Bero-boladak 40ºC-tik gorako tenperaturak utzi ditu berriro, eta maximoa 44ºC-koa izan da Laudion
Bero boladak 40ºC-tik gorako tenperaturak utzi ditu 24 udalerritan astearte honetan, eta kostaldean tenperaturak behera egingo duela iragarri du Euskalmetek.
Duela astebete baino gehiagotik Euskadiri eragiten dion bero-boladak 40 ºC-tik gorako tenperaturak utzi ditu 24 udalerritan astearte honetan. Maximoa Laudion (Araba) izan da, 44 ºC-rekin, ondoren Igorre (Bizkaia) 43 ºC-rekin eta Bergara (Gipuzkoa) 42,4 ºC-rekin.
Bizkaiko barnealdean, 14 udalerrik gainditu dituzte 40 graduak; Gipuzkoan, berriz, 8k. Araban, Laudio eta Amurrio bakarrik (42,3 ºC) heldu dira balio horretara. Pagoetan eta Kapilduin, berriz, maximoak 31,6 eta 32,5 ºC-koak izan dira, hurrenez hurren.
Kostaldean, tenperaturak askoz ere leunagoak izan dira: 24,2 ºC Bilboko portuan, 24,9 ºC Galean (Getxo), 26,9 ºC Santa Klaran (Donostia) eta 27,1 ºC Pasaiako portuan.
Euskalmetek iragarri duenez, tenperaturak behera egingo du oro har asteazken honetan, eta, ondorioz, alerta laranja abisu horira jaitsiko da Araban; izan ere, maximoak 34 ºC-koak izango dira hegoaldean eta 33koak gainerako lurraldeetan.
Zure interesekoa izan daiteke
Errekorra maiatzeko tenperaturetan: 39,1º neurtu dira Sopuertan
Maiatzean inoiz errejistratu diren tenperatura altuenak izan dira ostiral honetakoak. Euskal Herriaren mendebaldeak jasan du beroa, batik bat, eta itzala bilatzea funtsezkoa izan da herritar askorentzat.
Uda sasoiko beroa Euskal Herrian: 35 graduko maximoak eta abisu horia Bizkaian eta Gipuzkoan
Larunbatean, ipar partean, beroa apur apur bat apaldu egingo da ipar-ekialdeko haizearen eraginez; barnealdean, berriz, bero egiten jarraituko du. Igandean, bero egingo du berriro, eta beroenak 30-35 graduren bueltan geldituko dira.
Beroa nagusitu da arratsaldean, Bizkaiko eta Gipuzkoako barnealdean bereziki, eta abisu horia ezarriko dute bihar
16:00etan, Sodupe-Cadagua (Gueñes) 36 °C-ra iritsi da, Zizurkil 35,1 °C-ra eta Muxika 35,1 °C-ra, 13:00etan ikusitako balioak nabarmen gaindituta. Datozen egunei begira, bero egiten jarraituko duela iragarri du Euskalmetek, gutxienez, datorren asteazkenera arte.
Eguzkia, beroa eta 30 gradutik gorako tenperaturak
Ostiralean ere zerua oskarbi egongo da eta tenperatura maximoak 30-35 artekoak izango dira.
Udaberria bueltan da Euskal Herrian, eta ostegunetik aurrera 30 graduen bueltan ibiliko dira termometroak
Astelehen eta asteartean tenperaturak gora egingo du, apurka, eta hodeiak egongo dira.
Bueltan da udaberria
Etzidamu iritsiko da aldaketa nabarmenena. Egun eguzkitsua eta beroa izango da asteazkenekoa, baita ostegunekoa eta ostiralekoa ere. Barnealdean, 30 graduak gaindituko dituzte termometroek.
Abuztuko eguzki-eklipse osoan murgilduta, errealitate birtualari esker
2026ko abuztuaren 12an eguzki-eklipse oso bat ikusiko da Euskal Herrian, eta Eguraldia barruan murgildu da errealitate birtualari esker. Hau da horrelako sei bideoetatik lehenengoa.. 114 urteren ondoren, minutu batetik gorako erabateko iluntasuna izango da, eta Eguzkiaren koroa ikusteko aukera egongo da. 19:30 inguruan hasiko da, baina 20:30 baino lehen izango da une gorena. Euskal Herria izango da ikusteko lekurik onenetarikoa.
Elurra egin du Aralarren, maiatzean
Txomin Rezolak eta David Aznarezek Aralarren maiatzaren 15ean grabatutako irudiak.
Udazken giroa eta euria barra-barra izango dira nagusi ostiral honetan
Eusko Jaurlaritzako Segurtasun Sailak abisu horia aktibatu du Bizkaian eta Gipuzkoan prezipitazio iraunkorrengatik, 24 ordutan metro koadroko 60 litro baino gehiago pila daitezkeelako.
Eguraldi ezegonkorrak jarraituko du eta arratsaldean ekaitz-giroa izango da, Nafarroan eta Iparraldean batez ere
Egunak aurrera egin ahala hodeiak ugaritzen joango dira eta trumoi-zaparradak izango dira nonahi. Nafarroa erdialde eta hegoaldean eta Ipar Euskal Herrian abisu horia egongo da indarrean arratsaldean.