Albiste izango dira: abisu horia euriagatik, sanferminetako bosgarren entzierroa eta Yeray Alvarezen positiboa
Gaurkoan albiste izango direnen laburpena, bi hitzetan.
Honako gai hauek hartuko dituzte gaur, 2025eko uztailaren 11n, hedabideetako lerroburu nagusiak:
- Ekaitza eta euria: Eusko Jaurlaritzako Segurtasun Sailak abisu horia ezarri du ostiral arratsalderako, zaparrada handiak espero direlako, batez ere Araban, 18:00etatik aurrera. Era berean, AEMETek abisu horia ezarri du, 16:00etatik aurrera, Nafarroako isurialde atlantikoan eta Pirinioetan, prezipitazioengatik, eta alerta laranja, erdialdean eta Erriberan, fenomeno beragatik.
- Sanferminetako bosgarren entzierroa: Jandilla ganadutegiko zezenak izan dira protagonista Iruñeko 2025eko sanferminetako bosgarren entzierroan. Entzierro guztiak zuzenean jarraitu ahal dira Orain-en eta ETB1en, 07:45etik aurrera.
- Yeray Alvarezek positibo eman du: Yeray Alvarez Athleticeko atzelariak positibo eman du dopinaren aurkako kontrol batean. Jokalariak berak azaldu duenez, Athletic eta Manchester United taldeen arteko partidan eman zuen positibo, "nahi gabe", ilea erortzea galarazteko hartu zuen sendagai batek legez kanpoko substantzia bat zuelako, berak jakin gabe.
Eguraldiari buruzko albiste gehiago
Abisu horia kostaldean, olatu handiengatik
Segurtasun Sailak bi abisu ezarri ditu: bat, nabigaziorako; beste bat, olatuek kostaldean izan dezaketen eraginagatik. Hainbat lekutan babes-neurriak hartu dituzte; Donostian, adibidez, uhartea eta Paseo Berria itxita egongo dira.
Beroa bueltan da Euskal Herrian
Astelehenean tenperatura oso altuak izango dira barnealdean, eta asteartean, berriz, tenperaturak behera egingo du eta zenbait tokitan euria botako du.
Nafarroak abisu horia aktibatu du ekaitzengatik eta haize-bolada bortitzengatik
Erdialdea, Pirinioak eta Ebroko Erribera izango dira kaltetuenak arratsaldetik gauerdira bitartean, eta txingorra egiteko arriskua ere badago.
Hobera egingo du eguraldiak asteburuan, igandean hodeiak itzul daitezkeen arren
Orduek aurrera egin ahala, ostarteak agertzen joango dira ostiral honetan, eta larunbatean eguzkia izango da nagusi. Asteko azken egunerako, lainoak itzuliko dira, baina betiere tenperatura epeltzeko joera mantenduta.
Abisu horia Kantauri isurialdean, prezipitazio handiak izateko arriskua dago eta
Gaur arratsaldean trumoi-zaparradak botako ditu zenbait tokitan, baita haize-bolada bortitzek jo ere. Bihar, osteguna, eguerdira arte iraungo du abisu horiak.
Jaitsi dira, azkenean, tenperaturak
Leku gehienetan 25 ºC azpikoak izango dira balio altuenak gaurtik aurrera, eta hodeiak ere ugarituko dira pixkanaka.
Muturreko beroa atzean utzita, freskoak eta euritsuak izango dira datozen egunak
Leku gehienetan 25 ºC azpikoak izango dira balio altuenak bihartik aurrera, eta hodeiak ere ugarituko dira pixkanaka.
Bero-boladaren azken orduak Euskal Herrian, tenperaturak nabarmen jaitsi eta euria hasi aurretik
Igande honetan, alerta gorria ezarri dute Nafarroan muturreko tenperatura altuengatik, eta alerta laranja Araban eta Ipar Euskal Herrian. Bizkaian eta Gipuzkoan abisu horia izango dute. Alabaina, hodeiak ugarituz joango dira eta euria hasiko da, bereziki Ipar Euskal Herrian. Bihar abisu horia ezarriko dute han ekaitz arriskuagatik.
Larunbatean Kanpezun neurtu dute tenperatura altuena: 40,2 ºC
Euskalmeten arabera, ipar-mendebaldeko haizea barnealdetik zabaldu da eta tenperaturak arinki behera egin du arratsaldeko lehen orduetan, bereziki Arabako iparraldean.
Sute-arrisku oso handia Euskal Herrian
Suteak sor ditzakeen edozein jarduera saihesteko deia egin dute agintariek. Nafarroak aktibo du nekazaritza jarduera sute-arriskuagatik mugatzen duen Foru Agindua.