126 km/h-ko haize-boladak neurtu dira goizaldean Matxitxakon

Haizeagatiko abisu horia eguerdira arte egongo da indarrean Bizkaian. Haizeguneetan, 100 km/h-tik gorako boladak izango dira, bereziki mendebaldean, eta haizeguneak ez diren tokietan, berriz, 80 km/h ingurukoak ere izan daitezke.

GRAFCAV5012. BILBAO, 20/03/2025.- Peatones cruzan un puente con viento este jueves en Bilbao. Las fuertes rachas de viento que se están registrando en numerosos puntos de Euskadi este jueves han llegado a los 133 kilómetros por hora en el monte Zaldiaran, en Vitoria, y en Matxitxako (Bizkaia), según los datos de la Agencia Vasca de Meteorología-Euskalmet. EFE/Luis Tejido — Haizea, Bilbon. Artxiboko argazkia: EFE

Agentziak | EITB

2025/12/09 - 07:56

Azken eguneratzea

2025/12/09 - 07:56

Haize-bolada gogorrak erregistratu dira goizaldean, bereziki, Bizkaian, eta eguerdira arte 100 km/h inguruko boladak izango dira.

Euskalmetek jasotako datuen arabera, goizaldean boladarik gogorrenak hauek izan dira: Matxitxakon (Bermeo) 126 km/h-koak, Zugaztietan 119 km/h-koak, 108 km/h-koak Oizen, 107 km/h-koak Urduñan eta 102 km/h-koak Karrantzako La Cerrojan.

Eusko Jaurlaritzak haizeagatiko abisu horia ezarri du 03:00etatik 12:00etara. Haizak hegotik eta hego-mendebaldetik joko du, 100 km/h inguruko ufadak ere egingo ditu mendi inguruetan, bereziki mendebaldean. Haizeguneak ez diren tokietan, 80 km/h ingurukoak izan daitezke, bereziki mendebaldean.

Gainera, abisu horia aktibatu du itsasaldeko arriskuagatik, 06:00etatik 08:00etara. Tarte horretan, olatuak 2,5 metro altxatzea aurreikusten da.

Iragarpena

Eguna giro eguzkitsuarekin hasiko da. Arratsaldean, ordea, mendebaldetik fronte bat sartuko da, eta egunaren amaieran zerua estalita egongo da denean. Arratsaldean tanta batzuk bota ditzake, baina gau-partean botako du gehien.

Tenperatura maximoak 20 graduren bueltakoak izango dira kostaldean, gainerakoan maximoak 15 gradukoak izango dira, epelen jota.