Euriak aste hasiera desatsegina utziko du Euskal Herrian
Tenperatura maximoak igoko dira barnealdean, eta bide beretik jarraituko dute kostaldean; minimoek, berriz, nabarmen egingo dute gora, eta izotza egiteko arriskua desagertu egingo da. Egunaren amaieran, elur-kota 1.200-1.400 metrora jaitsi daiteke.
Hegoaldeko haizeak giroa epeldu du igande honetan Euskal Herrian, eta termometroak 15-16 ºC-ra iritsi dira kostaldetik gertu, eta 10-12 ºC-ra barnealdeko zenbait tokitan, Euskalmet Euskal Meteorologia Agentziak jakinarazi duenez.
Donostian, termometroak 8 °C eta 15 °C artean ibili dira, eta Bilbon antzeko balioak izan dituzte. Barnealdean, Gasteizen esaterako, termometroak 4 °C eta 11 °C artekoak izan dira, eta Arrasaten 5 °C eta 13 °C artekoak. Guardian izan dira EAEko tenperatura baxuenak, 3 °C-ko minimoak eta 10 °C-ko maximoak izan baitira, Iruñean antzera, 1 °C eta 10 °C arteko tenperaturak izan baitira Nafarroako hiriburuan.
Astelehen honetan, euria itzuliko da, eta, beraz, aterkia eskura izatea komeniko da, eguerditik aurrera batez ere, prezipitazio iraunkorrak espero baitira. Horren harian, Aemetek abisu horia ezarri du Nafarroan euriagatik. Ipar-mendebaldeko haizeak indarra hartuko du arratsaldean, kostaldean bereziki.
Tenperatura maximoak nabarmen igoko dira barnealdean, eta ildo beretik jarraituko dute kostaldean; minimoak ere igoko dira, eta izotza egiteko arriskua desagertu egingo da. Gainera, egunaren amaieran elur-kota 1.200-1.400 metrora jaitsi daiteke.
Asteartean, antzeko eguraldia izango dugu, euria eta haize zakarra nagusi izango baitira. Zaparrada ugariak izango dira ipar partean, eta baliteke ekaitzak jotzea. Barnealdeko eskualdeetara ere iritsiko da euria, baina hor ez da horren ugaria izango.
Euriarekin batera, ipar-mendebaldeko haize zakarra ibiliko da, eta tenperatura maximoak eta minimoak jaitsi egingo dira nabarmen. Halaber, elur-kota 1.200 metro inguruan geratuko da, eta 1.000 metrora jaitsi daiteke arratsaldean.
Zure interesekoa izan daiteke
Tenperaturak jaitsi egingo dira, baina abisu horia ostegunera arte mantenduko da
Termometroek 37 ºC-ra iritsiko dira Ebro bailaran oraindik ere. Gainerako lekuetan egoera lasaiagoa izango da: altuenak 26 ºC ingurukoak izango dira kostaldean eta 35 ºC-koak trantsizio gunean. Zerua nagusiki eguzkitsu egongo da, han-hemenka hodei batzuekin.
Nola jokatu behar da bero-kolpe baten aurrean?
Beroak estu hartzen gaituenetan, larrialdi zerbitzuak prest daude azkar erantzuteko. Baina, beroari nola aurre egin ikastea garrantzitsua da, eurak ailegatu arte. Adibidez, ura ematea komeni da zorabiatuta dagoenari.
Alerta laranja asteartera arte luzatu dute, 38 ºC-ko tenperaturarekin barnealdean
Muturreko tenperaturen ondorioz, lurraldearen zati handi bat abisupean jarraituko du; apur bat jaitsiko dira tenperaturak bihar, baina iparraldeko zonalde batzuetan bakarrik.
Uda giroa nagusituko da asteburuan Euskal Herrian, eta igandean 35 gradutik gorako tenperaturak izango dira
Larunbatean udako giroa sendotuko da eta igandean tenperaturek nabarmen egingo dute gora, batez ere barnealdean.
Aste hasiera grisa eta ezegonkorra
Zerua hodeitsu egongo da eta euria egingo du tarteka gaur goizean, baina arratsaldetik aurrera hobera egingo du.
Muturreko beroaldia Europan
Europako herrialde askotan, muturreko tenperaturak dituzte oraindik, 40 gradurainokoak. Beroaldiak muturreko tenperatura historikoak utzi ditu Alemanian, Danimarkan eta Txekian. Herrialde batzuetan, agintariak ur-kanoiak erabiltzen ari dira herritarrak freskatzeko.
Larunbateko beroak euriteak ekarriko ditu igandean Euskal Herrira
Euskadin metro koadroko 15 litro euri baino gehiago pilatu ahal izango dira ordubetean. Ia Nafarroa osoan eta Ipar Euskal Herrian, berriz, alerta laranja ezarriko dute euriteen ondorioz.
Beroak atseden hartuko du igandean, eta ekaitz arriskua izango da hainbat tokitan
Maximoak nabarmen jaitsiko dira. Kostaldean apalagoa izango da aldaketa, aurreko egunetan ere beroenek behera egin dutelako, baita Nafarroa ekialdean eta hegoaldean ere. Ildo horretatik, beroenak 30 ºC azpitik geratuko dira leku gehienetan.
Albiste izango dira: Tenperaturak behera egiten hasi dira, "Ihesi, norbera izateko" dokumentalaren estreinaldia eta lurrikarak Venezuelan
Gaurkoan Orain-en albiste izango direnen laburpena, bi hitzetan.
Bero-kupula, ezohiko beroaldia eragiten ari den fenomenoa
Hego haizeak eta eguzki gogorrak tenperaturak sasoiz kanpoko errekorretara eraman dituzte. Bero-kupula deitzen zaio bero-bolada hau eratzen ari den fenomenoari. Hona hemen Euskal Herria itoarazten ari den sargoriaren zergatiak, Arnaitz Fernandez ETBko meteorologoak azalduta.