Fronte hotz batek giroa freskatu eta bustiko du
Fronte hotz bat iritsi da igande honetan Euskal Herrira, eta eguraldi freskoa eta bustia izango da orokorrean, baina hobetzera egingo du datozen egunetan.
Gaur, igandea, fronte horren eraginez, giroa goibela izango da, euria egingo du eta tenperatura jaitsi egingo da. Lainoa sortu da goizaldean barnealdeko leku batzuetan. Goizean goiz, hodeiak ugarituz joango dira ipar-mendebaldetik hasita, lainotuta geratuko da, eta, goizak aurrera egin ahala, euritara joko du. Zaparradak mardulak izan daitezke zenbait lekutan, eta ekaitzak jo dezake. Goizetik aurrera, ipar-mendebaldeko haizea ibiliko da, bolada gogor batzuekin. Tenperatura maximoak nabarmen jaitsiko dira, eta 20 eta 25 ºC-ren bueltan geldituko dira.
Astelehenean, eguraldia aldakorra izango da. Hodeitsu egongo da tarteka, eta zaparrada batzuk bota ditzake noizbehinka; eguzkitsu egongo da beste une batzuetan, eta aterruneak luzeak izango dira, batez ere goizean. Tenperaturan ez da gorabehera handirik izango, eta maximoak 22-23 ºC ingurukoak izango dira. Hego-mendebaldeko haizea ibiliko da egunaren hasieran, ipar-mendebaldetik joko du gero, eta indartu egingo da, kostaldean bereziki.
Asteartean, erdi-mailako hodeiak eta goi-hodeiak ugariak izango dira, eta hodeitsu egongo da, baina ateri eutsiko dio. Egunaren hasieran, hego-haizea ibiliko da, bolada gogor batzuekin, tenperatura maximoak bizpahiru gradu igoko dira, eta 23-25 ºC ingurura hurbilduko dira. Egunaren erdiko orduetan, haizea mendebaldera aldatuko da, eta iparraldetik joko du arratsaldean.
Asteazkenetik aurrera, tenperaturak gora egingo du, eta eguraldi eguzkitsua espero da ostegunerako.
Abisu horia nabigaziorako
Abisu horia egongo da indarrean igandeko 21:00etatik astelehen gauerdira arte, itsasaldeko arriskuagatik lehenengo bi milietan, olatu handiak egongo direlako.
Albiste gehiago eguraldia
Eguraldi eguzkitsua, oro har, eta ekaitz eta zaparrada arriskua hegoaldean
Datorren astean, eguraldi eguzkitsua izango da, tenperatura epelarekin, eta hurrengo asteburuari begira, tenperatura igoera eta zerua are gehiago argitzea espero da.
20 gradutik gorako tenperaturak eta giro eguzkitsua asteburu osoan
Hegoaldeko haizea ibiliko da, eta tenperatura maximoak 25 gradu ingurukoak izango dira. Badirudi datorren astean ere ildo horri helduko diola eguraldiak.
Eguzkiak aginduko du hurrengo ordu eta egunetan
Astelehenean eta asteartean maximoak 20 gradutik gorakoak izango dira, nahiz eta goizaldean giroa nabarmen freskatuko den.
Nabarmen freskatuko du igandean
Tenperatura larunbatekoa baino askoz freskoagoa izango da, eta euria egingo du han-hemen.
Hodeiak gaur eta bihar, euria igandetik aurrera
Ostiralean eta larunbatean hodeiak izango dira, baina ez du euri askorik egingo; igandean, berriz, prezipitazio txikia egongo da isurialde atlantikoan, eta tenperaturak behera egingo du. Astelehenean, ezegonkortasunak jarraituko du, zerua hodeitsu egongo baita eta balioak aurreko egunetako oso antzekoak izango baitira.
Abisu horia Nafarroan, ekaitzengatik eta euriagatik
Horrez gain, Ebroko Konfederazio Hidrografikoak ohartarazi du igande honetan ur-goraldiak izan daitezkeela ubide txikietan eta amildegietan.
Eguzkia eta tenperaturak gora gaur, kontraste handiko asteburua baino lehen
Ostiral eguzkitsua izango dugu, behe-lainoarekin barnealdeko zenbait puntutan, eta maximoak apur bat igoko dira. Larunbata epelagoa eta atseginagoa izango da, baina igandean hodeiak, iparraldeko haizea eta euri txikia espero dira.
Abisu horia arratsaldetik aurrera, prezipitazio handiak botako ditu eta
Aurreikuspenen arabera, ordubetean metro koadroko 15 litro baino gehiago pilatuko dira isurialde kantauriarrean eta, bereziki, kostaldean.
Giro grisa, freskoa eta bustia udari agur esateko
Zaparrada ugari espero dira, eta askotan mardulak izango dira, isurialde atlantikoan gehienbat. Tenperaturari dagokionez, maximoak ez dira 18 ºC-tik gora pasatuko.
1970etik hirugarren udarik beroena amaitu da Euskadin
Ekainean, uztailean eta abuztuan hiru bero-bolada izan dira: lehena ekainaren 18tik 21era, bigarrena ekainaren 27tik uztailaren 1era eta hirugarrena abuztuaren 10etik 17ra.