Aurtengo ekaina azken 23 urteetako beroena izan da
Ekaina hilabete hezea izan da, tokiaren arabera, eta hori dela eta hainbat alerta meteorologiko aktibatu ditu Euskalmetek, tartean, 25 abisu hori.
Amaitu berri den hilabetea erregistroak daudenetik historiako ekainik beroena izan da, Euskalmet Meteorologia Agentziak asteazken honetan kaleratu duen txostenaren arabera.
Ekaina hilabete "hezea edo normala" izan da, tokiaren arabera, eta Gipuzkoa ekialdean “oso hezea”. Halaber, oro har, tenperatura “oso beroak” neurtu dira.
Testuinguru horretan, hainbat abisu eta alerta aktibatu ditu Euskalmetek, tartean 25 abisu hori eta bi alerta laranja.
Beroa eta hezea
Ekaineko batez besteko tenperaturak “oso beroak” izan dira. Esaterako, kostatik gertu 20-21 graduren bueltan kokatu dira eta Arabako Lautadan 19 gradutik gora, 1991-2020 aldiko batezbestekoa baino 3,1 gradu altuagoa.
1970etik erregistratutako ekainik beroena izan da, gutxienez, 2003koarekin batera.
Gainera, bero handiko hainbat egun izan dira: ekainaren 9tik 13ra, 18tik 21era, 24an, eta 28tik 30era.
Bestalde, prezipitazio ugari neurtu dira Gipuzkoan, bereziki Goierrin eta Tolosaldean; aldiz, Trebiñun, Deba Garaian eta Enkarterrin ohi baino euri gutxiago egin du.
Zure interesekoa izan daiteke
Alerta laranja asteartera arte luzatu dute, 38 ºC-ko tenperaturarekin barnealdean
Muturreko tenperaturen ondorioz, lurraldearen zati handi bat abisupean jarraituko du; apur bat jaitsiko dira tenperaturak bihar, baina iparraldeko zonalde batzuetan bakarrik.
Uda giroa nagusituko da asteburuan Euskal Herrian, eta igandean 35 gradutik gorako tenperaturak izango dira
Larunbatean udako giroa sendotuko da eta igandean tenperaturek nabarmen egingo dute gora, batez ere barnealdean.
Aste hasiera grisa eta ezegonkorra
Zerua hodeitsu egongo da eta euria egingo du tarteka gaur goizean, baina arratsaldetik aurrera hobera egingo du.
Muturreko beroaldia Europan
Europako herrialde askotan, muturreko tenperaturak dituzte oraindik, 40 gradurainokoak. Beroaldiak muturreko tenperatura historikoak utzi ditu Alemanian, Danimarkan eta Txekian. Herrialde batzuetan, agintariak ur-kanoiak erabiltzen ari dira herritarrak freskatzeko.
Larunbateko beroak euriteak ekarriko ditu igandean Euskal Herrira
Euskadin metro koadroko 15 litro euri baino gehiago pilatu ahal izango dira ordubetean. Ia Nafarroa osoan eta Ipar Euskal Herrian, berriz, alerta laranja ezarriko dute euriteen ondorioz.
Beroak atseden hartuko du igandean, eta ekaitz arriskua izango da hainbat tokitan
Maximoak nabarmen jaitsiko dira. Kostaldean apalagoa izango da aldaketa, aurreko egunetan ere beroenek behera egin dutelako, baita Nafarroa ekialdean eta hegoaldean ere. Ildo horretatik, beroenak 30 ºC azpitik geratuko dira leku gehienetan.
Albiste izango dira: Tenperaturak behera egiten hasi dira, "Ihesi, norbera izateko" dokumentalaren estreinaldia eta lurrikarak Venezuelan
Gaurkoan Orain-en albiste izango direnen laburpena, bi hitzetan.
Bero-kupula, ezohiko beroaldia eragiten ari den fenomenoa
Hego haizeak eta eguzki gogorrak tenperaturak sasoiz kanpoko errekorretara eraman dituzte. Bero-kupula deitzen zaio bero-bolada hau eratzen ari den fenomenoari. Hona hemen Euskal Herria itoarazten ari den sargoriaren zergatiak, Arnaitz Fernandez ETBko meteorologoak azalduta.
Ekaineko tenperaturan errekor historikoak neurtu dira: 43,6 ºC Laudion eta 42,9 ºC Baztanen
Beroak ez du atsedenik emango, gutxienez, bihar iluntzera arte. EAE osoan alarma gorria egongo da ezarrita barrualdean, eta laranja, kostaldean. Nafarroan ere, abisu laranjapean egongo dira bihar egun osoan.
Noiz arte jarraituko du muturreko beroaldiak Euskal Herrian?
Tenperatura oso altuak daude leku askotan, alerta berriak aktibatu dituzte eta maximoak 40 ºC inguruan daude. Egoera astearen bigarren erditik aurrera hasiko da aldatzen.