Abisu horia ezarri dute Hego Euskal Herriko zati handi batean, prezipitazio handiengatik
Meteorologia agentziek abisu horiak ezarri dituzte ostegun honetarako, prezipitazio handiengatik, Euskal Autonomia Erkidegoko barnealdean eta Nafarroako zati handi batean, ipar mendebaldeko muturrean izan ezik.
EAEren kasuan, Euskalmetek abisu horia iragarri du; 15:00etan sartuko da indarrean eta 21:00ak arte luzatuko da. Ebro ondoko eskualdeari, Bizkaiko eta Gipuzkoako barnealdeari eta Araba erdialdeari eragingo die.
Ordubetean 15 l/m² baino gehiago bota ditzake, batez ere Araban; bertan, zaparrada trumoitsuak espero dira, eta baliteke handiak izatea. Zaparradekin batera, txingorra ere bota dezake, eta haize bolada bortitzak espero dira.
Bestalde, Aemet Estatuko Meteorologia Agentziak ere alerta horia ezarri du gaurko, euriagatik eta ekaitzengatik Nafarroa osoan, erkidegoko ipar mendebaldeko muturrean izan ezik.
Aemeten arabera, ordubetean 15 l/m² bota ditzake Pirinioetan. Zonalde horretan, erdialdean eta Erriberan bezala, ekaitzak izango dira eguerditik aurrera, eta txingorra eta haize bolada bortitzak ere izan daitezke.
Meteorologia buletinak gaineratu duenez, tenperatura maximoek nabarmen egingo dute gora, Erriberan izan ezik; izan ere, Iruñean termometroak 13 ºC eta 33 ºC artean ibiliko dira.
Eguraldiari buruzko informazio gaurkotua kontsulta dezakezu eitb.eus-en, baita zure argazkiak igo ere.
Albiste gehiago eguraldia
Albiste izango dira: Abisu horia beroagatik, Alzorrizen dimisioa eta munduko 50 jatetxe onenak
Gaurkoan albiste izango direnen laburpena, bi hitzetan.
Segurtasun Sailak abisu horia ezarri du beroagatik ostiralera arte
Gaur, tenperatura maximoak 35 gradu ingurukoak izango dira Araba hegoaldean, Ebroko ardatzean. Kostaldean, berriz, maximoak freskoagoak izango dira eta 27 gradu inguru izango ditugu. Bizkaian eta Gipuzkoan, aldiz, 33 gradura iritsi daitezke. Ostegunean eta ostiralean egoera horrek bere horretan jarraituko du: maximoak 28 gradukoak izango dira kostaldean, 33 gradukoak Bizkaiko eta Gipuzkoako barnealdean eta Arabako erdialdean, eta 35 gradukoak Ebroko ardatzean.
Andoni Aizpuru: ''Zaparrada oso gogorrak sarriago izango ditugula nabarmena da''
Andoni Aizpiruk azpimarratu duenez, "ekainean eta maiatzean bost ekaitz gogor izan ditugu Euskal Herrian". "Hemen ekaitza botatzea normala da udaberrian, baina bost izatea hilabete eta erdian ez da hain ohikoa", gaineratu du.
"Azken egunotako bero handiaren eta atmosferako goi geruzetako aire hotzaren arteko kontrasteak ekaitzak sortu ditu"
Ostiraleko ekaitz bortitzen arrazoi meteorologikoak izan ditu mintzagai Xabier Casado Eguraldia saioaren aurkezleak. Ohartarazi duenez, 16:00etatik aurrera abisu horia izango da indarrean Nafarroan eta Ipar Euskal Herrian txingorragatik eta euriagatik.
Arratsaldetik aurrera, zaparrada trumoitsuak egongo dira berriro Gipuzkoa ekialdean
Euri-jasa handiak izan daitezke leku batzuetan, eta txingorra ere bota dezake. Nafarroan, alerta horiari eutsi dio Aemetek, ekaitz gogorrak izango baitira.
Ekaitz gogorrek uholdeak eragin dituzte Gipuzkoan, Goierrin eta Tolosaldean
Larrialdi zerbitzuek 248 dei jaso dituzte ostiral gau eta larunbat goizaldeko ekaitz bortitzen ondorioz. Tren bat geldiarazi eta ebakuatu dute goizaldean Tolosan eta oraindik ere lanean ari dira Tolosaldeko hainbat errepidetan.
Eguzkiak prezipitazioei bide emango die asteburuan
Aste bukaera eguzkitsu eta bero hasiko da, baina aurrera doan heinean, giroa freskatu eta prezipitazioak egongo dira.
Ekaitzak Arabako hego-mendebaldetik sartzen hasi dira
Trumoi-zaparradak bota ditzake, zenbait lekutan handiak izan daitezke eta txingorra egin dezake. Nafarroako hegoaldeko muturrean ere zaparradak eta trumoi-ekaitzak izango dira, Espainiako Meteorologia Agentziak iragarri duenez.
Uda giroa eta beroa, maiatzeko azken egunetan
Mendebaldeko eta barneko ibarretan aise gainditu dira 30 graduak ostegun honetan. Kostaldean, ostera, brisak termometroei eutsi die.
Zuriñe Zulaika: ''Ezohiko aire-masa beroa dator''
Ostegun eta ostiralean maiatzean ohi baino tenperatura altuagoak izango ditugu, 30 ºC-ren bueltakoak.