Albiste izango dira: abisu horia euriagatik, sanferminetako bosgarren entzierroa eta Yeray Alvarezen positiboa
Gaurkoan albiste izango direnen laburpena, bi hitzetan.
Honako gai hauek hartuko dituzte gaur, 2025eko uztailaren 11n, hedabideetako lerroburu nagusiak:
- Ekaitza eta euria: Eusko Jaurlaritzako Segurtasun Sailak abisu horia ezarri du ostiral arratsalderako, zaparrada handiak espero direlako, batez ere Araban, 18:00etatik aurrera. Era berean, AEMETek abisu horia ezarri du, 16:00etatik aurrera, Nafarroako isurialde atlantikoan eta Pirinioetan, prezipitazioengatik, eta alerta laranja, erdialdean eta Erriberan, fenomeno beragatik.
- Sanferminetako bosgarren entzierroa: Jandilla ganadutegiko zezenak izan dira protagonista Iruñeko 2025eko sanferminetako bosgarren entzierroan. Entzierro guztiak zuzenean jarraitu ahal dira Orain-en eta ETB1en, 07:45etik aurrera.
- Yeray Alvarezek positibo eman du: Yeray Alvarez Athleticeko atzelariak positibo eman du dopinaren aurkako kontrol batean. Jokalariak berak azaldu duenez, Athletic eta Manchester United taldeen arteko partidan eman zuen positibo, "nahi gabe", ilea erortzea galarazteko hartu zuen sendagai batek legez kanpoko substantzia bat zuelako, berak jakin gabe.
Eguraldiari buruzko albiste gehiago
Ekaitz bortitzek arazoak sortu dituzte Nafarroan
Tutera eta Iruñea lotzen dituen autobidea itxi egin behar izan dute, euri eta txingor ekaitz handiagatik. Tuteran zezen-plazako hegal baten zati bat erori da. Gainera, Castejon eta Erriberri arteko tren zerbitzua bertan behera utzi behar izan dute, katenariari eragin dioten hiru zuhaitz erori direlako.
"Gauerdira arte euri zaparrada mardulak espero ditugu eta gero eguraldiak tregua txiki bat emango digu"
Xabi Casadok adierazi du egoera meteorologikoa "oso ezengonkorra" dela Euskal Herriko leku askotan. Okerrena gaur gauerdira arte espero da. Euri asko egin lezake ia edonon. Badirudi egoerak hobera egingo duela goizaldean, baina bihar arratsaldean ekaitzak suspertuko dira.
Ekaitzek batez ere Araba eta Nafarroa astindu dituzte, eta txingorra bota du zenbait txokotan
Langraiz Okan 38,3 litro bota ditu ordubetean, Subillan 31,5 eta Espejon 23.
San Fermin egunak freskotasuna ekarriko du Euskal Herrira
Igande gaueko zirimiriarekin batera, astelehenean freskotasuna eta zirimiria bueltatuko da Euskal Herrira, tenperatura jaitsierekin. Hala ere, San Fermin eguna euririk gabe ospatu ahalko da. Asteak aurrera egin ahala, ordea, termometroek gora egingo dute berriro ere.
Abisu horia euriteengatik, ostiral arratsaldean eta gauean
Abisua ostiral arratsaldeko seietatik larunbat goizeko bederatziak arte egongo da indarrean.
Eguzkia, beroa eta ekaitz puntualak, uztaileko lehen asteburuan
Bero handiagoarekin eta zeru nahiko oskarbiarekin pasako dugu ostirala. Larunbatean giro eguzkitsuarekin jarraituko dugu, oro har, baina ezegonkortasuna ere nabarituko da. Igandean, panorama zertxobait aldatuko da: zerua hodeitsu egongo da, eta euria egin dezake.
Aurtengo ekaina azken 23 urteetako beroena izan da
Ekaina hilabete hezea izan da, tokiaren arabera, eta hori dela eta hainbat alerta meteorologiko aktibatu ditu Euskalmetek, tartean, 25 abisu hori.
Beroak etenalditxoa emango digu datozen egunetan
Asteazken honetan, giroa freskoagoa izango da: Ipar partean hodei ugari eta euri txikia izango dira. Ostegunean, hodeiak eta ostarteak tartekatuko dira; eta, ostiralean, tenperaturak gora egingo du.
Bero-bolada 35 ºC-tik gorako tenperaturekin agurtuko da
Termometroak 38,1 gradura iritsi dira barnealdeko hainbat gunetan. Bihar, asteazkena, eguneko tenperaturak orokorrean jaitsiko dira eta maximoak 30 ºC-tik behera kokatuko dira, Ebroko bailaran izan ezik.