Zergatik eta noiz arte bero hau?
Eguraldiak banatua du euskal gizartea egunotan, beroa atseginez bizi dutenen, gogaituta daudenen eta kezkaz begiratzen diotenen artean. Izan ere, faktore desberdinak medio, udako mailetan dira termometroak.
Asteazkenean, esaterako, 25 ºC-tik gora igo da merkurioa Ipar isurialdeko leku askotan eta 30 ºC-ra ere iritsi dira Pirinio inguruetan.
Garai honetan ohikoa izaten da bero-bolada, San Martinetako uda txikia deitzen zaiona gertatu ohi baita, azaroaren erdi aldera. Bolada epel hori Föhn efektuaren ondorioz gertatu ohi da, baina, aurten, bero hori areagotu duen Claudia borraskarekin elkartu da.
Zer da Föhn efektua?
Föhn efektuaren abiapuntua penintsulara hego-mendebaldetik sartzen den aire heze eta beroa da, zeinak Iberiar meseta eta penintsulako mendilerroak gainditu ahal izateko gora egiten duen. Altuera irabazi ahala hoztu eta lehortu egiten da aire hori (0,6 ºC igotzen den 100 metroko).
Behin penintsulako mendi-lerroak igarota, jaitsi egiten da berriro ordea masa hori, eta Kantauri isurialdeko mendietara eta Pirinioetara iristerako, konprimatu eta berotu egiten da (1 ºC behera egindako 100 metroko). Beraz, hegoaldetik datorren haize bero hori are beroago, lehorrago eta zakarrago iristen da guregana.
Aurten, gainera, berezko Föhn efektu hori areagotu egin du Atlantikoan bueltaka dabilen Claudia borraska sakonak, oso hegoaldetik ari baita Euskal Herrira aire masa handia bidaltzen. Faktore multzo horrek azaltzen du, beraz, egunotan Euskal Herrian izaten ari den bero- eta haize-bolada.
Noiz arte luzatuko da beroa?
Claudia borraska gerturatzen joan ahala termometroak behera egiten hasiko dira, egunez egun modu progresiboan, penintsularen hego-mendebaldetik hasi eta ipar-ekialderaino.
Penintsularen hegoaldean eta mendebaldean dagoeneko bete-betean ari da jotzen Claudia, baina borraskaren erdigunea ez da iritsiko gurera, nahiz eta eragingo duen.
Ostirala izango da azken bero-eguna. Larunbatean jada termometroek behera egingo dute koskatxo bat eta asteburuan zehar euria ere egingo du han-hemenka, izatekotan, larunbat arratsalde-gau aldera, baina ezez askorik.
Astelehenean dator benetako aldaketa
Iparraldetik bultzaka datorkio Claudiari antizikloi bat eta horrek ekarriko du haizea iparretik sartzen hastea, eta ondorioz, termometroek kolpetik behera egitea.
Datorren asteko maximoak aste honetan izan ditugun minimoen parekoak izango dira. Maximoak 9-14 ºC artean geratuko dira eta minimoak 5-10 ºC artean. Laino eta euri kontuak izango dira astelehenetik aurrera, zeruetan. Berokiak atera eta erradiadoreak purgatzeko unea.
Zure interesekoa izan daiteke
Abuztuko eguzki-eklipse osoan murgilduta, errealitate birtualari esker
2026ko abuztuaren 12an eguzki-eklipse oso bat ikusiko da Euskal Herrian, eta Eguraldia barruan murgildu da errealitate birtualari esker. Hau da horrelako sei bideoetatik lehenengoa.. 114 urteren ondoren, minutu batetik gorako erabateko iluntasuna izango da, eta Eguzkiaren koroa ikusteko aukera egongo da. 19:30 inguruan hasiko da, baina 20:30 baino lehen izango da une gorena. Euskal Herria izango da ikusteko lekurik onenetarikoa.
Elurra egin du Aralarren, maiatzean
Txomin Rezolak eta David Aznarezek Aralarren maiatzaren 15ean grabatutako irudiak.
Udazken giroa eta euria barra-barra izango dira nagusi ostiral honetan
Eusko Jaurlaritzako Segurtasun Sailak abisu horia aktibatu du Bizkaian eta Gipuzkoan prezipitazio iraunkorrengatik, 24 ordutan metro koadroko 60 litro baino gehiago pila daitezkeelako.
Eguraldi ezegonkorrak jarraituko du eta arratsaldean ekaitz-giroa izango da, Nafarroan eta Iparraldean batez ere
Egunak aurrera egin ahala hodeiak ugaritzen joango dira eta trumoi-zaparradak izango dira nonahi. Nafarroa erdialde eta hegoaldean eta Ipar Euskal Herrian abisu horia egongo da indarrean arratsaldean.
Euri erauntsi izugarria, Atarrabian
Euri erauntsi izugarria bota du, gaur arratsaldean, Atarrabian. Ordu erdiz, euria eta txingorra gogotik bota ditu, kaleren bat erreka bihurtzeraino. Halere, ekaitzak ez du aparteko kalterik eragin. Atertu eta eguzkia agertzearekin batera, ura Ultzama ibaira bideratu da, eta zorua berehala lehortu da.
Ilargiaren itzala Lurraren gainazalean grabatuko dute eguzki-eklipsearen egunean
Abuztuaren 12an, eguzki eklipse osoaz gozatzeko aukera izango dugun egunean, hainbat zunda-globo botako dira estratosferatik eklipsearen irudiak lortzeko asmoz.
Petral dator eguraldia, zerua beltz eta tenperatura fresko
Astelehen arratsaldetik aurrera, ezegonkortasuna nagusituko da. Euria egingo du aste osoan, eta tenperaturak nabarmen jaitsiko dira. Ostegun eta ostiralean, maximoak 13-14 gradu ingurukoak izango dira.
Abisu horia arratsalderako euriagatik, bereziki Araban, Gipuzkoan eta Nafarroan
Euskalmetek eta Aemetek abisu horiak aktibatuko dituzte arratsaldean euri eta ekaitzengatik. Kazkabarra ere egin dezake, eta haize bolada oso gogorrak izango dira.
Ekaitz fronte batek mendebaldetik ekialdera zeharkatu du Euskal Herria indar handiz
Ekaitz fronte batek zeharkatu du Euskal Herria arratsaldean, eta euri zaparradak bota ditu. Euskalmeten erregistroen arabera, metro koadroko 23,8 litro egin ditu 10 minutuan tokiren batean. Mendebaldean sortu da, eta, ondoren, lurralde osoa zeharkatu du, oso indartsu.
Zer da eguzkia?
Egunero ikusten dugu zeruko zirkulu perfektu bat bezala, baina eguzkia dirudiena baino askoz konplexuagoa da. Galileok ikusitako orbanetatik hasi eta horren barrua astintzen duten asalduretaraino, gure izarraren fisikan murgilduko gara Teresa del Rio adituaren eskutik.