehiago agertuko dira ipar isurialdean, baina hegoaldean oskarbi egongo da. Kantauri isurialdean oso litekeena da behe-hodeien tarte hodeitsuak izatea, eta giroa apur bat goibeltzea, baina hegoaldean ez da aldaketarik izango, giro eguzkitsuarekin jarraituko dute. Tenperatura maximoetan ez da aldaketarik izango eta minimoak apur bat igo egingo dira; hala ere, baliteke barnealdeko zenbait lekutan izotza egitea.
izotza egitea.Zure interesekoa izan daiteke
Beroak atseden hartuko du igandean, eta ekaitz arriskua izango da hainbat tokitan
Maximoak nabarmen jaitsiko dira. Kostaldean apalagoa izango da aldaketa, aurreko egunetan ere beroenek behera egin dutelako, baita Nafarroa ekialdean eta hegoaldean ere. Ildo horretatik, beroenak 30 ºC azpitik geratuko dira leku gehienetan.
Albiste izango dira: Tenperaturak behera egiten hasi dira, "Ihesi, norbera izateko" dokumentalaren estreinaldia eta lurrikarak Venezuelan
Gaurkoan Orain-en albiste izango direnen laburpena, bi hitzetan.
Bero-kupula, ezohiko beroaldia eragiten ari den fenomenoa
Hego haizeak eta eguzki gogorrak tenperaturak sasoiz kanpoko errekorretara eraman dituzte. Bero-kupula deitzen zaio bero-bolada hau eratzen ari den fenomenoari. Hona hemen Euskal Herria itoarazten ari den sargoriaren zergatiak, Arnaitz Fernandez ETBko meteorologoak azalduta.
Ekaineko tenperaturan errekor historikoak neurtu dira: 43,6 ºC Laudion eta 42,9 ºC Baztanen
Beroak ez du atsedenik emango, gutxienez, bihar iluntzera arte. EAE osoan alarma gorria egongo da ezarrita barrualdean, eta laranja, kostaldean. Nafarroan ere, abisu laranjapean egongo dira bihar egun osoan.
Noiz arte jarraituko du muturreko beroaldiak Euskal Herrian?
Tenperatura oso altuak daude leku askotan, alerta berriak aktibatu dituzte eta maximoak 40 ºC inguruan daude. Egoera astearen bigarren erditik aurrera hasiko da aldatzen.
Beroaldiak ekaineko markak hautsi ditu: 41,5 gradu Elorrion eta 26,4ko minimoak Ordizian
Euskalmetek tenperatura maximo eta minimoen ekainerako errekorrak erregistratu ditu hainbat estaziotan, eta Osakidetzak 22 pertsona artatu zituen atzo tenperatura altuekin lotutako arazoengatik.
40º C-tik gorako tenperaturekin abiatu da uda Euskal Herrian eta halaxe jarraituko du datozen egunotan
Iparraldean alarma gorripean daude dagoeneko. EAEn astelehenean aktibatuko dute alarma gorria 12:00etatik 20:00etara; gainera, Segurtasun Sailak LABIren Larrialdi Fasea (0 egoera) aktibatuko du astelehenean, 12:00etatik aurrera. Nafarroan abisu laranja izango da, gutxienez, astearte gauera arte.
Muturreko beroak alertak piztu ditu Euskal Herri osoan, eta astearen erdialdera arte ez da arinduko
EAE eta Nafarroa alerta laranjapean daude 12:00etatik, beroagatik eta sute arriskuagatik. Ipar Euskal Herrian, berriz, alerta gorria (abisu metereologikoen sisteman maila gorena) ezarri dute, Pirinio Atlantikoak departamendua astinduko duen bero bolada dela eta.
Eklipseek gizakia beldurtu dute hainbat mendetan
Duela urte asko konturatu ziren eklipseak aurreikus daitezkeela. K.a. 3340. urtean eguzkia erabat desagertu zen, eklipse baten aipu zaharrenaren arabera. Petroglifo bati esker iritsi zaigu horren berri gaur egunera arte.
Alerta laranja igandean Hego Euskal Herri osoan muturreko beroagatik, 40 gradurainoko maximoekin
Eusko Jaurlaritzako Segurtasun Sailak gogortu egin ditu astebururako aurreikusitako abisuak, Hego Euskal Herrian bero handia egingo duelako. Igandea izango da egunik zailena, 40 gradu inguruko tenperaturak espero baitira, eta baso-suteak izateko arrisku handia izango da Araban. Nafarroan ere ezarri dute alerta laranja, 12:00etatik 20:00etara.